والله يابدر ماشالله عليك ،، شرهك مير على اللي يتذكر وش افطر امس،،،
لكن خلني ابعلمك ،، انا والله مدري من متاني بادي اتعلم الصوم من ثالث ابتدائي من رابع ناسي والله
لكن ابجييب لك بعض المواقف اللي مازالت عالقة بمخيلتي زي الحلم:
اذكر مره اني صايم المهم ماجت الساعه 2 يعني بعد ماقمت من النوم بساعه الا وذبحني العطش وخلااااص معاد اقدر اتحمل
المهم وامي الله يخليها لي تقول اصبر يابن الحلال اصبر تحمل ومدري ويش وتجيب سوالف المسلمين منول والحروب والعطش
والصبر وانا منتهي خلااااص ضميااااااان ويوم باقي على الفطور يجي الساعة وانا افتح من الظما الثلاجه واتحضن جيك الما
اللي يشوفني يقول له اسبوع بالصحراء الكبرى ماشرب،، الضحكه يوم اذن،، وانا القم افم الجيك واقربع ذا الماء قربع قربع قربع
اللين معاد لقطره محل،،(اسمع باللي يشربون بعد العطش)،، ويوم فكيته ،، وجلست ولا بطني مليان وانا انغث يومي كله ...
والموقف الثاني اتذكر انه ماكان يعدم علي الصوم ويخلخل كياني الا حشوة السمبوسة ،، كنت اجلس عند امي وهي تحشي سمبوسة
وترعف لحم مفروم مع بصل مع مدري وشو المهم شكلها يجنن وكنت اجي العب على نفسي على بال امي اعاونها والف معها
بعدين تخور قواي واخذ لي 3 ملاعق اربع ..... واتحسف .. وهذا اللي اذكره اما سالفة التوت والشنبات فهذي ماعطاني الله
منها الشي لاني ما احب التوت اصلا لكن كنت اموووت في التانج