يا ملوك و شيوخ المجلس
يا ملوك و شيوخ المجلس اليوم عيد= يوم ربي جمعكم يا طوال الشبور ذا لمجلسكم العامر زمَنْ عقب شِيد =و النتاج لقراراته تلفّ و تدور ربع قرن و زيادة عشر و القيد قيد= و الخطاوي قصيرة ما وراها عُبور كان تبغوا دولكم تستعز و تسِيد= لا تخلوا تجمِّعكمْ مجرد حُضور ذا زمانٍ يبي وقفهْ و رايٍ سديد= و من تهاون بوقفاته مهوب معذور و التحالف مع الاعدا ترا ما يفيد= لو حصل خاش او خرباش حِلفه يبور معسكرٍ بالكويت و قاعدة بالعديد= و الاساطيل بالبحرين بكره تخور و بالامارات او بعمان تصبح هَجِيد= كلها ساعة الحاجة تحوّل قبور و مستشاري السعوديه من اعدا لِبيد= همها المال و ارسال الخبر بالسبور لا تحسبونها جَتْ لاجل عمرٍو و زيد= جت لتحمي مصالحها لو يهدّ سور ما يفيد البلد غير اهلها ذا اكيد= و من توكل على ربه مهوب معثور اخلصوا للشعوب اللي ولاها يزيد= لا تخذلونها يصبح ولاها نفور احفظوا دينكم من غدر ماكرْ مَريد= طوّروا بلادكم بالعلم و العلم نور كل حاكم اذا يخلص بجهده يجيد= و يصبح الشعب عايش في رفاه و حبور كل يومٍ يصدِّر له قرارٍ جديد= في زمانٍ من احداثه تضيق الصدور بشرونا بوحده في قرارٍ فريد= يفرح الشعب فيها و العدو بثبور الله يمدكم قوه و عمرٍ مَديد= و يكفي بلادنا شرّ العدو، و الغَدور |
الساعة الآن 07:58 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023