دعوه الى خشم الرعن والناقدوثهلان وقاسم وابوعبيد....

اخواني الاداريين

انتم ابخص مني بما يدور داخل القسم الادراي فالجميع حسب ماسمعت من اشخاص اثق بهم ( بدون ذكر اسامي )
منقسمين عدة احزاب بعض المشرفين مع فلان والبعض الاخر مع فلان وكلٍ يحاول يحفر للاخر ويمسك اخطائه وينشرها للجميع

وتناسوا واجبهم الاساسي داخل اقسامهم خاصه والمنتدى عامه وتناسوا دور الادارة الحقيقيه والبعض الاخر من المشرفين وجوده
زي عدمه يمكن كل شهر يطل مشكوراً على المنتدى ويحط مشاركه وحده وانتظروه بعد شهر يمركم مره ثانيه والاداره لا تحرك ساكن
( هو فيه إداره اصلن ) سؤال بسيط اتمنى الاجابه عليه بكل شفافيه :
هل حصل اعفاء مشرف من مهامه الاشرافيه بسبب تقصيره لادارة قسمه ؟
لو كل مشرف من مشرفين المنتدى رد على خمس مشاركات على الاقل يومياً في اي قسم من الاقسام تحرك المنتدى وعاد نشاطه وعادوا اعضائه ...........

اخواني ركود المنتدى تلام به الادارة ومن ثم المشرفين لانهم هم من بيديهم انعاشه او وضعه على الانعاش ( هذا ما حصل ) ...

المشرفين هذولا هم ماتغيروا من خبرت المنتدى ولا شفنا بوادر اضافة مشرفين جدد للاقسام لان اضافة مشرفين جدد تحفز الاعضاء وتنشطهم حتى يتشرفوا بالانضمام لادارة المنتدى ....... وتجعل الواحد يذبح نفسه يوميا ً بالمشاركات حتى تنتبه له الادارة ....

اخواني لماذا لا نعمل حركه اصلاحيه وهي اعفاء جميع المشرفين من مناصبهم الاشرافيه ومن ثم الاختيار مره اخرى اللي تحتاجونه من مشرفينكم السابقين اعيدوه واللي ما تحتاجونه خلوه يرسي لان اختياره مره اخرى عديم الفائده ( حركه تبعد الاداره عن الاحراج ) واضافة مشرفين جدد لان المشرف السابق اعطاء ماعنده وانتهت صلاحياته ومن ثم احضار مشرفين
جدد كلهم شباب وحيويه ويحاولون اثبات وجودهم ...... دائماً التجديد له ايجابياته ............... هذا ماعندي

الضحيه في كل ماسبق منتديات الشعراء


اتمنى اني ماثقلت بالكلام ولا حسيت احد بكلامي الثقيل لكن كل ماكتبته يعلم الله انه للمصلحه العامه ولاسم عزيز علينا اتمنى
من الجميع المحاظه عليه بالمستقبل .......

ياليت تمسحون الاعضاء اللي مشاركاتهم من صفر الى خمس ولهم سنه كاملة مادخلوا
ياليت تشيلون 80 حرف حطوها 10

ممكن يكون مسافر او عنده ضروف

المشكله حاطين بعض المشرفين من باب المجامله

اذا كان المنتدى يبي يقوم على المجاملات

ثقوا ثقه تامه لن يتطور ابد

وكنك يابو زيد ما غزيت

عايض

صح لسانك وانا معاك في كل كلمة قلتها

صقر ثهلان

حتى العشر كثيره على بعض الأعضاء

وفيه ملاحظة توني اتذكرها وهي

الصور الرمزية

لماذا يتم تحدديد الصور الرمزية من قبل المنتدى ؟؟؟؟؟؟؟؟

لماذا لا يستطيع الأعضاء اختيار الصورة الرمزية التي يريدها ؟؟؟؟؟؟؟؟؟؟؟؟؟

لماذا لايكون منتدى الشعراء مثل باقي المنتديان في الصور الرمزية ؟؟؟؟؟؟؟؟

السلام عليكم ورحمةالله وبركاته----------------------الاخوه اعضى المنتدى للاسف اشديد جينا نبي الجديد لقينا ركود عام في المنتدى
جينا نبي موضوع جيد اومضبوط
وياللسف عدنا مثل مالفينا

بسم الله الرحمن الرحيم

والله شوفو اول شي لحد يعتقد ان المشاكل والأقتراحات بتنتهي........ مهيب خالصة لو وش تسوون حتى افضل منتدى في العالم كله عنده مشاكل واجد......وحنى كل اللي نبيه اننا نحاول نحسن من شكل المنتدى ويكون افضل من كذا....لأننا كل ماأنتهينا من مشكلة بتطلعلنا ثانية وهكذا...ومعروف ان كل طريق وفيه مطبات صح ولا لا فحنا لازم نتجاوز هاذي المطبات مهوب نقعد وراها

وسبب فشل هذا المنتدى ان الأدارة نسو مشاكله وتراكمت المشاكل لين صار المنتدى معد يندخل.....

فحنى لازم نحاول انا نحل كل المشاكل الموجوده حاليا ونستمر عليه وتحل عاد الأدارة المشاكل اللي تجي بعدين.....مهوب عاد تنسونه عقب ماصلحناه وعدلناه ويرجع مثل اول.....

هنا عاد اللي نقول فيها
7
7
(وكنك يابو زيد ماغزيت)

ارجو انكم تفهمون قصدي زين..........ولي عودة ان شاءالله


تحيات::ابو غازي

بسم الله الرحمن الرحيم


أحبتي

في البداية وقبل الخوض في الأسباب والمسببات لطرح فارس تميم لهذا الإنعاش القلبي

يجب الملاحظة بأن فترة الركود في المنتدى وبحق تعتبر ظاهرهـ منتشرة في العديد من المنتديات حتى العملاق والكبير منها هذه الأيام وغالبيتهم يطرحون مواضيع لإيجاد الحل.


من وجهة نظري وقد أصيب وأخطي في ذلك


أولاً


أحمل الإدارة الجزء الأكبر والأهم في ذلك الركود.

دعونا نبتعد عن التفصيل أو تحميل الأشخاص بعينهم مسئولية هذا الركود ولاكن أكاد أجزم بأن أي شخص من الإدارة تهاون أو تسبب أو حابي في مسئولياته تجاه المنتدى سيعرف أنه المقصود والمعني بهذا الكلام.


ماذا نتوقع من منتدى إدارته العامة وكبار مسئولية ومشرفيه ابتعادهم وانقطاعهم عن الدخول للمنتدى يحسب بالأشهر...؟

وأن تكرم أحدهم بالدخول ... فسيكون بالوضع المتخفي ...!!

أنت وأنا كـأعضاء نُصاب بالملل والكآبة حين ندخل للمنتدى ونجدهـ مكان خال علي عروشه لا يتواجد بهِ أحداً منكم أعضاء الإدارة ومشرفيها

حين يتكبد زيد من الناس كتابة موضوع ولا يجد من يقول له كلمة ثناء بسيطة...!!

حين تجد بعض المهاترات ولا تجد شخص مسئول يتدخل لإيقافها...!!

حين تراء بعض المشرفين لا يجرؤ علي حذف موضوع أو تعديله وإن قام فهو علي استحياء وبدون أن يبرر أو يرسل بالبريد الخاص سبب ذلك...!!


ثانياً

علي الجميع من راس الهرم بالمنتدى إلي أصغر شخص بالعمر .. وليس بالقيمة أن يحدد في البداية

ماذا يعني منتدى الشعراء لنا ...؟

هل هو منتدى محدود منغلق ويقتصر علي أهل الشعراء ومن يتعلق بهم ...!!

هل هو منتدى مفتوح وعام للجميع ...؟

وهنا يجب أن نتقبل جميع من يسجل لدينا ونتعامل معه أساس ذلك الاختيار


بقي أن أذكر لكم غالبية الجماعة من نساء وأطفال متفاوتين بالعمر .... منتسبين للمنتدى ويجب أن يكون المنتدى مكان جيد وبيئة آمنهم لتواجدهم

بمعني .. الاهتمام بكل ما تعني الكلمة بالمادة المكتوبة والموضوع المنقول إلي منتدى الشعراء.


ثالثاً


يجب صياغة شروط الانتساب للمنتدى من جديد ومن لم تعجبه الشروط ليس مجبر علي التواصل والاستمرار معنا

أعرف أن غالبية الأعضاء والمشرفين لا يعطونها جل اهتمامهم ... فلو كل عضو قراء وقبل بالشروط كاملة لم تجد أنت كمشرف الحرج في حذف مشاركة ما أو إيقاف إي عضو تجاوز هذه الشروط

عمل ترقية لنسخة المنتدى وإلغاء ما يجب إلغائه وإضافة ما يجذب العضو ويسهل علية الاستخدام.



أخيراً وليس أخر

يجب علي الإدارة ، والمشرفين جميع

الالتزام والتحلي بالصبر وإطالة البال علينا كـ أعضاء والنصح لنا إما بالتلميح أو بالتصريح أن اقتضت الحاجة.

كلمة أهمس بها إلي أعضاء الإدارة ومشرفيها جميع .

المفتاح السحري بيدكم أنتم وأنتم فقط من يملك الحل المبدئي ...!!

المنتدى يحتضر ويجب عليكم التكاتف والوقوف علي بابه ونسيان جميع مشاكلكم الداخلية والعمل علي إيجاد مخرج للمنتدى ولكم أقول

أن اجتمعتم وتوافقت آرائكم وقلوبكم علي إنعاش المنتدى فستجدون أنفسكم وقد أخذكم الحماس تضاعفون مجهودكم وتعطون المنتدى من أوقاتكم الكثير الكثير فمنتدى وبلدة الشعراء تستاهل منكم أكثر مما تقدمون لها الآن.



دمتم أحبتِ ودام تواصلكم بالخير للرقي بالمنتدى وأعتذر عن الإطالة

بسم الله الرحمن الرحيم

75%من اللي قاله ابومحمد كان نفس اللي اقصده.......ومشكور وماقصرت يابو محمد على توضيحك


واللحين جيت ابقول بعض المشاكل والأقتراحات في المنتدى


اول شي ليش شايلين زيادة المشاركات في قسم سعة الصدر..مهوب هو قسم من اقسام هذا المنتدى!!؟..وكان من افضل الأقسام في المنتدى وكان اكثر قسم الأعضاء يدخلونه والمشرفين بعد يوسعون صدورهم فيه .....وبتجاوبون علي وبتقولون عشان الأعضاء مايكثرون مشاركاتهم........وانتم وش عليكم منهم خلهم يكثرون مشاركاتهم...انا ماقلت يكثرونها على خرابيط يجي واحد يحط خط ولا نقاط ويمشي ولا ههههههههههههههههههههههههه ولا خخخخخخخخخخخخخخخخخخ اذا بغا يحط هذا الضحك بس يكتب معه كلام ثاني مهوب يضحك ويمشي هنا نقول انه يكثر مشاركاته بعدين انتم فهمتو الأعضاء غلط ..هذا القسم كان احسن قسم والناس كانو يحبون يكتبون فيه واجد.....هذا كل شي....واذا تبون تحلون هذي المشكلة حطو لكل عضو في المنتدى تحت الأسم وملفهم الشخصي خمس مخالفات مثلا او اربع او ثلاث اللي تبونه كل ماغلط او سوا اي شي مايقبله المنتدى مهوب ماتقبله الإداره لأن المنتدى اهم منكم ..
اشطبو وحده منهن لين مايكملون واذا كملو مهوب توقفونه اطردو ابوه ان بغيتو...

وارجو انكم تفهمون قصدي....ولي عودة

تحيات::ابوغازي

سعد (ابو محمد )

صح لســــــــــــــــــــــــــــــــــــــــــــــــــــــــــــــــــــ ــــــــــــــانك

انا كتبت موضوع مستقل زي ما طلبت يا فارس تميم واكرر ما قلت فيه هنا بشكل مختصر وهو

انه ماله داعي نناقش اسباب الركود والعله معروفه و بدال ما تقعد تبدأ بالنقاشات الطويله الي بتاخذ وقت ابدأ بتصحيح الاخطاء مباشره

وشكرا

اخوتي الاحبه

ليس ما لدي ان اذكره او اكرره لما كتبه اخينا

العزيز سعد اطال الله في عمره وادام تواجده لنا

وهنيئا لمنتدانا بوجود الاخ العزيز سعد

ولكن بسرعه لنبدا من جديد وننسى ما فات

احبتي نحن على اتم الاستعداد بما تا مرنا به الاداره والمشرفين

لكم ايها الاحبه الشكر والتقدير وننتظر التواجد والتعديل التام

ودمتم سالمين

اخوكم *سعود*

اخوتي الكرام ...

تحيه معطره بالفل والياسمين

الخلل ربما بالاداره كمايقوله الكثير ولكن الاداره ليست قادره على انعاشه مره اخرى فقد تم انعاش المنتدى من قبل وعاد الركود سريعا المنتدى يحتاج الى دماء جديده تبدأ بالمنتدى كما انه جديد اتمنى من كل قلبي ان يرجع المنتدى من جديد ولكن بنفس جديد ودماء جديده ...
انا ساتنازل عن الاداره والطاقم الاداري والاشرافي جميعا سوف تكون المنتديات خاليه من المشرفين تماما الا من المدير الجديد المنتظر وله الاحقيه الكامله بترشيح المشرفين الجدد كل على حسب جهده

اتمنى ان يظهر من ترضونه للعمل الاداري في منتدى بلدتنا قريبا ....

ولايظن احدا انني اخذت على هذا المنتدى صكا باسمي المنتدى منتدى الجميع من ابناء هذه البلده

لكم كل التحيه والتقدير

كلامك صحيح يا ابو شعيل
لاكن مهو المطلوب منك ان تتنازل انت عن الا داره انت يكفي انك مؤسس المنتدى ولا راح ننسى هذا الجهد اللي سويته ولا اعتقد اذا تنازلت انت عن الاداره راح تتصلح الاوضاع

يعطيك الف عافيه ياابو عبدالعزيز ولو منك اثنين كان صرتو ثلاثه خخخخخخخخ

فارس تميم: اول المقصرين انا وبكل صراحه اقولها صح اني ادخل المنتدى كل ما فضيت ... بتقولي ليه ما تدخل وووو ابقولك فيه مشرفين ومراقبين ما يدخلون ولا عليكم منهم ... يعني على كلامكم انكم تخافون تحذفونهم ويزعل هذا ولا احد يعرفه يزعل.. مثل ما قلت ياابو عبدالعزيز برا المنتدى كل واحد يعز ويقدر الثاني داخل المنتدى نحاول اننا ما نجامل البعض ... يعني مثلا فيه كم مشرف له التسع شهور ما طب المنتدى هذا ليه ما تشيله؟؟؟ خايف يزعل مثلا؟؟ وش يزعله وان كانه بجيح وقلق وبيقول ليه وليه تقدر تقوله لك تسع شهور ما دخلت وعشان كذا شلتك حتى لوه قريب لك مره مره بالمنتدى غير ...ولذالك تشوف المشرفين والمراقبين ما يدخلون صار مشرف ولا صار مراقب خلاص يضمن انه مهوب صاير عضو ثانيه وشوله افضي نفسي واقلق عمري واقعد اكتب وانا سويت كذا ولا ما سويت مراقب انا خابر انك ما فهمت شي بس يرحم والدينك قل اني فاهم خخخخخخخ

فيه بعض الاشخاص يكتب لك موضوع مثلا في منتدى سعه الصدر بما اني مشرف عليه ... تلقا الموضوع يقولك كان فيه واحد كله الذيب واهله صاحو وماتت امه ويحط لك فرااااااااااغ كبييييير واخر الصفحه يقولك هههههه لعبت عليكم .... وش تبيني ارد عليه .. تبيني اقوله ههههههههه الله يوسع صدرك بالعافيه ولا اقوله صدق انك خبل .. ولا اقوله يوه لعبت علي خخخخخ.... ولا ابي احذفه لان من قوانين المنتدى المواضيع المنقوله عادي تحطها عشان كذا خله يقعد موضوعه ولا ارد عليه ... منتدى سعه الصدر قبل كم شهر كان افضل منتدى في المنتدى <<حتسي خخخخخ..... لكن فيه ناس لو تقولهم بخ زعلو هذولا وش تسوي فيهم؟؟؟ وكم كلمه منا وكم حذف وكذا تلقاهم يزعلون وعشان كذا اقدر اقول منتدى سعه الصدر الحين في سابع نومه اظاهر منتدى السفر والسياحه اقوا منه خخخخ

المنتدى يحتاج الى دماء جديده تبدأ بالمنتدى كما انه جديد اتمنى من كل قلبي ان يرجع المنتدى من جديد ولكن بنفس جديد ودماء جديده ...
انا ساتنازل عن الاداره والطاقم الاداري والاشرافي جميعا سوف تكون المنتديات خاليه من المشرفين تماما الا من المدير الجديد المنتظر وله الاحقيه الكامله بترشيح المشرفين الجدد كل على حسب جهده

اتمنى ان يظهر من ترضونه للعمل الاداري في منتدى بلدتنا قريبا ....

ولايظن احدا انني اخذت على هذا المنتدى صكا باسمي المنتدى منتدى الجميع من ابناء هذه البلده

رائع اقتراحك ياابو شعيل .. المنتدى يحتاج الى دماء جديده وروح اجدد ... بعض المشرفين والمراقبين حسو بالملل وما فيه انسان بالعالم ما يمل من شي... ولذالك انا مؤيد وبقوه انك تحط مراقبين جدد ومشرفين جدد...

وان كان الدعوه ترشيح فانا ارشح الاخ سعد ابو محمد ليتكفل بالمنتدى اذا كان فاضي طبعا.. شكل عنده خبره بالكنترول بنل


ابو شعيل : مهوب بكلامي هذا اجحد الي سويته لااا... مدري وشلون اشكرك بدايه بالقروب وبعدها اسست المنتدى وبعدها بغيت تروح للأف ام بس هونت <<وش دخلها انت وشعرك خخخخخ.... ان جينا للجد ياابو شعيل سويت شي عجز عنه الباقين زي المنتدى عرفت عيال العم على بعضهم مثلي انا تعرفت على نااس هنا تحطهم على الجرح يبرا ماودي اذكر احد عشان ماانسى فلان .. لكن فعلا المنتدى سوا اشيا كبيييره .. ابو شعيل لو ااجيب كل كلام الشكر الي بالعالم مهيب مكفيه ...



وبالاخير اقول هذا منتدى ديرتكم


ويا كثر حتسيي

السلام عليكم ورحمة الله وبركاته ...

بعد التحيه .. انا اشوف ان اسباب ركود المنتدى واضحه مثل ما قالوا الشباب تغيب بعض المشرفين والمراقبين فتره طويله عن المنتدى والمشكله مع هذا التغيب لا يزال مشرف ( او بالاصح بمسمى المشرف ) .. والبعض اخذ المنتدى على انه طفره .. طفر فيه شوي ورجعه لكم ..!! وهذي والله مشكله .. يعني لو انه متغيب كان قلنا له ارجع .. بس ذا وش نقوله تكفى تعال اطفر فيه ثانيه !!

وانا معك يا ابو شعيل في تغيير دماء المنتدى .. بس تهقى ان الدماء الجديده بتحرك نبضات المنتدى ؟؟

هذا يعتمد على دقة وحسن الاختيار .. راجياً من المولى عز وجل لكم التوفيق .