|
قصيدة للشاعر علي بن محمد العجاجي
السلام عليكم اخواني رواد منتدانا الغالي اقدم لكم هذه القصيدة للشاعر: علي بن محمد بن عبدالله العجاجي قالها بمناسبة سفر اخيه عبدالله من الشرقيه الى الرفايع لحضور افتتاح مجلس الرفايع وكان شاعرنا يود الحضور لكن ظروفه الصحيه منعته من الحضور لعل مانفقدك ياذرب الايمان=ياللي غيابك حيل صعب(ن) عليه خليت شيبانك محرول وعميان=ياجعلها لك خير في كل هيه اتمثل الشايب مع ربع شجعان=في فتحة المجلس علوم(ن) طريه نبي نطلع ذكر اهلنا العجاجان=اللي لهم بالمجد سيره زكيه كسابة الناموس في ماض الازمان=قوم(ن) لهم بالطيب روحه وجيه هذا كلام(ن) صح مافيه غلتان=قولي صحيح وذا لزوم(ن) عليه وصلاة ربي عد ما طاح هتان=على رسول الحق خير البريه |
تسلم اخوي علي على القصيدة وصح لسان شاعرها و انا ودي
اشارك بهذه القصيدة المتواضعة وانا اول مرة اشارك في منتدانا الغالي : وش اللي مخلي الشاعر يبدع القيفــان وهو له ثلاث سنين ما قد بدع قـافـه تهيض وجر الصوت له بعذب الألحان من اسباب شي مختلف ما بعد شـافـه من اسباب مخلوق لاهوب انس ولاهوجان ولاادري وش احليه ولاادري وش اوصافه يشعشع بنورن مثل نــور القمـــر لا بـــان خطيرن علــــيه يولــــــع بــــدون كشافه بيــاض بجبينه يالربـــع يجــهر العمـــيان كمـــا نور ليزر مــــع ثنــــاياه شفــافـــة انا ادخل على الله و اتعوذ من الشيطــان منزل تبارك معهـــــا ياســـين و اعرافه من اللي يفز القلب لــه فزت الشيهــــان كفخ حين شاف الجول وراعيه بخلافــه يصــوت و عنه الشوف غطى ورى السنفان وهو خايفن من زود فعله و مصلافــــه وصل طيره و هاله منه منظر الدمــــان لقى الريــــــش مودعه مثل نتف نتافــه انا حالتي مثله انـــا المولـــع الشفقــــان وانـــا اللي ليا ضـاقت بدا راس مشرافه و كله سبايبك انت ياقـــــايد الغــــزلان تفقي و انـا كبدي من العــــام منلافــــــه ابو جلمبو |
صح لسان ابو محمد و عسى الله يشفيه وصح لسان ابو جلمبو ايضا و لو ان موضوع الاوله ما له علاقه بالثانيه و العكس صحيح |
| الساعة الآن 07:57 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023