تعال يا عبُّود كان انِّك قريب=نبي نطيِّر للهنوف اعماسها
ذا للربابه وقت ما انعشها السبيب= و الجاونيه ما ترد انفاسها

حاضر بحاضر يالصييفي لا تغيب=دن النجر وانا علي مرواسها
علاجها عندي وانا فيها الطبيب=والجاونيه ما تقعد راسها

المشاركة الأصلية كتبت بواسطة عبود (المشاركة 471324) ارررحب واستلم حاضر بحاضر يالصييفي لا تغيب=دن النجر وانا علي مرواسها علاجها عندي وانا فيها الطبيب=والجاونيه ما تقعد راسها

أنا اشهد انك كفو يا خير اللعيب= نبي نعلِّق في الرِّقاب اجراسها
عساك فيك الخير و علاجك يصيب= ما للصّعاب الا الشجاع بناسها

من قام مع ربعه ترى ما فيه عيب=رن الجرس واتجيك كل اجناسها
ان وفق الله فيه ما هذا عجيب=يوم الضعيف جاء يبييه وحاسها

المشاركة الأصلية كتبت بواسطة عبود (المشاركة 471326) اررحب واستلم من قام مع ربعه ترى ما فيه عيب=رن الجرس واتجيك كل اجناسها ان وفق الله فيه ما هذا عجيب=يوم الضعيف جاء يبييه وحاسها

قمنا و قمنا لينا وصّلنا السريب= لكن بعض الناس وصلت ياسها
ناسن تصيح: "الذيب في جوف القليب"!= تصيح من سوسن مكن في اضراسها

لا لايهمك من يعبدون الصليب=واهل البلد هم عزها هم ساسها
لو صاح بعض الناس خله سيب سيب=وكل ديرة سكانها حراسها

المشاركة الأصلية كتبت بواسطة عبود (المشاركة 471329) اررحب لا لايهمك من يعبدون الصليب=واهل البلد هم عزها هم ساسها لو صاح بعض الناس خله سيب سيب=وكل ديرة سكانها حراسها

ابك البلا جانا من اسباب القريب= صارت بلاوي حرب من غطاسها
اهداف بعض الناس حدّرت الشعيب=تشابكت اخماسها باسداسها

الله خلق خلقه وهو فيهم رقيب=ويبين في بعض المواقف ماسها
والاش خله دام رايه ما يصيب=خلك مع اللي لك قويٍ باسها

المشاركة الأصلية كتبت بواسطة عبود (المشاركة 471331) ارررحب واستلم الله خلق خلقه وهو فيهم رقيب=ويبين في بعض المواقف ماسها والاش خله دايم رايه ما يصيب=خلك مع اللي لك قويٍ باسها

الله على اللي يبلش العالم حسيب= ناسن تِبَيَّن في الصعاب نحاسها
هذاك ياخذ من ثناي اردا نصيب= ما اعدِّه الا من حساب خساسها

صدقت في قولك مع الله يالصحيب=ابعد عن اردى الخلق هي وانجاسها
واختامها عد النجوم اللي تغيب=سلام واتحيات يا قرناسها