يارجلي اللي من الغضروف معطوبه
يارجلي اللي من الغضروف معطوبه مدري وش اللي بلاها يا الله الخيره لا شفت لك جرِّةٍ مسحوب عرقوبه هذي ترى جِرّتي بالقاع ما غيره ممشى الفناتير كنت امشيه بالنوبه مع كل صبح و مسا ما فيه تأخيره ذالي سنوات ما اسج القدم صوبه و لا تمشيت به من عقب تطويره نجيت من طيحتي بالمول با اعجوبه لو انكسر عظم ساقي صعب تجبيره صارت غضاريف كل اركبي مضروبه لا فاد فيها الحكيم و لا مناظيره رحت بزيارة سياحية ومحسوبه الْدِيْرتِكْ يا اردقان بعملة الليره في ديرةٍ جِعْل ما طوبه على طوبه عسى الزلازل تساويها بتدميره |
الساعة الآن 07:58 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023