هات العلوم اللي لها يطرب الراس
نصيحه يبن الرجال انكان بالراس وسواس = تعوذ من ابليس والعلم هاته هات العلوم اللي لها يطرب الراس = واسعد بها مجلس حميده سماته واحذر ترى هرج الرياجل ينقاس = والناس تحكم ع الرجل بكلماته انكان جوهرها كما جوهر الماس = تحيي بها المجلس وتكسب ثقاته ونكان ما عندك سوى قول الافلاس = وثق لسانك خلف سن وشفاته خذها نصيحه كانك بطير قرناس = وهرج القفى تحذر سمومت نباته ابعد عن الحوم البشر حد الامواس= من قربها تلقى التعاسه حياته ولا تشتكي همك وغمك على الناس = ما عندهم غير الضحك والشماته اشتك لرب الناس ومنزل الناس =خاصه اذ ارخى ليل همك عباته واختم كلامي قبل بالهرج تنحاس = وتصير مثل اعمى مضيع عصاته اقبل نصايح شاعرٍ جتك بإحساس = صادق بكل اللى ورد في وصاته يرجو من اللي يبعد الهم والباس = اجراً عظيم يفوق كل امنياته شعر / فهد عامر المالكي ابو مهند |
الساعة الآن 05:26 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023