|
جيت
جيت يا كل الجمال تهز فيني روحي = جيت و احساسك علي تشح به همساتك مرحبا عطر ن علينا بالحياة يفوحي = مرحبا يا ذا الشذا ترسله لي نسماتك يا هلا و اسمح له التعبير بعض جنوحي = كيف ما اجنح به و انا سلهمت في وجناتك من قسى الوقت و بعادك و ازدياد جروحي = بك فرحت و فرحتي اكثر شوفتي بسماتك مدري كانك لي تلوم او منك انا مسموحي = بس لا تقسى علي ارجوك في كلماتك غصب احبك حب منه كن انا مذبوحي = في وجيه الناس اشوف من الوله قسماتك جيت منه اشراق ضي الشمس وقت الضوحي = كن الى آخر ما يغيب من الشفق طلاتك و الشفق ذاك الشفق مما اشتفق به يوحي = بين الاصوات الكثيره نبض من نبراتك قال جيت و جيت فعلا يا كناين بوحي = و يا خفوق احذر خطر لا تختبص دقاتك لك غطو و لغيرك اللي يشوف لا مصلوحي = خابرك تقواه و ارفع بالغطو شيلاتك قاف سيد قاف لك قفاه من مقدوحي = ما تبي به خذ يمينك مد لا ما فاتك |
صح بدنك يا اقرب الناس قصيدة جميلة بجمال كاتبها لا هنت |
السلام عليكم ورحمة الله وبركاته
يعطيـــك العــــافيــــــه وصـــــح لســـانـك أخـــــــي الفــــاضـــل أقــــرب النــــاس علـــى هـــــــذه القصيــــــــــــــــدة الرائعــــــــــه كــروعـــــــــة قائلهـــــــا أبيـــــــــات جميلـــــــــــــه أبـــــــدعـــــت فــــي صيـــــاغتهـــــــا وأتحفتنــــــا بالإستمتــــــــاع بهــــــا دمـــــــت أخـــــي برعـــــــــاية الله وتوفيقـــــــــــــه أخوك إبراهيم اليحيى ( العسكري ) |
استاذي الغالي
عميد المنتدى الصييفي صح بدنك و شكرا لك متابعتك الدائمه |
قصيده رائعه يااقرب الناس نتمنى منك الاستمرار بتنزيل قصائدك الجميله
يعطيك العافيه واسف على التاخير بالرد |
اقتباس:
|
اقتباس:
|
| الساعة الآن 06:26 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023