ســجــل دخـــولــك بـبـيـت شــعــر

العين عافت نظرة الغير لرضاك=كله على شان احتري نظرتي فيك
دامك سكنت بداخل القلب برعاك=هذا خفوقي وانشده كيف يغليك
قلبي واعرفه بالغلا كم تمناك=مدري على كثر الغلا وين اوديك

مايستوي في الناس صادق وكذاب=هذا تمسك به وهذا تحاشاه

الطيب يخلق مع قلوب الرجاجيل=ما هوب في بنك ا لتجاره تجاره
والرزق من عند الولي بالتساهيل=ماهوب بالحيله ولا بالشطاره

من دون ماأشعر صرت فجأة أحبك
...............حب شريـف دايـم فيـه هيمـان

لي الشرف يازين لا قلـت أحبـك
.............حب من أجله دايم الـدوم ولهـان

مما راق لي من اهل ( الحب )/

الحب ماهو بالمتاجر يباعي=مشاعر بين النفوس محكومه
ماللزعل ومعاند النفس داعي=محدِ على كيفه يحقق حلومه
بالهون ياراعي العيون الوساعي=لاتجرح الغالي وعقبن تلومه
ان غبت عن عيني عشقت اسمتاعي=أحرك الهاتف و ادور علومه

ياهل الديره الي طال مبناها=مابلاد حماها طول حاميها
المباني تهاوي كل من جاها=مايفك المباني كود اهاليها
كان ماتفزع اليسرى ليمناها=اعرف ان ماوطا هذيك واطيها
راعي البوق بالنيات يلقاها=من حفر حفرة لازم يقع فيها

أشره على رجل يعرف المشاريه=والا الردي ما ابغاه لو كان خالي
لو كان عمي قلت ماني ابنا اخيه=انكرت عرفه لو اشوفه قبالي

قدرك ترى موجود : لا رحت وأن جيت
محدن ترى في خافقي له مكــــانك !!

إن قام حظك باع لك واشترى=وان تردى خله نايم لا توعيه

دنيآ سريعِ مكرها عقب الاقبال = تخون لو نسنس هواها ذعاعي
تهين الفتى لو كان شيخِ وخيال = ويطيع لو هو كان شيخِ يطاعي

من حل دار الناس حلوا دياره = لا بد ماتسكن دياره و يغبن
ومن شق ستر الناس شقوا ستاره = ومن ضحك بالثرمان يضحك بلا سن
وان كان ضيف الله يعسف مهاره = فمهارنا من عصر نوحِ يطيعن
تدنا لصبيانِ سواة النماره = شهبِ لماضين الفعايل يعنَن

تركتني ياصاحبي من بعد صمت ... وياشين صمت القلب لا صرت غايب

المرجله مثل الجبل والوطا شوك = ولد الردي ماظنتي به يناله

المال ماطيب عفون الرجاجيل = والقل مايقصر براعي المروه

من فضل ربي ما عشقت الرعابيب = مدري طبع او مبعدتني قلاعه