|
العامري ويــــنك يالجــزل،،،،
الشاعر الجزل العامري يشرفني اللعب معك و ارجو قبول هذا المحراف
سلام الله سلام ياصل الشعار بالميدان=و يقصر عن رديين المعاني و الله الوالي انا لامن بغيت ازهم زهمت الشاعر المليان=زهمت العامري جزل العطايا و الشرف عالي |
هلا والله وغلا أقبله وبكل سرور ولك المنه ولي الشرف استلم يا بعدي:
هلا يا مرحبا ترحيبةٍ نكتب لها عنوان=خصوصية لربعٍ ما تحب القيل والقالي أنا لا من زهمني شاعرٍ مثلك فصيح لسان=أطلع سبحتي من فرحتي وأطوّح عقالي ـ |
اللييييييييييل الليييييييييييييييل مواريها الدعوة حمااااااااااااااااااااااس شعللو الميدان يالجزليييييييييييييين الليييييييييييييييل اللييييييييييييييييل |
ابويوسف والعامري الله عليكم بداية جميلة من شعار كبار بداية توحي بمحاورة قوية سروها يالربع كلكم غالين ولادري من اجي بصفه تدرون انا بجلس محايد واتفرج على الجزاله |
روح بن زمباع و ابوابراهيم حياكم الله والله لا يهينكم على مروركم العامري اشكرك على قبول الدعوة استلم يالجزل:
انا مانيب شاعر لا حظر فارس بني شيبان=و لكنه عجز يالعامري ما ذاق فنجالي لك الله ما نويته بالردى لكن شانه شان=تخبط بالليالي السود يالصاحب على الخالي |
الله الله الله الله انا مانيب شاعر لا حظر فارس بني شيبان ....................و لكنه عجز يالعامري مـا ذاق فنجالـي لك الله ما نويته بالردى لكن شانـه شـان .................تخبط بالليالي السود يالصاحب على الخالي صح لسانك يابو يوسف وانا بصفك ولا يهون العامري شكل المحاوره حااااااااااااااااااااااااااميه الليل الليل الليل الليل الليل الليل الليل الليل |
انا مانيب شاعر لا حظر فارس بني شيبان= و لكنه عجز يالعامري مـا ذاق فنجالـي
أبو يوسف: مرحبابك، قلنا عسى الرجال ما دثر موسه، لكن بيوتك تدل على العكس، مرحبابك.
أنا لا من زهمني شاعرٍ مثلك فصيح لسان= أطلع سبحتي من فرحتي وأطوّح عقالـي
العامري: حياك من جديد و تررى أبو يوسف ناويك شد حيلك<< معقِّد شوش! سروها عافاكم الله و أنا بصف أبو يوسف و لا تهون يا العامري. و يا هلا |
يا ســـــلام يـــا ســلام أنا لا من زهمني شاعرٍ مثلك فصيح لسان ...............أطلع سبحتي من فرحتي وأطوّح عقالـي الله الله الله الله الله الله الله الله الله ابوعامر المبدع يا سلام عليك... |4| انا مانيب شاعر لا حظر فارس بني شيبان ....................و لكنه عجز يالعامري مـا ذاق فنجالـي لك الله ما نويته بالردى لكن شانـه شـان .................تخبط بالليالي السود يالصاحب على الخالي صح لسانك يا ابويوسف على هالمحراف و اصلوا واصلوا يالربع و شعللو الميــــدان |
روح بن زمباع ...علي العجاجي ... سنايدي ... خشم الرعن ... ابو دحيم ما عليكم زود .. وصحت ابدانكم ومشكورين على مروركم ومداخلاتكم .. لا هنتوا جميع لكن بعضكم لا يغدي ;) استلم يابو يوسف:
لا والله شاعرٍ مبدع و وسط الملعبه سلطان=و ابو فنجال ما نقّص رصيد التاجر ريالي وأنا ما أحكم على الدعوى ليا ما شفت بالأعيان=ولكنك ثقة واللي على بالك على بالي |
الله الله الله صح لسان الشعار بحر ومعاني محاورة فوق فوق
وانا بصف سعد العبود ولايهون العامري. |
انا مانيب شاعر لا حظر فارس بني شيبان
....................و لكنه عجز يالعامري مـا ذاق فنجالـي ابو يوسف بيض الله وجهك وصح السااااانك يالجزل ... لا والله شاعرٍ مبدع و وسط الملعبـه سلطـان .....................و ابو فنجال ما نقّص رصيـد التاجـر ريالـي ابو عامر صح السااانك جعلي ماابكيك يالسنافي .. والصلوااا وازهلوا الصفوف ... |
سنايدي : لاهنت يالغالي على قضبة الصف ووجودك شرف للجميع . خشم الرعن : مشكور ياعميد المنتدى الغالي وجودك في المتصفح حتى لو متفرجا يسعدني ولكن لقضبتك لصفي طعم خاص وليت كلٍ مثلك بتعقيد الشوش ;) ابودحيم : مشكور على المرور ووجودك شرف يسعد الجميع .... رفيع الراس : هلا بك والله ومشكور على قضبة الصف يالجزل ولك مني فائق التقدير ... عساف النجايب : مشكور يالنشمي على قضبة الصفوف كفو وقدها يالغالي .... العامري استلم يالجزل :
ترا منهو موثق عند مثلك يكسب النيشان=تكفيه الشهادة من رجالٍ تكسب الغالي و أضنك عارف الشيطان ما يرضى عن الانسان=ولو يرضى عليه بنيته عقده وغربالي |
عساف النجايب : صح بدنك يالغالي .. شاكر لك مرورك .. ومسكت الصفوف بارك فيك ولك استلم يبو يوسف:
ترى المؤمن ليا منه تعوّذ يدحر الشيطان=يموت بغيظه ولا عاد عنده حيل يحتالي وأخاف انّه ليا منّه فطس فرعون جا هامان=لكنٌ ما فطس الأول تراه يفطس التالي ـ |
صح لسانك يالنشمي واستلم يالجزل :
صدقت ومن ترك بعض الجهالة جوه فالبيبان=تعوذنا من الشيطان لكن جاك يختالي انا ما همني، مهتم من غيره من العربان=الى مني ذبحته غيره بيزعل على الحالي |
| الساعة الآن 02:32 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023