|
ذهلااااان
اقدم لكم هذه الابيات المتواضعه وارجو ان تنال اعجابك والعذر عن القصور اخوكم وراد يانجد ياحضك رسا فيك ذهلان=ضلعن زما فوق الرجوم الطويله اللي هله دونه ثنو يوم الاكوان=بسيوفهم فوق المهار الاصيله ربعي هل الوقفات ذربين الايمان=اهل الضفر واهل العلوم الجميله الاااد زيد اللي لهم في اللقا شان=مايدرقون القوم غدرن وحيله مركاضهم يشبع به الذيب سرحان=يلقى العشا من ضربهم بالصقيله حموه يوم الخيل تركض بفرسان=يوم الكسير يطيح محدن يشيله واليوم عم الامن في كل الاوطان=وكلن يحصل ماكسب في حصيله والي حمو ذهلان في ماض الازمان=اليوم عان قصورهم في مسيله وجاراها احد ابناء الشعراء اساندك واكتب مجاراة قيفان=وانوب عن ضلع الفخر واحتمي له صحيح مالله حط له عقل ولسان=لكن ترا الله حطنا ننتمي له يقول ولد الضلع لاهنت ومعان=يامن صخرت النادره والجزيله ارفع لك البيضا على راس مابان=راعي علوم(ن) ساميات(ن) نبيله وأنتم وحنا كلنا ربع واخوان=ثلثينكم يعني لنا ونعني له نمشي على جرة صناديد شجعان=وكانه جفانا دار نلقى بديله وكل القبايل نعم وافين ضفران=كلن على راسي قبيله قبيله وصلاة ربي عد ماجا بالاذهان=على اللذي بالحق نتبع سبيله الشاعر سعود بن أبراهيم الماضي |
اخي وراد لك تسلم على هالقصيدة اللي كتير حلوة ورد الشاعر التاني كتير حلو كمان وانا بيسرني كتير انوا كون اول واحد بيرد عليها مرة تانية صح الله لسانك دمت بصحة و عافية |
صح لسانك أخوي وراد ماتقصر ابيات في غايه الروعه والجمال
والأحلى انهـا في جبل ثهلان الشهير الذي جعل الناس يغرمون فيه يعطيك العافيه |
السلام عليكم ورحمة الله وبركاته
أخي الفاضل وراد صح لسانك عدد ماخطت الأقلام جزلة من راس جزل وذهلان وأهله يستاهلون وأكثر . مجارة سعود الماضي لا تقل عن رائعتك بالجمال وصح لسانه ولا هنتم جميع . هئنيها ديرة أنتم لابتي فيها |
صح لسانك و علا شانك يا وراد قصيده جميله بجمال موضوعها و كاتبها عشت و سلم راسك و مجاراة سعود بن ابراهيم الماضي لا تقل روعه و جمالا لا هنتوا اثنينكم و تراي صححت بعض الأخطاء المطبعيه التي قطعا لم تخدش جمال القصائد لكم كل الود |
الشاعر الشامي البدويه سعد الصييفي صحة ابدانكم اخواني جميع وتقبلوا شكري على المرور اسعدني مروركم الكريم . تحياتي |
| الساعة الآن 01:39 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023