وينكم ياشعار المحاوره

السلام عليكم ورحمة الله وبركاته

اخواني الشعار وينكم يالربع المنتدى بحاجتكم تكفون يالربع لاتخلون منتداكم تراه بحاجتكم

سلام ردة وفاء عداد ما شعن الانوار=واعداد مالاح برق الوسم في عرض الخيالي
أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

التوقيع:

مرحبا بك يبو ابراهيم،
كان بودي أن يرد على نداك ابو سفر و الا ابو يوسف
و الا غيرهم من اللي شافوا وسيمتك،
لكن يظهر ان ما بالحمض احد،
و الله يعينك تحملني،

أستلم لا هنت:

يا مرحبا يالمسلم من رفيق(ن) صار محتار= محتار بالمنتدى و السوق يا نسل الرجالي
المنتدى صار ميت و السبب من طفية النار= و السوق منهار و الهيئة تفرج ما تبالي

ياهلا ويامرحبا يابو ابراهيم ،،،، وحيا الله العميد

وصح لسانكم طال عمركم،، وواصلوووووووو رجاء ترانا متابعين....

واذا تبون الصزز،،،

لو كل مشرف منا سعد وعلي والعميد وفارس وابو سفر وبدر وابو ساره وابو لين وكنداري وابو شوق وكل المشرفين او لو بعضهم يدخلون ويردون على كل موضوع يطرح ولو بسطرين
ان كان تغير حال المنتدى....

وهذي الصراحة راحة،،، موضوع عن تخلف الأعضاء عن الرد في منتدى النقاش ولا مشرف رد للاسف ......

مرحبا بك يبو عبد العزيز،
و مشكور على حضورك،
نأمل أن يكون كل شيء على مايرام عندكم.
فيما يخص الحضور و المشاركات،
تابعنا وردينا على كثير من المواضيع،
خاصة في الشعبي،
و وجدت مافيه إلا أنا و الأكحل،
و خجلت من نفسي.
الله يصلح الشان.

و يا هلا بك يا فارس.

أبو إبراهيم

صح لسانك ولا هنت وتسلم علي محاولة إنعاش البقية الباقية من المنتدى .



عميد المنتدى

تسلم ولا يسلم ردي العزايم
نعجز عن شكركَ للدعم منقطع النظير الذي تبذله من أجل بقاء المنتدى شمعة تنير .

فارس تميم

كيف حالك وعساك بخير وبيض الله وجهك على الحضور

سعد

هلا يابو محمد والمنتدى انشالله باقي واالعشم بالاعضاء وانشالله مايتخلون عن منتداهم بس الدعوى تبي شوي صبر

خالي العميد
هلا والله انت اغلى من اشوف واتشرف باللعب معك
والعذر على التاخير وكل السبب من النت عيا يشتغل

استلم لاهنت

جماز ياخال عجزٍ والسبب من شلة تجار=وجمازنا باذلٍ فالمنتدى من كل غالي
المنتدى يبغي الوقفه من صغار ومن كبار=واذا اتحدنا يلبن مسعود زانٍ الحوالي

ارررحب يبو محمد،
و حنا ما سوينا إلا الواجب،
لكن ليت الجميع يكونون على قدر المسئولية
ويرجعون لرفعة المنتدى و انتشاله من وضعه المؤسف.


أهلا يبو ابراهيم و عذرك مقبول ان كان ما تكرر
أنا قلت يمكن الرجال مْتَسْيـِرْ .

إستلم لا هنت:

يبو ابراهيم سوق المال ما تنفعه الاعذار= و مقومات ازدهاره من يمين ومن شمالي
و لمنتدانا وقفنا، لكن الماخوذ ما ثار= و لا يمكن يقوم صرح(ن) بين علمان و ملالي

العميد

هلا فيك انشالله مايتكرر ولا والله ما تسيرت لاني كنت عندكم بس انشالله المره الجايه


خالي استلم لاعدمتك

السوق ياخال معروف السبب وش فيه ينهار=واللي نجح باول الطيحه سقط ياخال تالي
ياخال انا خابرك منتب عجل خابرك صبار=اصبرشويه ترى صرح البلد ياخال عالي

هلا بك يبو ابراهيم.
أجل فيه جايات و الرجال يخطط للثالثة من بدري؟
طبعا الثالثة لها مشجين واجد!

إستلم يالغالي:

السوق يبغى شفافيه و توضيح(ن) للاخطار= و يبي صرامة من اهل البتّ و اصحاب المعالي
لو قيس صبري، تعدّى يالعجاجي كل مِعيار= ذالي سنة كل ما ادخل للمكان القاه خالي

استلم لاهنت

خابرك صبار وادري انك مابين النار والغار=وترى الفرح ياعميلي في مقابيل الليالي
ياخال فكر بحلٍ يجذب العربان للدار=نبغى بعيد العرب يحضر ياخالي والموالي

ياسلام ياسلام
صح لسانكم
والحاله صعبه والله يعين والظاهر ان المنتدى صار مثل الاسهم هالايام
وحنا حاولنا لين عجزنا لكني انا متابع لين تعدل الحوال

واصلوا وحنا متابعين

أرحب و استلم سلمت:

يا كيف نصبر و وضع المنتدى أصبح مهو سارّ= و لا اظن ما اقبل يصير احلى من ايام(ن) خوالي
لا يدخل المنتدى يكود عضو(ن) ثابت و قارّ= و لا تتركون التصفح للخواطيف العجالي

المشاركة الأصلية كتبت بواسطة سنايدي

ياسلام ياسلام
صح لسانكم
والحاله صعبه والله يعين والظاهر ان المنتدى صار مثل الاسهم هالايام
وحنا حاولنا لين عجزنا لكني انا متابع لين تعدل الحوال

واصلوا وحنا متابعين

أرحب يا سنايدي،
و لا يسدنا منك الطلة الخاطفة، نبي مشاركاتك
و حث زملاك بالعودة لإحياء المنتدى من جديد.

نبيه يعود لحنته ورنته يوم الشعار ألاتية أسماؤهم متواجدين:
سعد العبود، محمد السعيدي (تصدقون هو المشرف؟)، العامري، عساف النجايب، البطران، زجران،
أبو حسام، الكوز، ددسن ابو الليل، و غيرهم.

إلى جانب فحول الشعراء القدامى و اللي فقدنا إبداعهم:
مثل هاني، بعير نت، الحذني، و غيرهم الكثير و الكثير.
المنتدى محتاج لكم يا هله، وينكم؟؟

و ياهلا

سنايدي
اررحب يالغالي ومرروك شرف

العميد
اسف على التاخير وابشر بالخير البرق بدأ بالمنشأ انشالله يسيل الدار

ابشر ياخالي على الديره بدأ همال الامطار=والصبر دايم ترى محمود ياولد الحلالي
بكره يبي يعود الميدان ياخالي كالاعصار=وتحتار في محاور الشعار ياقرم العيالي

المشاركة الأصلية كتبت بواسطة علي العجاجي

سنايدي
اررحب يالغالي ومرروك شرف

العميد
اسف على التاخير وابشر بالخير البرق بدأ بالمنشأ انشالله يسيل الدار

ابشر ياخالي على الديره بدأ همال الامطار=والصبر دايم ترى محمود ياولد الحلالي
بكره يبي يعود الميدان ياخالي كالاعصار=وتحتار في محاور الشعار ياقرم العيالي

هلا ببوا ابراهيم وخلك حولي لا عدمتك،
استلم سلمت من كل شر:

جعلك بشير(ن) يفرحني و يفرِحْ كل من زار= عساي اشوف العضو يدخل و لا يلقى مجالي
نبيه يرجع مثل ما كان قبل صكوك الاعسار= و لا همني من يحاورني مدام الشر زالي