تعال يا عبود
تعال يا عبُّود كان انِّك قريب=نبي نطيِّر للهنوف اعماسها ذا للربابه وقت ما انعشها السبيب= و الجاونيه ما ترد انفاسها |
ارررحب واستلم
حاضر بحاضر يالصييفي لا تغيب=دن النجر وانا علي مرواسها علاجها عندي وانا فيها الطبيب=والجاونيه ما تقعد راسها |
اقتباس:
أنا اشهد انك كفو يا خير اللعيب= نبي نعلِّق في الرِّقاب اجراسها عساك فيك الخير و علاجك يصيب= ما للصّعاب الا الشجاع بناسها |
اررحب واستلم
من قام مع ربعه ترى ما فيه عيب=رن الجرس واتجيك كل اجناسها ان وفق الله فيه ما هذا عجيب=يوم الضعيف جاء يبييه وحاسها |
اقتباس:
مرحبا بك قمنا و قمنا لينا وصّلنا السريب= لكن بعض الناس وصلت ياسها ناسن تصيح: "الذيب في جوف القليب"!= تصيح من سوسن مكن في اضراسها |
اررحب
لا لايهمك من يعبدون الصليب=واهل البلد هم عزها هم ساسها لو صاح بعض الناس خله سيب سيب=وكل ديرة سكانها حراسها |
اقتباس:
تفضل لا عدمتك ابك البلا جانا من اسباب القريب= صارت بلاوي حرب من غطاسها اهداف بعض الناس حدّرت الشعيب=تشابكت اخماسها باسداسها |
ارررحب واستلم
الله خلق خلقه وهو فيهم رقيب=ويبين في بعض المواقف ماسها والاش خله دام رايه ما يصيب=خلك مع اللي لك قويٍ باسها |
اقتباس:
شكرا لك يا عبود على إجابة الدعوه و النهايه عندك: الله على اللي يبلش العالم حسيب= ناسن تِبَيَّن في الصعاب نحاسها هذاك ياخذ من ثناي اردا نصيب= ما اعدِّه الا من حساب خساسها |
اررحب واستلم الخاتمه
صدقت في قولك مع الله يالصحيب=ابعد عن اردى الخلق هي وانجاسها واختامها عد النجوم اللي تغيب=سلام واتحيات يا قرناسها |
طارووق مبدع من عمالقه
الله الله وصح الله السنتكم تقبلوا مروري |
الساعة الآن 10:34 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023