|
العامري ...لك منادي والعلم خير.....
الشاعر/ العامري...مساك الله بالخير.وعيدك مبارك..آمل ان يكون لديك متسع من الوقت لتشاركني هذه المحاورة لاعدمتك...
سلامي رديّة(ن)من خاطري للي يعرف السلوم=رديّة(ن) قلتها وابغى جزاها وفق مضمونها يالعامري كيف حالك عطني علومك وهاك العلوم=خل العوارف تشوف الضرب يارجال بعيونها |
مرحبا بك يا هاني، و العامري قريب مهوب بعيد و هو من الناس اللي حريصين على ازدهار منتدانا، وينك يالعامري عجل علينا و ازهل الصفوف. يا ههههههلا بككككم |
أبو وليد :
هلا وغلا مساك الله بالنور ..وكل عام وانت بخير ..شاكر لك مرورك طال عمرك هاني: هلا وغلا بصادق الوعد بيض الله وجهك وعسى اندفاعك وحماسك مايكون وقتي فقط نتمنى استمراريته واستلم طال عمرك
يامرحبا ياهلا بسهيل يومه بان بين النجوم=ترحيبتن صافية مثل الذهب مايختلف لونها كانك تبا الضرب جاك اللي حصانه بالملاقا عزوم=وإن كنت تبغى السوالف سج رجلينك على هونها ـ |
مرحبتين بالزاهم والمزهوم وحي الله هاني وهذا العامري ماقصر عطاك عمرهـ . وأصلو يالربع وترانا متابعين لكم . |
تسلم ياعمي الغالي على تشجيعك وحرصك لاعدمتك....
الغالي/ سعد ...متابعتك وتشجيعك يدل على حرصك والله يوفقك ويعينك لاخلا ولاعدم......... هلا وغلا بالعامري الله يحييك وشاكرك لقبول الدعوة.... استلم لاهنت/
عن الخطا ياوسيع العرف والمعروف نفسي تصوم=اجنب الديرة ان شفت الوبا واصير من دونها العقل نعمه وِقلّ اللي يفكّر وانت رجل(ن) فهوم=عيّنت بعض الدول راحت سبب تفكير مجنونها |
صح الله لسان الشاعرين , طرق جميل , وأبيات أجمل , واصلوا , والتفاؤل
باستمرار هذا الازدهار يملؤنا |
السعيدي:
هلا وغلا نورت الصفحة هاني: طيب طيب اسسسستلم:
ياطير حولت من جو السما قدام غيرك يحوم=آقولها وأكثر الزوار ياهاني يقولونها مالي ومال المهبل يا عسى الدنيا بهم ماتدوم=باكر تدربي الحصاة اللي تدربى من يدربونها الليل الليل |
هاني
العامري رمزين من رموز الشعر لمتابعتكم مذاق خاص واصلوا لاعدمتكم |
محمد السعيدي ..تسلم يالغالي...
علي العجاجي..ماعليك زود لاعدمتك... الله الله استلم لاهنت/
على النقا ماندور للشقا والعين دايم تروم=لم النجوم وكثير الناس ماظني يطولونها والا قليل المعرفه بالنوايب مايسد اللزوم=والشجرة اللي بليا ظل نقطعها مع غصونها |
علي العجاجي:
لاهنت يا بعدي.. ولاعليك زود .. شرفتنا هاني يا هاني اسسسسسسسسسستلم:
ياللي تروم النجوم اكفخ بجنحان السعد لاتنوم=ماحصل الطايلة من طبق جفونه على نونها لاجيت في سوق واجف وانت واقف ما تبيع وتسوم=تجار واجف تراها من سواتك تضرس سنونها . |
إبداعX إبداع، هاني + العامري= روعة وجمال الرد! واصلوا عافاكم الله. و يا هلا بحضوركم |
العم الغالي لك كل الود والتقدير على تشجيعك ....وماعليك زود...
استلم يالعامري لاهنت/
ياالله عسى من يطيح من العدا ياصاحبي مايقوم=من شب نار الفتن يصبح ضحيّه وسط كانونها اركد وخذ حكمة اللي عارف(ن) مقصدك لو هو حلوم=تهتز من كلمته لو هي جبال طويق بركونها |
أبو وليد :
متابعتك تضيف الكثير للمحاورة .. لاهنت على المتابعة استلم ياهاااااااااااني:
انا ليا شفت جدران المعاني باديتها الثلوم=أقول وين الرجال اللي على السيسان يبنونها ياحضرة الضابط اللي ماعلى كتفه نجوم ورقوم=ليتك تخلي الكتيبة للرجال اللي يقودونها . |
الله الله استلم يالغالي.....
كل(ن) على قد عرفه مانبا العقبان والله تحوم=والناس من يعترضها تدحمه يالصاح بمتونها هيّا تعال استلم خل ابا اشوفك كيف تقدر تعوم=ترى القياده لها ناس(ن) تصرفها بقانونها |
العامري و هاني أبداع * أبداع منقطع النظير . العامري وينك لا يبرد حماس الصفوف ...!! |
| الساعة الآن 01:27 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023