لا تبيع الجيب خلوه إلـ لزومه = تو جاتك حاجته برد وهبايب
لا توحى سوم سوامِ يسومه = اترك الجهال واخذوا راي شايب
واركبوا قدام والفرش محزومه = والدلال بشطنته هي و الزهايب
دوك برق الوسم طايحتن رسومه = اتبعوبه عشب مقدوم السحايب
في هوا وضحِ على الممشى عزومه = تنهب البيدا بممشاها نهايب
معهن اللي زاهي خده رقومه = طول عنقه زاهيِ شقر الذوايب
جنتي وقرايتي لذة علومه = جنة الدنيا قبل ركز النصايب
ترفة الخفرات زينه و محشومه = جنة الفردوس في بيض الترايب
الهوا راعيه يبكنه حلومه = في حلام الليل يحضر كل غايب
والهوا ماثور ماقطعت سلومه = من على وقت النبي والحب صايب
والهوا راعيه ما والله نلومه = جعل من لامه لعطبات الضرايب