لقيمات+سنبوسه+فيمتو= حياكم الله على الفطور

الــعــــسكري ..

ماشاء الله تبارك الله وش هالفطور السنع والزين فطوركم كل يوم زي كذا ولا هذي عزيمه

لا عــزيمه

وإذا هذا فطوركم أجل لو صارت عزيمه ماشاء الله تبارك الله وش راح يصير الفطرر

اذا صار عــزيمه ماهنا فرق تقريباً نفس الانصاف بس طــبعاً أرتب وأكشخ

على العموم عليكم بالعافيه أن شاء الله

الله يعااااافيك

الله يهديك يا أم سعد طلع فطورنا عند فطوركم بارابيس تراني قايل ماشاء الله

لاااا وش دعوى .. هـذا بعض ماعندكم مشاءالله ماعليك قاصر طباخ

لكن أهم شي بالفطور الفيمتو والسمبوسه والتمر (والقهوه هي رقم واحد)هذي هي الرسميه

صـــــــحيح اهم شي هذي الاشياء وخـصوصاً القهوه ماينفع الفطور بلاها >>ادمااااان

الله يعطيك العافيه وكل الشكر لك أختي الفاضله أم سعد على هالفطور السنع والشغل الزين
وأيضا الشكر موصول لوالدتك الله يحفظها ويخليها لكم ويطول بعمرها ولك أيضا ولأختك بنت سعد ولبقية
خواتك وللصغير سعودي

الله يعااااااافيك ويسلمك .. والشكر لك على تواجدك القيم ..

سفره دايمه أن شاء الله وأنعم الله عليكم لاتنسين تفطرونا تفطير صائم ولكم الأجر أن شاء الله

عاد والله عندنا تفطير صائم طول الشهر تقريباً >>حياكم الله

هالفنجال كنه فنجالي بالرياض مايصلح للقهوه ألا هالفنجال خاصه بشهر رمضان بس أنه أكبر من هذا

معقوله ..!!! فيه أكبر منه ؟؟؟
عموماً ترى حجمه بالصوره مابين هو اكبر من كذا..
واتوقع انه اكبر فنجال شفته بالاسواق
وهو فعلاً فنجال الصايم مانطلعه الا في رمضان ..



عافاك الله .. وماقصرت على هالرد ..

ومشكور على تواجدك في الموضوع ..

المشاركة الأصلية كتبت بواسطة Šiļěηt

يميييييي سينبوون اموت عليه

مشاء الله حلو فطوركم

عاد إنا استغفر الله بس سمبوسه ولقيمات مانحط اشياء كثيره

مشكوره وعساها سفره دايمه يالغلا

حي الله بــنيتي سااااايلنت


يكاااافي ماجاز لتس من السفره بكبرها الا السينبون ؟؟
مير تسان اخترتي شــي دســـم >>عزالله



مشــكوره يامي على تواجدتس ..

ســـري للغــايه..


يالله حـــي مــشرفنا خفيف الــظل

وش ذا ؟! << ماتشوف ؟ << لا يعني وراه كثير

لااااا هو ماهوب كـثير من جد لو تلاحظ كل صنف بس صحن واحد ولافيه كــثير ..
وبعدين أحنا عائله كبيره >>قبيله تووووف ماشاءالله

سؤآل خطآفي : قد سويتو مفطح بالفطور ؟

لا للحـين مابعد سوينا >>ولابعد

لا صدز فطوركم واجد عساه يدبس كله بس مايروح نصه برا ..

لا الحمدالله مافيه شــي يرمـى أبــد ..
يعني فيه فئات ماتتسحــر فياكلون من بادزي الفطور
وبرضو فيه بعضه يروح لعماميل الاستراحه

والله يام سعد مدري وش اقول .. ماقول الا اذا بقا شي ولا من الفضله ترا الأقربون أولى بالمعروف والمنتدى قريب

لاااا والله تكرمون من الفضله.. تستاهلون أكثر ولوهي ذبيحه ماعشتكم >>مهيااااط

يعطيتس الف عآفيه وسفره دآيمه ..

الله يعافيك ..

جعل هاليدين ماتمسهن نآر

ويااااك ووالديك يارب ..

جاني احساس منبرش يوحي بأن المكتوب اعلاه = ذبه

لاااا وراه ذبـــه يكافي ..!!
يعني كتبت أهم الاشياء على السفره بس ..

عوآفي يام سعد مآئصرررتي ~

الله يعافيك .. أنت الي ماأصرت على الرد

واحد من الناس..

ماشاء الله غليكم بالعافيه والله فطور خنفشاري

الله يعافيك ياخــيي..

ابنهار بسبتك يام سعد
مفروظ المنتدى يمنع عرض السمبوسه واللقيمات والشوربه في شهر رمضان مراعات للناس الصايمه>>واحد ذابحه الجوع

عاد ردك جـاي قبل الصايم لوه الظهر يمكـن ..
مير شكلك راد قبل ماتسحر

مشكوره على هالمائده السنعه

الشكر لك على تواجدك ..

زيـــنه ..


يالله حــيها تو مانور المــوضوع ..

ماااشااءالله تبارك الله كل طبق يقول الزين عندي ..

ماعليتس زود يامـي ..

اشوا فيه احد مثلي مايحس بطعم رمضان الا باللقيماات

مهوب انتي لحالتس الاكــل الشعب السعودي

والافخاذ بعد شكلها مره حلوو .. ماشاءالله سفره منوعه وتفتح النفس ..

الله يسلمتس من ذوقتس ياعمري ..

تدرين الحلو برمضان انتس تقدرين تفرزنين كم طبق بس تطلعينه وتقلبنه ولاتحمرينه <<بلاتس عجااازه

اي والله الاشياء المفرزره تفك ازمه سواء برمضان او غيره ..
وبالعكس مهيب عجازه الا ســنع

مااقصرتي ياام سعد ومشكووره وتسلم يدينك ويدين امك وخوااتك والله يخلي لكم امك ..

الله يــسلمتس من كــل شـر ويعافيتس ..

ماقصرتي على المشاركه الحلوه ..

ســعـــد ..

حــياك الله ..

الله لا يهينك على ذا المجهود ومقدر تعبك بالتصور وخصوصاً إن الوقت ما يساعد .

الله يــسلمك

أشونك أنسحبتِ وإلا كان بتفوزين لا محالة ... على الأقل عطيتي غيرك آمل بالفوز .

اخــجلتوني من جد بردودكم .. من ذوقكم يمال العافيه ..

ماشاء الله تبارك الله أجل لو كنتو عازمين أحد وما كان ذا الفطور العادي وشلون بيكون إلى يواجهه ...؟

ان شاءالله ان الله كــتب وقدرت اصور فطور العزيمه شاركت فيه وتشوفونه .. عموماً ماهنا فرق واجد..

من هاذي أنا أشرب الـ فيمتو فقط ... وللآسف منيب راعي قهوهـ

مشاءالله عليك صراحه اول مره اسمع احد يفطر بدون قهوه ..!!

طبعاً هاذي تعتبر عندي رقم 3 في أهمية تواجدها على السفرهـ لا وبشرط تكون ناشفة وبدون شيرهـ أو سكر .

معك حق الشيره اذا طولت تخليها تذبل >>يعني ماتصير يابسه وتأثر عليها
وبرضو السكر يسمجها .. بس جربو العسل حلو ومايأثر عليها

* رقم واحد بخليه بأخر الرد << يسمع بأسلوب الإثارة والتشويق

صراحه قبل انزل واشوف الرد توقعته شوربه ولا اي شي رمضاني بس ماتوقعت انه شي لاميت برمضان بصله

ما راح أعلق على الأكل الموجود بالصور لآن ماشاء الله شهادتي ماتلزم بمثل ذا شغل والكل شهد لك فيه .. بس أنا جازت لي قزازة الشطة إلى بالصورة يسار أعشق الحوار بأنواعها

ايه عاد الشطه + الصوص الحار اساسيه على اي سفره سواء فطور او سحور وتعطي نكهه للأكل

من يوم شفت لون الخبز أحمر وهو معجبني ... لأنها تورتيلا حارهـ .

فعلا حــاره ولذيذه بعد >>قال من مداحها قال امها والمشاطه

الله يرحم أبوك ويسكنه جنات النعيم ويعوضكم خير بالوالدة

الله يجزاك الجـنه .. لو ماجاء من ردك الا ذا والله انه يكفي ..

ما يستافد من الموضوع

1- إن فطورنا يعتبر تصبيرة عند فطوركم .

لااااا وش دعوى

2- وجد أكثر من عنصر نسائي بالمطبخ يساعد على تعدد الأطباق وضمان سفرة فاخرة .

اي بالله .. أضف لها بعد وجود الفريزر والاشياء المجمده من جد تخدم ..

كلمة الشكر قليلة بحقها فلها مني أصدق وأنبل الدُعاء بإطالة عمرها في طاعة الله

اللهم أأمـين .. والشكر لك على كلماتك الطــيبه ..

تستاهل الشكر بنت سعد ... ولو إني شرهـ عليها ... بسبب سحبتها القوية على المنتدى

صراحـه أقدم العـذر منها .. بسب ظروفها اولها انها ماتدخل النت في رمضان واخرها عدم تواجدها في بيتها طوال هالفتره يعني متنقله ..

يستاهلن الشكر بدونهن ما كانت سفرت بهذا الشكل

والله لو يدرن عن هالمدوح من باتسر وهن في المنتدى

الله يخلية وياملح البربسة خصوصاً من سميي

اي والله بعد تراها الي يشيل الصحون من المطبخ للمقلط >>كارفينه

متعود ما أكلم شغلات وإلا كان شكرتها ... بوصيك تشكرينها

الله يعافيك ماقصرت .. مايحتاج كل شهر نشكرهن

بالعكس أنتِ من يستحق الشكر والثناء على مثل هذا الموضوع الرائع بمحتواهـ .

الله يعافيك ... والله الشكــر كــله لكم ولتواجدكم في المــوضوع بجد ماتوقعت بلاقي كـل هالتفاعل.. وتفاجئت يوم شفت الردود بهالعدد..
فأنتم الي تستاهلون الشكر

يكفيك قراءة ردود بقية الأعضاء لتعرفي إن تم شكركِ من عدمة

مــااااااااقصرتوا والله ..
ردودكم وتواجدكم ومتابعتكم لكامل الموضوع بحد ذاته تميز ووسام لموضوعي ..

* إي نسيت أعلمكم برقم 1 بأهمية تواجدهـ على سفرة أفطاري ومن ضحك أو علق باند على طول

رقم واحد هو الفول والتميس .

>>فيس مهوب مـصدق ..
غريبه صراحــه يعني الله يديم النعمه الفول والتميس خلقه ثقيل على المعده كيف الا صار الواحد صايم ومعدته فاضيه أحسه بيجي ثقيل بشكل ..
مشاءالله تبارك الله ..

دمتِ بحفظ الرحمن ورعايته

دام عــزك ..

والله يعطيك العافيه على تواجدك الي اسعدني ..

ماقصرت ..

أبـــو ربــيع ..


يالله حــي الــشيف ..

لالالالالالالالالالالالالالالالا
ابد مهوب وقت الوحد يدخل مواضيع زي كذا

ههههههههههه عاد مشكله وقت دخولك بعز الظهر
المهم لاتعود تدخل قسم المطبخ بكبره وانت صايم هماااااااه

من جد ما توقعت فيه ناس يسون فطور زي كذا
يعني هذا فطوركم العادي ؟!!
يوميا تسون كذا ؟؟!!!

تراك والله كبرت راسي حسيت انا مسوين بوفيه مهوب فطور >>لاتخليني اتهور واشارك فيه بالمسابقه

ايــه يومــياً نسـوي تسذا ..
بس للمعلوميه احــنا عائله كـبيره ..زياده عليها كل يوم لازم نحسب حسابنا انه يمكن فيه فطور رجال >>عندنا ناس مايعزمون الا قبل الفطور بساعه
وزياده عليها اخواني الكبار يجون يفطرون عندنا ..
وعلى قولة امـي احنا سبع حريم مع الشغالات فينا بركه الي كثرنا يسوون بوفيه ولاسفرتن وش طولها مشاءالله مير الله يخلف

طيب اخر سؤال
ما فكرتوا تعزموننا ؟؟!! <<< قوي وجه حاط علامة تعجب بعد

حيااااااااكم الله .. عاد والله عندنا عزايم تقريبا من بداية الشهر ليـن ليلة العيد >>الي ماعنده احد يفطره ولا اهله مسافرين حياه الله

قرار حكيم انك ما تشاركين معنا بالمسابقة

والله بعد ذا المدوح الظاهر اني هــونت

لا اخفيك سرا قعدت اتمقل كل طبق لبرهه من الزمن

اشوا اني مرقعه ومقصقه بيديات بعض الملاقيف الي تتطفل على السفره

وش ذولي ما فهمت شي

قهوه طيبيعيه = قهوه عااااديه
قهوة قــشر = مدري والله بس كذا اسمها .. اسأل الوالده اكيد تعرفها.. عموماً هي اخف على المعده من القهوه العاديه ويقولون انها صحـيه .. بس تظل القهوه العاديه افضل اكيد ..

اهااااا
هذي وهي تعلم كذا اجل وشلون لقيمات امك الله يحفظها

لا هذي شكلها غير وحتى طعمها مو ذاك الزود >>حش برمضان
حقت امي يكون في عجينتها بر >>يعطيها طعم ولون أحــلى بكثير

وشلون يعني ؟
تصبون عليها نستلة بعد القلي ولا عقب ؟

قصدك بعد ولا قبل صـــح ..!!
طــبعا بعد القلي وهي حاره عشان تتشرب

ما شاء الله تسلم يدينك

الله يــسلمك من النار ..

بالله خليها تعجل علينا لانه من جد اكثر طبق تمقلت فيه
حسيته الييييييم

المشكله مهيب تدخل نت الحـين ..
عاد تراها عباره عن توست مغطى ببيض وبقسماط ومقلي بس الحشوه هي الي عليها العلم عموماً بسأل عن طريقتها واقولك ..

جربيه بلحم مفروم ولا دجاج

كيف يعني بروحهم ولا اخلطهم مع البيض ..

في انتظار موضوعك لاني ناوي اطبقها

أبــشر بســعدك بنزلها في اقرب وقت ..

وش ذا الي جنب البيتزا ؟ سنبوسة بالزعتر ؟؟ << براا

الله الله >>>اسلوب شنب

ما قصروا فيك راعين التبولة الي خلونها نشوف هالفتوش الابداع

عاد والله ماحد كلاها ولا ذاقوها اخواني يقولون الحمدالله سلطه مع الفطور قلت الشره مهيب عليكم على الي بيسنعكم >>بالحيل
عاد رفعناها وكليناها مع السحور

الله يخلي لكم الوالدة ويحفظها من كل مكرووووه امييييين
والله يحرم يدينكن على النار

وياك ووالديك ..اللهـم امــــــين..

واحلى شي اذا اجتمعوا البنات في المطبخ هن وامهن وقعدن يدهرن
بس مدري ليه قبل الاذان يعشر دقايق تقفل الاخلاق

ايه عاد هنا وقت الازمه كلن يبي الفرن وكلن يبي الزيت وكلن يبي المقرصه وتبدى الهوشات في المطبخ

ام سعد
اكلكم حلو مررررررررررة

الله يحلي ايامكم

وجعل هالجمعة دوم ان شاء الله والله لا يفرق بينكم ولا يغير عليكم

الله يديم عــــــزك ياخــيي .. ويجزاك خـير على هالدعوه الي تشرح الصدر ..

من جد ما قصرتي
ما قصرتي على الموضوع

أنــت الي ماقصرت على تواجد وردك ..

مثبت * <<<< وش تبي انت

ايه ذكرتني اثبته




عافاك الله ..

المشاركة الأصلية كتبت بواسطة عبدالله بن سيف

احسن فطور قهوه وتمر


وتسلمين على الفطور الي يشبع

اكــيد القهوه اهم شي عالفطور



الله يسلمك ويعافيك .. مشكور على تواجدك ..

قهوة قــشر = مدري والله بس كذا اسمها .. اسأل الوالده اكيد تعرفها.. عموماً هي اخف على المعده من القهوه العاديه ويقولون انها صحـيه .. بس تظل القهوه العاديه افضل اكيد ..

يمكن تقصدين قهوة عبس التمر << جاب العيد

لا جد والله فيه قهوة يسونها من نوى النوم يقولون انها صحية وخفيفة يمكن انها ذي

كيف يعني بروحهم ولا اخلطهم مع البيض ..

حنا نسويها نفس حشوة السنبوسة



وعافاك الله مرة اخرى

ولا تنسين مواضيع الافخاذ والتوست


وجزاك الله خير

وعليكم السـلام والرحمـه ’’

ما شـاء اللـه تبـارك اللـه .. مدهـرين اللـه لا يضـركم = ) ,,

..

صراحه أكثـر شيء جازلـي عجينـة أمـك .. أحسهـا منتفشـه ولينـه ♥ .. ما شـاء اللـه تبارك اللـه ’’

(2) الخــليه ..
* مصلحتها أمـــــي جعل ربي يحرم يدنيها على النار..

جربـي صبي عليهـا بـدل الشيـره سكـر .. تطلـع خطيييره .. خصوصـاً مـع

عجينـة أمك ♥ ما شـاء اللـه > تقولين ذايقتها ,’

.

لكن السكر يكون بودره .. مع شوي حليب عادي .. وتحاولين تخلينه

غليظ .. يعني ما يكون سايل .. تقريباً زي قوام العسـل ,,

..

(11) الــبيتزا ..
طبعا مايحتاج طريقتها واضحه ومعروفه ..
* مــصلحتها أخــتي..
ومن نفس عجــينة أمي >>ترى العجينه المستخدمه في ( البيتز + الخليه + الاقماع + السينبون ) عجينة العشر دقائق

♥♥ ’’

ما شاء اللـه تبارك اللـه .. مره اشتهيتهـا > تقـدر بيـتزا البيـت ,’

اللـه لا يهينـك يـ أم سعـد .. ودي بطـريقـة [ عجينـة العشـر دقايق ] إذا سمحتي = ) ,,

..

(15) الفتوش..
عاد صراحه محناب نصلح سلطه مع الفطور بس شفت ناس مصلحين تبوله مع فطورهم قلت وش حيثهم
* أعداد أم سـعــد ..

ولا حتـى سلطـة فواكـه ؟ّ!

> مـن أساسيـات السفـره الرمضـانيـه عنـدهم ,’

..

أم سعـد ؛ جمعـه دايمـه وسفـره عـامـره يآآرب ,,

واللـه يخليلـك أمك ويجـزاهـا خير يارب ,,

لا هنتـوا = ) ,,

..

أبو ربـــيع ..

يالله حــيه ..

يمكن تقصدين قهوة عبس التمر << جاب العيد

لاااااااااا لاااااااااا قهوة قــشر معروووفه مره والظاهر تــصير من قشر القهوه >>المهم نجيبها من عند محلات االقهوه

قهوة يسونها من نوى النوم

مافهمت والله .. كيف نوى النوم ..

حنا نسويها نفس حشوة السنبوسة

اهاااا

وعافاك الله مرة اخرى

الله يعافيك ..

ولا تنسين مواضيع الافخاذ والتوست

لاااا شدعوا .. شويات وينزل الموضوع هذاني احمل الصور

وجزاك الله خير

وياك ..

ســـمــى ..

حياااااك الله ..

لكن السكر يكون بودره .. مع شوي حليب عادي .. وتحاولين تخلينه
غليظ .. يعني ما يكون سايل .. تقريباً زي قوام العسـل ,,

يمال العافيه والله ..
بس كـيف اخلط السكر مع الحليب .. ولا اخلطهم واطبخهم لما يصير غليظ ؟؟
ومتى قصدك أحطه بعد الطبخ مثلا الشيره ولا قبل ..

اللـه لا يهينـك يـ أم سعـد .. ودي بطـريقـة [ عجينـة العشـر دقايق ] إذا سمحتي = ) ,,

هااااو اذا ســمحت .. افااا انتي تامرين أمر مهوب تطلبين ..

أبشري بعزتس ..
شوفي :
ا كــاس دقيق
ا كــاس ماء >>دافي
نـص فنجال سـكر
نــص فنجال حـليب بودر
رشة ملح
1 ملعقه (ك) خـميره
^
^
^
تعجن وتترك 10 دقائق ..

ثم يضاف لها : ربع كاس زيت + 1 كاس دقيق ..

*اذا احتجتي دقيق زياده زودي عليها .. انا عجنتها كذا مره صراحه احسها تحتاج كذا رشه دقيق زياده ..

واذا كـنتي تبين تصلحـين فيها كذا صنف وتحتاجين اكثر ادبلي المقادير >>امي دائم تدبلها ..

وبالعافيه مــقدماً

ولا حتـى سلطـة فواكـه ؟ّ!

لاااا والله محناب راعين سلطه مع الفطور عسانا ناكل باقي الاشياء الي مصلحينها >>احس قبل الفطور كلش نصلحه وبناكله والا أذن مالنا نفس شي

أم سعـد ؛ جمعـه دايمـه وسفـره عـامـره يآآرب ,,

الله يديم عليك الصحه والعافيه يارب ..

واللـه يخليلـك أمك ويجـزاهـا خير يارب ,,

الله يجزاك الجنه أمــين ..



ماقصرتي ..

اللـه يحييـك = ) ,,

بس كـيف اخلط السكر مع الحليب .. ولا اخلطهم واطبخهم لما يصير غليظ ؟؟
ومتى قصدك أحطه بعد الطبخ مثلا الشيره ولا قبل ..

لا بدون طبخ .. تخلطينهم لحالهـم .. وعقـب ما تطـلع الخليـه من الفـرن وتبـرد .. تصبين السكـر عليهـا = ) ,,

..

هااااو اذا ســمحت .. افااا انتي تامرين أمر مهوب تطلبين ..

أبشري بعزتس ..
شوفي :
ا كــاس دقيق
ا كــاس ماء >>دافي
نـص فنجال سـكر
نــص فنجال حـليب بودر
رشة ملح
1 ملعقه (ك) خـميره
^
^
^
تعجن وتترك 10 دقائق ..

ثم يضاف لها : ربع كاس زيت + 1 كاس دقيق ..

*اذا احتجتي دقيق زياده زودي عليها .. انا عجنتها كذا مره صراحه احسها تحتاج كذا رشه دقيق زياده ..

واذا كـنتي تبين تصلحـين فيها كذا صنف وتحتاجين اكثر ادبلي المقادير >>امي دائم تدبلها ..

وبالعافيه مــقدماً

اللـه يسلمـك واللـه .. ما قصرتـي ♥ ,,

..

وعليكم السلام ورحمة الله وبركاته




ما شاااااااااااااااااااااااااااااااااء الله تبارك الرحمن ..الله يحفظك ويرعاكي يالغاليه



سفره ملكيه ...صراحه قمـــــــــــــــــــــــــــه ...ومتعوب عليها


بس تدرين طريقتكم بالافطار سهله اقصد تحطون كل شيئ وتمدون السفره مره وحده ...كذا ازين اقصد اريح


حنا عكسكم ولاكن اتمنى نسوي مثلكم ..


اول شي نحط القهوة والماء والعصيرات والتمر وملحقاته من لقيمات جبنيه واي شي ثاني مع القهوه

وبعد ما يرجعون الرجال من الصلاة نمد صفره ثانيه الا هي شربه وفول وسنبوسه واي شي خفيف وسريع

وبعد التراويح او على الساعه 11 او 12يعني على حسب ....نمد سفره وجبه دسمه

وعلى 3ونصف حوول الاربعه فاكهه لبن اي شي


يعني ناكل على دفعات متفاوته ..


اقول يا الغاليه ....


ودي اسكن جنبكم ..........ما ودك تعزميني على فطوركم ....يالب قلبك


تسلمين يا غاليه على هالصفره وهالسنع والترتيب وبالعاااااااااااااافيه على قلوبكم



سلميلي على سعودي ...والوالده لاتنسين ...



ربي يحفظك ويرعاكي

المشاركة الأصلية كتبت بواسطة سمى

اللـه يحييـك = ) ,,




لا بدون طبخ .. تخلطينهم لحالهـم .. وعقـب ما تطـلع الخليـه من الفـرن وتبـرد .. تصبين السكـر عليهـا = ) ,,

..

اللـه يسلمـك واللـه .. ما قصرتـي ♥ ,,

..

ياجــعلتس تسلمــين ســمويه ..



ماقصرتي على التوضيــح .. ان شاءالله اطبقها في قرب وقت



ومشكوره على متابعتس وتواجدتس ..