سلام الله سلام الشاعر اللي طول غيابه = دفعه الشوق للديرة عسا الرحمن يسقيها,,,
السلام عليكم ورحمة الله وبركاته.. مساكم الله بالخير جميعا كل(ن) باسمه .. الغالي الصييفي مساك الله بالخير واتمنى انك بصحه وعافيه وعساك حولنا قريب .. سلام الله سلام الشاعر اللي طول غيابه = دفعه الشوق للديرة عسا الرحمن يسقيها بعد هذا سلام الله سلامن ياصل احبابه = رجال الطيب ماتخلف على المله مباديها |
وعليكم السلام ورحمة الله وبركاته
مساك الله بالرضا و العافيه والحمد لله على السلامه ان شاء الله يجي الصييفي ونتابع ملعبتكم صح لسانك على هالبيتين الوافيه من رجال وافي |
وعليكم السلام ورحمة الله وبركاته
ياهلا والله وغلا فيك أخي الفاضل هاني لاهنت وصح لسانك على هالأبيات الرائعه بروعة قائلها جميل أن نراك معنا وقد أتحفتنا بهذه الأبيات وننتظر منك قصيدة كامله وليست أبيات قيصيرة وأنت كريم وكل من في المنتدى يستاهل منك أكثر من هذا هنا نثرت جمال بجمال وهنا كانت أبياتك عبق لكل قاريئ لاتحرمنا من جديدك ونحن بإنتظار عميد منتدانا الصييفي وأن شاء الله أنه حولنا وقريب منا وناتبع معكم إبداعاتكم ولايطول غيابك علينا دمت بحفظ الرحمن أخوك إبراهيم اليحيى ( العسكري ) |
اقتباس:
مرحبا و مسهلا بك يا هاني و المعذرة ما توقعت حضورك و الملعبه لها زمان خامده الله يحييك و عسى حضورك وجه خير استلم لا هنت: هلا بالشاعر اللي له غيابٍ ما اعرف اسبابه= و حنا و البلد متلهفين لشوف راعيها أعرفك من رجالٍ تعطي التقدير لاصحابه= و هم كلٍّ يقدِّرهم من اولها لتاليها |
اقتباس:
أرحب يبو محمد بيض الله وجهك و لو كل الأعضاء بنشاطك و طيبك كان ما على المنتدى خلاف لا هنت و لا هان هاني و الحضور |
اقتباس:
هلا و مرحبا ببو عبد الله المعذرة على الحطأ بالترتيب أبو هتون عودنا يكون أول من يرد من غير قصور فيك و أنا شفت كلامه المطول و لا صدقت بخبر شكرا على تشريفك يالخيل عشقي مع تحيتي و اعتذاري |
الفاضل ابو وليد ( الصييفي ) لا داعي للاعتذار الله يطول بعمرك مايلحقنا فيك شك كلنا ربع وجماعه واللي يلحقنا يلحقك ولا يجي منك الا كل خير صح لسانك وانا باقف بصفك ولا يهون هاني . متابعين |
اقتباس:
يا هلا بك يبو عبد الله و صفي يعمر بمثلك و شرواك. وين هاني؟ أكيد طول عليه الرد و صد تحيتي للجميع |
الخيل عشقي..لاعدمت حضورك ويشرفني مرورك يالغالي . ابو هتون ..صح بدنك والله يسلمك من كل شر اتشرف في وجودك لاعدمتك .. الصييفي ..هلا وغلا فيك ويامرحبا والله قبول الدعوة شرف لي لاعدمتك ... تبي تلحقك شرهة من رفيقك واقبل عتابه = صواديف الليالي ماحد(ن) يعرف خوافيها عطيتك سر لكني لقيت الكل غنابه = افا وش ذا الوفا قل لي علومي ليه تبديها |
اقتباس:
مرحباك يا هاني: أفا، حقك علي و ما تقول اليوم نرضى به= و لكن لا تعجل، بعدها في حرز راعيها أنا من فرحتي بك ربما لمّحت في جابه= و لا ظنيت صاحبنا يبيع و يشتري فيها |
السلام عليكم ورحمة الله وبركاته يعطيكم العافيه وصح لسانكم عميد منتدانا الفاضل أبووليد والأخ الفاضل هاني على هالأبيات الرائعه بروعة قائليها أبيات وافيه وجزله أبدعتم بما أتيتم به ورسمتم هذه التحفة واللوحات الشعرية في هذه الأبيات التي أستمتعنا بها معكم بإنتظار المزيد من هذه اللوحات الشعريه دمتم بحفظ الرحمن أخوكم إبراهيم اليحيى ( العسكري ) |
ابوهتون ..لاخلا ولاعدم وجودك يشرفني يالغالي .. هلا وغلااا يالصييفي : ابي منك الحقيقة لاجل اجيب اللي حكينابه = ولاتجعلني بحيرة وعرضة في مراميها تراها علوم وصلتنا بها نكري ومتشابه = ولكن الغلا باقي تراك براس عاليها |
عاليها
الله الله صح ألسنتكم جميع واصلوا ونحن متابعين معكم عساكم على القوه |
اقتباس:
مرحبا بك يبو هتون متابعتك شرف لنا يالغالي لاهنت |
اقتباس:
أرررحب يا هاني: إذا يبغى الحقيقه هاني تجي له الى اعتابه= تجي بالخاص ما نبغي نعممها و نعميها ابيِّن ويش صار بجلسةٍ بيني و ابو "نابه"= بها حكيٍ عمومي ما وصل حتى حراويها |
الساعة الآن 11:34 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023