عيني طربها شوف جامح من الخيـل
ركابها شيوخ(ن) تعسف الأصايـل
ماهم هل الغيبات والقـال والقيـل
أخلاقهم شيمه وسيوفـن سلايـل
شجعان(ن) قروم جيلن بعد جيـل
ومن الكرم منحور سمينـه وحايـل
فنجالهـم عامـر بالبـن والهيـل
ماهوب فنجـال كـذب ومخايـل
إقلط تقهوى دوك صفـر المعاميـل
تطرب على شوفة جمـوع القبايـل
هروجهم نيشـان وتثبـت بتفعيـل
وفي ساحة الميـدان تلقـى دلايـل
وجدي على مركوب مهره من الخيل
مزيونتن من نجـد نجـد الأصايـل
ملاكها رجال(ن) بزيـن التماثيـل
سيف(ن) على الحق زبن الدخايـل
هذي طراة الروح من دون تعليـل
والخيل عشقـي بشتـى الوسايـل
شاعرنا الفاضل .. الخـــيل عشقي ..
صح لسانك على ذا القصيده الرائعه بـــروعــه الخيـــل ووصفه ...
والرائــــعه بروعــــة نـــجـــد .. نجد الكرم والجود ..
والعذر كان جا ردي متأخر لكن ماشفت ذا القصيده الا بعد ماقريت قصيدتك (دار ابن مسعود) الي اعجبتني وعرفت من خلالها انك شاعر وبحثت في القسم عن وجود اي قصائد لك والحمدالله اني طحت على ذا الرائعه ..
صح لسانك للمره الثانيه ...
وسلمت يمينك التي كتبت لنا ابداعك لنتمتع بقرائته ..
دمت شاعراً مبدعــاً ..