مـنتديات بلدة الشعراء

مـنتديات بلدة الشعراء (http://www.alsh3ra.com/vb/index.php)
-   قصــائد منقوله (http://www.alsh3ra.com/vb/forumdisplay.php?f=66)
-   -   احبك حب صقار لطيره .. يعاف النوم لو ريشه تثنى (http://www.alsh3ra.com/vb/showthread.php?t=25512)

الخيل عشقي 10/10/2009 09:59 AM

احبك حب صقار لطيره .. يعاف النوم لو ريشه تثنى
 
السلام عليكم ورحمة الله وبركاته

قصيده للامير الشاعر : خالد الفيصل


http://images.google.com.sa/url?sour...iwTBhXkkS9-I-w


كتبت من الشعر في كل معنى

ولكن وصف زينك ما بلغنا

. .

انا وش لون أوصّـف زين روحك

و ذاتك حسْنها ماقد شهدنا

. .

أشوف الصبح في طلعتك باسم

وبك خجلة غروب الشمس شفنا

. .

تجي مثل الكَرى سلْطة حضورك

وما تبغيه من حلمٍ حلمنا

. .

نشيت بـ عالمي منشا سحابه

يسابق نبتنا فيها زهرنا

. .

أحبك حب صقّار لطيره

يعاف النّوم لوْ ريشه تثنّى

. .

و احبك حب شاعر للقصيده

اذا جت وًنْ و إن عيّت يونّى





وسلامتكم

أبـــوحـــمـــــد 10/10/2009 11:31 AM

وعليكم السلام ورحمة الله وبركاته

صح لسان الأمير الشاعر : أبو فيصل ... عسى عمره طويل ...


قصيدة قوية بمعانيها...


وبالنسبة لهاذالبيت:
أحبك حب صقّار لطيره
يعاف النّوم لوْ ريشه تثنّى

أبدع الشاعر في تعبيره ودل على قوة حبه وش عاد لو مات الطير(المعشوق/الحبيب) وش بيقول

برايفت:أنا أشوف إن هاذا البيت ينطبق على حب الأم

............

وبالنسبة لهاذا البيت:
و احبك حب شاعر للقصيده
اذا جت وًنْ و إن عيّت يونّى

صدق أبو فيصل بوصفه الرائع ... الله يعينه.





أبو عبد الله مميز كعادتك بمواضيعك وماتنقله من قصائد جزلة ...



الله يعطيك العافية , لاتقطعنا من قصايد خالد الفيصل ...



لاهنت على النقل الجميل...

أبوهتون 10/10/2009 03:22 PM

وعليكم السلام ورحمة الله وبركاته



ماينلام على هذه القصيدة والأبيات الرائعه التي تحتوي على الكثير من التشبيهات



لاهنت أخي الفاضل الخيل عشقي على أختيارك لهذه القصيدة الرائعه بروعة من نقلها ولايهون قائلها



دمت بحفظ الرحمن



أخوك إبراهيم اليحيى ( العسكري )



قناص الأزرق 10/10/2009 03:47 PM

اقتباس:

أشوف الصبح في طلعتك باسم

وبك خجلة غروب الشمس شفنا



الله على الوصف ..

صح لسان شاعرها ولا يهون من نقلها ..

بانتظار ابداعاتك ..

قيس القيسي 18/02/2011 01:56 AM

قصيده رائعه


الساعة الآن 12:36 AM.

Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023