|
علي العجاجي ... على السعة الله لايهينك
بسم الله الرحمن الرحيم
الخال العزيز واالشاعر الكبير : علي العجاجي أرجو ألا أُثقل عليك بهذا الطلب فأنت كما لايخفى مشغول مع محاورة غيري , لكن اشتقت والله للعب معك وأنا رجال ما أرد الشوق , استلم لاعدمتك :
الليل ياشعارنا الليلة الليل = نادوا علي واستبشروا بالكرامة أربع دلال مبهّراتٍ من الهيل= والعود الأزرق في محل الزعامة |
الله الله الله الليل ياشعارنـا الليلـة الليـل ..........نادوا علي واستبشروا بالكرامة أربع دلال مبهّراتٍ من الهيـل .......والعود الأزرق في محل الزعامة ابوسفر صح لسانك مبدع كعادتك ابو حسين عجل علينا والله ذبحني المطامر خلوني على المدرًج والي عل المدرج يتفرج |
أربع دلال مبهّراتٍ من الهيـل
.......والعود الأزرق في محل الزعامة لاهنت يابوسفر وبيض الله وجهك وفي انتظار الشاعر الكبير علي العجاجي .. والصفوف ارقدوا عنها .... |
سنايدي ارحب مايصير اشوفك دايم محايد اقضب الصفوف وخل عنك الكلام عساف النجايب هلا وغلا فيك وجودك شرف كبير يابعدي خالي الشاعر الكبير محمد السعيدي هلا فيك وابرك الساعات اني اتحاور مع شاعر مثلك وانت ياخال ماعنك عذر
الليل ياميدننا جاك حلحيل=خالي محمد سعد منهو حزامه مقلط ضيوفه على فطر الحيل=طبعٍ لبوه وطبع باقي عمامه |
السعيدي وابوابراهيم
واصلوا وحنا متابعين واسمح لي يابوسفر ابقضب صف ابوابراهيم جعلي ماابكيك |
الليل ياشعارنـا الليلـة الليـل= نادوا علي واستبشروا بالكرامة
أبو عبد الله: عز الله ناديت خيِّر و لا عليك قصور.
الليـل يا ميداننـا جــاك حلحـيـل= خالي محمد سِعْد منهو حزامه
أبو إبراهيم: و نعم ببو عبدالله و لا عليك قاصر. سروها ... سروها، و حنا ماسكين الصفوف. و يا هلا |
أربع دلال مبهّراتٍ مـن الهيـل .....................والعود الأزرق في محل الزعامة الله الله صح لسان الشاعرين بيض الله وجيهم وانا طبعا بصف الشاعر الجزل محمد السعيدي يعني علي عقب علوم البارح ولا حتى يحلم بقضبة الصف ;) |
سنايدي : يامرحبا ومسهلا وجودك يسعدني , لكن على ماقال علي : اقضب لك صف.
عساف النجايب : ياهلا بك وهذي الساعة المباركة اللي اشوفك في محاورة لي. البطران : ألف مليون مرحبا بك , واقضب أي صف تبي بس المهم ماتخلينا.0 عميدنا المحترم : بيض الله وجهك على هالرد اللي يبرد القلب , ويامرحبا بك. سعد العبود : حييت من قلب يودك ويغليك , يامرحبا , شرفت الصف يابو يوسف. ابو ابراهيم : استلم فديتك :
والنعم فيكم يا الرجال المشاكيل = الطيب يبني في وطنكم خيامه مالي ومال أم الرموش المظاليل= اليوم قلبي في الملاعب غرامه |
الله .. الله .. الله ياسلام على المحراف والشعار واصلوا .. واصلوا وتراي بصفكم إثنينكم |
الليل الليل واصلو واصلو يالربع و انا بالصف اللي قاضبه البطران و لا تهون يا محمد الليل الليل |
بيض الله وجيهكم يالشعار وقواكم الله
وانا قاضبن الصفين، وش اسوي حيل الله اقوى كلهم عينين في راس الليل الليل |
البطران جعل مابكي ذا الخشم مرورك شرف بحد ذاته جود الصف يابعدي الخال العميد هلا وغلا فبك مرورك وسام على صدورنا مدام انت موجود الصفوف ماعليها خلاف سعد لعبود هلا فيك وصفي وصف خالي واحد بس خل عنك بعض الهرج اللي ماله سنع ابوحسام مرحبا يالشاعر الجزل مرورك شرف الشاعر هلا فيك يالغالي وجود الصف ياعصابة راسي فارس تميم هلا ابو عبدالعزيز تسلم مرورك شرف خالي محمد استلم يالذيب
ماهي غريبه يوم توفي المكاييل=منته من اهل الحقد واهل النمامه الملعبه تعسف كما يعسف شعيل=ومحمد العذفه تعلى سنامه |
ابوحسام : ياهلا ومرحبا المحاورة ماعليها خوف لاصرت أنت موجود .
الشاعر : حييت ويامرحبا بك , والصفوف كلها واحد , بس خلك موجود. فارس تميم : يامرحبا بالشاعر القادم بقوة , شرفت يابو عبد العزيز. ابو ابراهيم : استلم يا الغالي : و
شلون ما اعسفه واضرّيه للشيل= والمهره اللي معك مثل النعامة أخاف تسبقني ويطرحني الحيل = وقلبي على المسرى يهدّه هيامه |
الخال الغالي محمد
معذره على هذا التاخير استلم لاعدمتك
يقطعك يادنياً بليا محاصيل=كل من الدنيا يدور سلامه الله يعدلها عن الضلع والميل=كد قالها الاول ولا له ملامه |
استلم يابو ابراهيم , يامال الشحم :
الوقت مايضعف عزوم الرجاجيل = لو في وجيه القوم ثوّر عسامه والحر لاصمّل يقص المحابيل = ياصل بجنحانه حدود الغمامه |
| الساعة الآن 11:36 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023