اقرب شاعر حياه الله
السلام عليكم ورحمة الله وبركاته :اعتذر عن انقطاعي عن المنتدى وذلك لانشغال خارج عن ارادتي ولاكن لحرصي على المنتدى واستجابة لعميد المنتدى والشاعر علي العجاجي ابدا بابيات متواضعه لاقرب شاعر يقلط معي استلم
الى هبت هبوب النود غيم(ن) بالسما ينزاح=تجلى دبرة الوالي ومنهو يعتبر فيها سلام الله سلام(ن) بارقه وسط الدجى لماح=عسى سيله يمر ديار خلاني ويسقيها |
اقتباس:
مرحبا بك يا عساف النجايب، و مشكور على إجابة الدعوة، أنا مشغول في محاورة مع علي العجاجي، عسى الله يرده سالم|485| و ابا أترك الفرصة للآخرين، وينك يا سعد العبود؟، وينك يالعامري؟ وينك يا مشرفنا محمد السعيدي؟، وينك يا سنايدي؟ الليل الليل . . . يا هلابك يا عساف |
مرحبتينً كبار يا عساف والحمد لله علي السلامة وعوداً حميد . صح لسانك ولا هنت ... وجميعنا نترقب من سـ يكون ...!! دمتَ بكل خير |
وعليكم السلام ورحمة الله وبركاته استلم لاعدمتك :ابو وليد سعد ابشروا بالخير الشاعر عساف النجايب : ارجو ان تسمح لي بمجاراتك وتتحملني
ليا هبت وشفت البارق الي في مزونه لاح =بعد مالله ومر همًالها يالله تحييها هلا يا مرحبا ترحيب مثل القفل والمفتاح=ليا منك فتحت قفولها بانت معانيها |
ووووووين عساف النجايب،،،، افا بس هالحين الرجال ينتظرك طال عمرك
نتمنى ان تكووون بكل خير |
الشاعر الكبير عساف النجايب هلا والله وغلا ونورت محلك ومن جاء ما ابطا بس الله بالاستمرار سنايدي بيض الله وجهك على حضورك الليل الليل سروها وانا بصفك ياعساف ولايهون سنايدي |
السلام عليكم الاستاذ الشاعر ابووليد حياك الله وهذا واجبنا طال عمرك المشرف العزيز سعد صح بدنك ومرحبا فيك الشاعر علي العجاجي حياك الله والمنتدى منور باهله ..وابشر بالاستمرار ... الشاعر سنايدي حياك الله ولي الشرف يالغالي استلم لاهنت:
يقولون الذهب غالي يبيعونه بسوق رماح=تجاره رابحه يربح بها البايع وشاريها دخلت السوق اكود اني مع العالم اجيب ارباح=تركته يوم شفت البعض بايعتن مباديها |
أررررحبوا يالشعار، عساف النجايب، عجل على الرجال الله يسلمك، سنايدي ، مرحبا بك، و لا قصرت، أنا بصف عساف، و لا يهون سنايدي، الليل الليل! و يا هلا بعودتكم|547| :DALLANI2: |
فارس تميم علي العجاجي ابو وليد حياكم الله استلم يا عساف واعتذر عن التاخير لاني كنت مشغول
صحيح ان الذهب غالي وتوه سعرها ماطاح=ولازم تسلك الطرقه من اولها لتاليها ولا تشره على ناسٍ يديها للكرام شحاح =بعد كانت تدور للدسايس في مخابيها |
ابو وليد حياك الله ومشكور على حسن المتابعه وقضبة الصف ... سنايدي معذور يالغالي ومابطا من جا ..بس قل للربع لايلوموني..استلم لاهنت:
يصيب اللي ليامنه رمى مايخطي الاشباح=تبصر بالكلام اللي نقوله قبل ترميها ثلاث ارقاب واسمها الطبيب الماهر الجراح=وهي بحساب سوق المال خسرانه دعاويها |
استلم لاعدمتك:
ترا مايدخل الغبًه ياكود الماهر السباح=وانا البحار وارسي سفنها في مراسيها انا ماهمني ملفي وابن شايق ولا القرقاح=عسى ربي يكافينا من الناس وبلاويها |
الله الله يا سنايدي، وينك يا عساف؟، لا يبرد الحديد! الليل الليل يا مال الغنيمة. و يا هلا |
الله الله يا سنايدي،
وينك يا عساف؟، لا يبرد الحديد! الليل الليل يا مال الغنيمة. و يا هلا |
الساعة الآن 02:47 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023