العامري اقلط لا هنت على قاف(ن)جديد

السلام عليكم ورحمة الله وبركاته
كل عام وانتم بخير
اقلط يالعامري ولي الشرف اني اتحاور مع شاعر كبير مثلك اذا ما عندك مانع وترا المحاوره ذي اسمحلي يبي يصير فيه مناوشات ارجو انك تستقبلها بصدر رحب وان كانت ما تعجبك هذه او انها راح تزعلك ارسلي وانا راح اعتذر لك ولا بالنسبه لي خذ رااااااااحتك
القاف الجديد يبي يكون من اربع شطور والشطر الا خير يكون(والي عقد روس الحبال يحلها)
وانا راح ابي ابداها بموال وانا ماني راعي أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

وينكم يا شباب
الميدان فاضي
والعامري وينه
استلم الموال وانا سنايدي

العامري ابطا علينا علامه .....سنايدي صوب فصدرك سهامه؟ ......ماهمه اللِّي محتزم في حزامه...... والمعرفه بين النشاما غنيمه

سنايدي ثبت مكانه واستراح =وانا هنيا لاجل يرتاح الجميع
واللِّي يقرب غصب خشمه نفركه=والي عقد روس الحبال يحلها

الأخ "سنايدي":

حياك الله، و عيدك وعيد الجميع مبارك.
لكن الناس توهم في إجازة العيد،
و أنا متأكد "العامري" لن يتأخر في الرد عندما يعود.

و يا هلا

عميدنا خشم الرعن حياك الله ومن العايدين
خلك معنا وابيك تمسك صف طال عمرك
وانا في الانتظار

الأخ "سنايدي":

أشوف "العامري" طول عليك وأتوقع إنه بالبر و لا عنده "نت".

وإذا ما عندك مانع نبي نتعلم معك المواويل
لكن عليك ان تتحملني تراي عليمي:

إن كان تقبل واحد(ن) ما يخاف(ي)= متهور(ن) بلحيل، لكن سنافي
ودّه يشوف آخر علوم القوافي= و المعرفة بين النشاما غنيمة

"سنايدي"، وراك كثّرت الصياح= و "العامري" روّحْ يدوِّرْ للربيع
و الخشم عنك بعيد، رايي تتركه= و اللِّي عقد روس الحبال يحلّها

و يا هلا

حياك الله يا خشم الرعن شرفتنا
استلم وانا سنايدي

عميدنا شرف حضوره علينا=يامرحبا يلي لداره يجينا
والله اني عاذره ما نسينا =والمعرفه بين النشاما غنيمه

العامري ابطا وهل المره سماح =ماكل مره يب يحصله شفيع
و مربعن داخل حدود المملكه=والي عقد روس الحبال يحلها

إلك البقا، و الشرف لنا جميعا.
إستلم لا هنت يا "سنايدي" . . .

الله يشرّف يا رفيقي مقامك= و جعل السعد باول مقاديم عامك
مثل المطر ينزل و يبعد عسامك= و المعرفة بين النشاما غنيمة

"العامري" عذره معه، و البرق لاح= و الخير مقبل خل منزالك رفيع
أبعد مسارك عن دروب التهلكة= و اللِّي عقد روس الحبال يحلها

و يا هلا

صح لسانك
استلم وانا سنايدي

انا مقامي عالي والراس عالي=سوق الرخامه مرًته ما طرالي
اطالع العليا من اول وتالي=والمعرفه بين النشاما غنيمه

جتني بيوت(ن)عطرها بالروح فاح=والقاف ذا من مطلبه صدر(ن) وسيع
ماتنفع الي هرجهم متركركه=والي عقد روس الحبال يحلها

تسلم يا "سنايدي"،
و استلم لا هنت:

:

و النعم، محد(ن) قال فيكم نقيصة= و الفرق واضح بين لونَه و شيصَة
إخْذِ الرّطَب من فوق، واترك غفيصِه= و المعرفه بين النشاما غنيمة

عطني علومك قبل ساعات الصباح= قدام ما تركب على الخط السريع
علوم الرجال اللِّي مهيب مفبركة= واللِّي عقد روس الحبال يحلها

و يا هلا

قواكم الله يالربع

انا ابقعد اتفرج و اصفق لكم

الليل الليل

الله الله

يا سلام ياسلام

عزيزي سنايدي : مساك الله بالخير

والمعذرة عن عدم الرد

فأنا لم أقرأ أبياتك الا للتو

لأنني في البر طيلة أيام الإجازة

كما أشكرك على طلبك لي

والآن أنا موجود

وأسعد بلقائك فابدع لنا الطاروق.






عميدنا خشم الرعن

هلا وغلا

يامرحبا باللي حما ساقة رفيقة

بارك الله فيك

وصدقت والله اني في البر ماكنك الا معي

مشكور مشكور للرد عني






واصلوا ترانا متابعين

الأخ "أبو دحيم":
شكرا لك على مرورك،
و لا قصرت.


الأخ "العامري":
مرحبا بك
و الحمد لله على السلامة.
و نرجوا أنك إستمتعت بإجازتك البرّية.

و يا هلا

الأخ "سنايدي":

يظهر إنك ما أعجبك الرد،
لأن المسألة مهوب عدم تواجد فأنت طلبت
"البطران" للمراد ولم تعرِّج ولو باعتذار.

على أي حال مشكور على قبولي المؤقت
و الآن و قد حضر "العامري" تستطيع
أن تبدأ معه،
لكن لك مني نصيحة و هي أن تقيم
طريقة تعاملك مع الآخرين، و شكراً.

وداعة الله

خشم الرعن
السلام عليكم
كيف يكون ردك ما اعجبني فان التلميذ لا يعطي رايه لاستاذه
على العموم انا اعتذر ولاكان قصدي اني ما ابي ارد بال بالعكس لي الشرف وارجو ان تفتح بريدك الخاص على شان تعرف السبب
وانا اعترف اني غلطان ولا كنت ادري انك تبي تا خذ على خاطرك
تحياتي سنايدي

اشكر خشم الرعن على تشريفه لي في هذه المحاوره
واشكر ابو دحيم على متابعته للمحاوره
والحمد لله على السلامه يالعامري شرفتنا وانشا لله انك انبسطت في الاجازه ولي لقا معك انشالله في طاروق جديد قريبا
وارجو اني ما ثقلت عليكم
تحياتي
سنايدي