سلام(ن) من هجوس الشاعر اللي يبدع القيفان=عدد مالاح براق وعدد ماهل وداني
يقوله شاعر(ن)مشتاق يلعب مع هل الميدان=على عدّه يصدر ياجماعة كلّ ظمياني

هلا يامرحبا ترحيبة(ن)من نجد لاقصى عمان=تساق من العجاجي للزعيم بكل ميداني
مادامه زايد(ن)شوقك فانا ياصاحبي شفقان=لاكن قلي وش اسباب الغياب اليوم ياهاني

هلا باللي يجيب البيت الى منه بدع مليان=اعرفه من رجال(ن) صيتهم من عصر جداني
انا لي قصة(ن) ياصاحبي مااجد لها عنوان=غيابي من ظروف الوقت متبوع بسبب ثاني

ظروف الوقت يابناخي ترى ما سلم منها انسان=وهذي حالة الدنيا وهذا حال الانساني
اذا ربي رزقنا العافيه والامن والايمان=تراها نعمة(ن)ماحد(ن) يقدرها بالاثماني

ظروف الوقت يابناخي ترى ما سلم منها انسان =وهــذي حـالـة الدنـيـا وهــذا حـــال الانـسـانـي
اذا ربــي رزقـنـا العافـيـه والامـــن والايـمــان=تـراهـا نعمة(ن)مـاحـد(ن) يقـدرهـا بالاثـمـانـي

ظروف الوقت تشمل شي خافي مانباه يبان=ومادبر ولي العرش انا راضيه يااخواني
صحيح العافيه والله تراها تنشرى باثمان=عسى ربي يثبتنا على الطاعه والايماني

مادامك ماتبيه يبان خله في طوى النسيان=مادامك جيت هذي غايتي ياذرب الايماني
نبي ننسى زمان(ن)فات ونعيش بزمنا الان=يقولون الهروج بما مضى بالعقل نقصاني

على ماقلت دافنها ولا اسمع هرجة الفتان=اقيس الكلمة ان جتني واوازنها بميزاني
وكل(ن)معه عقل(ن) يحكمه وايضا معاه لسان=ومثلك وان ندبته بالرساله يقضي الشاني

سفينتنا لها عام(ن)وهي بقيادة الربان=وحنا لازم لربانها نصير الاعواني
اذا ماتجزع اليمنى ليسراها بكل احيان=ترى المركب يبي يغرق ولوجاء فيه رباني

على ماسهل الله سايرة بقيادة الرحمن=مع الربان حنا ياعلي لاجاه عدواني
تبشر بالسعد واللي رمى مايخطي النيشان=ويرسي مركب الربان دوم اب بر الاماني

انا ماارتاح لين السيل يذكر ضيق الوديان=ومن عقب الدهر تخضر يارجال الاغصاني
ترى قو البناء ياصاحبي من قوة السيسان=ولابه بني ياهاني يقوم بدون سيساني

يسيل السيل الى منه كشف براق بالامزان=تفيض عقب مايمطر سحابه كل ودياني
اعرف البيت وادري مايقوم ان طاحت العمدان=مِجوّد يوم اقد البيت يارجال عمداني