اقتباس:
انجح المطاعم العالمية اصحابها رجال
|
أدري ولا أقصد من كون أني أكره أن الرجل يطبخ أن أقلل من قيمته أو أعتقد أنه غير قادر ترى بالعكس إذا ماتدري أنا عندي قناعة تامة جدا أن الرجل دائما أمهر من المرأة حتى في الأعمال اللي من اختصاص المرأه ويقوم فيها الرجل يكون هو أفضل وأنا دايما أقولها لخواتي وللبنات ويهاوشوني .
اقتباس:
يعني هل لانه مثلا يجيب العيد
|
لا ماشاء الله عليه مايجيب العيد طبخه زين بس تراه على فكره متمرس من يوم أنه بخامس ابتدائي وهو يطبخ بس كان أشياء بسيطه مثل بيض وهذاك خليط الكيك الجاهز يعني شغلات بسيطة.
أول صح كان يطلع المطبخ حوسة وكان هذا من الأسباب اللي تضايقنا مع أني ملاحظة من كذا سنه انه خفت حوسته مرررره ولا بعد ياحبي له صار ينظف عقبه
اقتباس:
ممكن تقولين لنا ليه مضايقك اخوك ومعقدكم طبخه
|
مدري بس يمكن يكون السبب الأول:
لأني تعرضت لموقف مرعب لا أنساه في بداية طبخه فكون عندي صدمه ولا زلت اذكر الموقف و كل مالقيته يطبخ اذكره فيه لأنه أول مابدأ يطبخ بغى يحرقنا مره وشبت نار وكلت شوي درج المطبخ والبيز بس حمدلله طفيناها وأنا كنت حاضره الموقف وحتى في بداياته بغى يحرقنا ثانيه بس ماكنت حاضره الموقف خواتي يقولونه.
السبب الثاني :
تعرف كون انه ولد صار لو يسوي بس فنجال قهوة بجلوه وحطوه كنه مسوي ذبيحة وصاروا يغثونا حنا ياخواته يعني مثلا مره سوى قهوه ومدري من شربها وذبحونا فيها يازين قهوة فلان يازينها وسوت مره عقبها اختي ضعيفة فطاير ووش قالوا لها ايه لازم تعرفين إذا أخوك يطبخ وهو ولد لازم انتي ياالبنت تعرفين وهم ماذاقوا إلا قهوته شفت السماجة
ومره مدري وش سوى وسألوا أختي عن طريقة اللي سواه وقالت مدري وبغوا يأكلونها أخوك وهو ولد يسويها وأنتي ما تعرفين يالبنت وهكذا قس على هذي المقارنات السامجة اللي أذونا فيها وهو الله يهديه مازال ينحسنا .
وبس
شكرا لك عبدالعزيز