استنـكار جماهيـري لـ شاعر المليون ..والشبرمي يقبـل راس الفراعنه
http://www.5zna.com/download/155247fc9391b7b0e.jpg
الدمام (سبق) : شهد مسرح شاطئ الراحه في أبوظبي اعتراض واستنكار الجماهير الحاضرة بالمسرح على ترشيح الشاعر القطري خليل الشبرمي والذي توج بلقب شاعر المليون في نسخته الثانيه ، كما توج الشاعر الإماراتي محمد بن حماد الكعبي على المركز الثاني و مبلغ نصف مليون درهم إماراتي , فيما كان المركز الثالث من نصيب الشاعر اليمني عامر بن عمرو و مبلغ 350 ألف درهم إماراتي , و قد حل السعوديان عيضة السفياني و ناصر الفراعنة في المركزين الأخيرين على التوالي . وقد شهد شريط الشات في قناة شاعر المليون ثورة المتصلين والرسائل الاستهجان والتي نصت في فحواها بتلاعب القائمين على البرنامج بالنتائج النهائية ، واستدل البعض على ذلك من خلال تجهيز فيلم وثائقي للشاعر القطري كتجهيز له بالجائزة من قبل . كما تسائل الكثير كيف يمنح الشاعر خليل الشبرمي درجة 42/50 ولديه كسر واضح في قصيدته المجاراة لقصيدة أبي الطيب المتنبي الجدير بالذكر أنه وأثناء تسليم البيرق المزعوم أنه بيرق للشعر صاح الجمهور بأعلى صوته أن بيرق الشعر للشاعر الكبير ناصر الفراعنة الذي تفاجأ بتحول القصيدة والشعر إلى الشاعر خليل الشبرمي الذي لا يقل شعراً عن زملائه. ونادى الشاعر بن جدلان أحد أبرز شعراء الجزيرة بعدم الاعتراف ببرنامج شاعر المليون الذي وصفه بالسوبر ماركت مؤكداً أن ما حدث للشاعر ناصر الفراعنة هو كذب وافتراء على قدرة شاعر استطاع أن يحطم أرقاماً قياسية ، واتضح ذلك من خلال تحيز القائمين على البرنامج بتقديم الحلقة لقطر متجاهلين تماماً وجود ناصر الفراعنه . اللقاء شهد خروج الفراعنه مباشرة من المسرح دون أي مبالاة لما حدث إلا أن الشاعر خليل الشبرمي لحق به تقديراً لوضعه وقام بتقبيل رأسه أمام الجماهير اعترافاً له أنه الأحق . ( النتائج حلقة هذة الليلة ) خليل إبراهيم الشبرمي - 42/50 عامر بن عمرو - 41/50 عيضه السفياني الثقفي - 43/50 محمد حماد الكعبي - 44/50 ناصر محمد الفراعنه - 46/50 ( درجات لجنه التحكيم النهائيه ) خليل إبراهيم الشبرمي - 62 عامر بن عمرو - 52 عيضه السفياني الثقفي - 52 محمد حماد الكعبي - 54 ناصر محمد الفراعنه - 48 صحيفة سبق الالكترونيه http://www.sabq.org/inf/news.php?action=show&id=5864 |
مهزله ماينسـكت عنهـا ..
لازم شعراء السعوديه يقاطعون هالبرنامج !! |
واالله من جد قهر قهر قهر ووكذب علني
والله مايستاهل الفراااااعنه اللي صار له واذا السنه الجايه شارك سسعوودي يااوويله ووبعديييين ناااااصر الخاااااااااااااامس يعني كذب غير طبيعي على الاقل لو انه الثااني جعلهم المررررض مشكووورر أخوي المسفهل |
انا من اللي زقت معهم وقوموا الدنيا يوم فآز الشبرمي ...
بس ودي اتكلم عن نقطه ... ياخوي ورآ الدنيا قلبت كلها على رآس خليل الشبرمي وهو المسيكين مال امه دخل بالسالفه ...؟ وبعدين من شاف وجهه يوم يآخذ البيرق ... في ذمتكم كآن مستانس ؟ والله ان وجهه قبل ما ياخذ البيرق بخمس ثواني ازين من يوم خذهـ ... وعلى ما اظن انه همـس بإذن نآصر الفرآعنهـ يوم سلموا على بعض ... وانا كنت تقريـبـاً حـآقد عليهـ من بدايهـ البرنامـج ... مدري ليه بس كذا ! لاكـن عقب الموقف اللي صآر له .. قسم اني قلت ليت فيه بيرقين مهوب وآحد والثاني يصير لنآصر الفرآعنهـ ... ميـر نآصر اكبر من البيرق والبرنامج نفسه ... والدعوى كلها علم مزخرف ... اروح الخطاط واعطيه قماش واخليه يزبط لي فيها بـ 80 ريآل |44| < والله اني صادز اعذروني طـولت عليكم ... والله لا يهينك يالمسفهل ... |
يبغونها قطريه للمره لثانيه والثالثه ..
وزي ماقالوا انهم حطوا مقطع للشبرمي قبل يفوز !! وينا فيه ..؟! على العموم اكتشفت ان هالبرنآمج فيه تلاعب هذا وانا ناوي اروح له << توقع بس |44| يعطيك العافيه المسفهل " بس اول مره اشوف واحد يكتب موضوع ويرد على نفسه |44| |
انا من وجهة نظري لو كان فيه خش كان فوزوا الاماراتي
وبعدين الشبرمي قدها وقدود وكل تميم معه ووقفوا معه وشوفوا شعره نضيف وراقي واسمحولي الفراعنه شعره مو مره وفيه كلمات ماعجبتني لكن الشبرمي تمسك بالعادات والدين اتمنى وجهة نظري ماتزعل احد مبروووووووووووووووووووووووووووووووووووووووووك يالتميمي |
مشكور أخوي العزيز المسفهل على الموضوع
والشاعر خليل الشبرمي التميمي يستأهل الفوز شاعر متمكن ومعروف وكبير بشعره وقرار اللجنه قرار صائب ومثل ماقالت أختي العزيزه غلا نجد لو كان فيه غش كان فوزو الشاعر الإماراتي تقديرا للإمارات وهذا لايقلل من قدرة الشاعر ناصر الفراعنه وتمكنه ولكن مثلما أن فيه البعض لايحب شعر الشاعر الشبرمي هناك أيضا من لايحب شعر الشاعر الفراعنه دمت أخوي برعاية الله وحفظة من كل سوء وشر إبراهيم اليحيى ( العسكري ) |
ايه والله قهر
عالعموم مشكوور اخوي المسفهل |
اقتباس:
الشبرمي ماجاب ولاقصيدة جديده ,, على عكس الفراعنه .. والشبرمي في كذا قصيدة عنده كسور .. انا ماادري ليش فضلتيه على الفراعنه !! |
أنا أحلف إن فيه تلاعب بالبرنامج
والدليل واضح لأن العام ثلاث سعوديين كلهم أخذوا مراكز اولى وهالسنه خلوا المشاركين السعوديين الرابع والخامس ويسد وقفة الجمهور لناصر التلاعب واضح يا شيخ قبيلة سبيع أكثر من سكان قطر حاضرة وبادية و ناصر أكبر من البرنامج و البيرق المخيس لكن الشبرمي الضعيف ماله ذنب هو شاعر لكن ما يقارن بــ ناصر ومشكور يا المسفهل |
^^
حياك عبوود .. ناصـر الفراعنـه اللجنة رفضو قصيدة الاخيـره وماوافقو عليها الا بـ الواسطه .. لانه رد على محمد بن فطيس باليت هذا العقيله ماتبي غير ابن حربان زوج ........ يوم غدت حـاجة الذيابه عند النعآج .. |
لي عوده ان شاء الله
|
لازم كل السعوديه يقاطعون البرنامج
صدفة بعد أن السعوديين هم الرابع والخامس>>>>>>>>>>>>> شاعر الظلم |
بصراحه اناانصدمت باللي صار وخاصه النتيجه النهائيه
ناصر الفراعنه كان له حظور قوي وغير طبيعي قصائد والفاظ قويه جدا |
الله يقلعهم ..
من جد قـــهر !! بس ياليت كل السعوديين يقاطعون هالبرنامج السنة الجــاية .. يعطيك العافية يالمســـفهل .. |
الساعة الآن 04:35 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023