【★】مـكـتـبـة يـامـتـعـب الـروووح " لـلـقـصـائـد الـسـامـريـه "【★】

يا قارع الدمام سم واقرعه=واعطيك عذقين ليالي الصرام
سقوى سقى الله وادي المجمعة=من رايح يوضى بجنح الظلام
الزرع ما يسقم لمن ضيعه=والطرش ما يسني بليا طعام
ياذا الحمام اللي لكن لعلعة=فوق الجرايد والخلايق نيام
بالله عليك .. الصوت لا ترفعه=تقعد غرير سابح في المنام
توه صغير .. الديد مايرضعه=مستنكر عقب الرضاع الفطام
الى سرى فاسري على مربعه=ثم ارجعي من بعدها للمنام
الموت جاني ما قويت امنعه=موز بحالي وا هني الفدام
خلخال سيدي وان مشى يقرعه=قرع الجرس للي تقود الجهام
الصاحب اللي عشرته مسمعه=عليه مني كل يوم سلام
والصاحب اللي كز لي مردعه=عليه مني كل يوم سلام
شوفي بعيني مخطره يذرعه=يسري تويلي الليل يم الهدام

" لعلي السناني "

يا حمام يجر الصـوت صـوت الندامـه
يرفع الصوت ويجـاوب حمـام يغنـي

الحمامه الى ناحـت تجـاوب حمامـه
والمولع مـن الفرقـا ينـوح ويونـي

يا ابن غشام وان رحتوا لصوب العدامه
راح قلبـي بثركـم حافـي ومتعـنـي

والله اني فلا اقـف لـو عليـه ملامـه
ما يفرج عن المضيـوم كثـر التمنـي

خيرة العمر لو قالوا لك النـاس خامـه
ما رجيت العصور اللي مضن يرجعنـي

اقهر النفس والمقهور يسـري هيامـه
مع نجوم سرت يـم المغيـب ادبحنـي

صوب دار سقاه من الروايـح غمامـه
لين هـاك العـروق الباليـه يرتونـي

يضحك الرقم والحوذان بسهـال رامـه
راجح بالطفل غـض الزهـر وامتثنـي

كن ريحة شمومه يـوم فلـل كمامـه
ريحة المسك مع ريح الهبايـب يخنـي

اقبل الصيد يتلـي بـارق مـن تهامـه
يتبع الريف وبروق الحيـا مـا تونـي

صوب وسمية بيـن الخنـق والنعامـه
دون واد النسا من فوق غـرس زمنـي

في بلاد الرخـا والكيـف دار السلامـه
ديرة المستريـح اللـي ينـام متهنـي

كـم صبـي تمناهـا ولا ادرك مرامـه
ادرك الكود واسبـاب الـردى يجرحنـي

آه واقلبي اللـي يصتفـق بـه غرامـه
مثـل سفـن بغبـات البحـر يسبحنـي

عرضة الزين تخلف لابسيـن العمامـه
يا قـوي السبـب بهـداك لا تمتحنـي

يوم أعشق الهوى من شان مرخي لثامه
جزت عشرين عام ولا بعد جـاز منـي

ويش أسوي بحظٍ مـا تشيلـه عظامـه
لام مـن لام ميـلافٍ تذكـر وحـنـي





للشاعر عبد العزيز بن إبراهيم السليم - رحمه الله -
من مواليد عنيزة

حيّا الله اللي يغيـب ويسـرع الـرده
اللـي يجينـي اليـا منـه تباطانـي

قلبي يـوده و حالـي كنهـا القـده
ودي بشوفه ودونه حـوم عقبانـي

يا صاحبي جارك الله وش هاالصـده
مهـوب حـق تولعنـي و تنسانـي

ان كان عندك حكى بي خامل السـده
فانت المصدق وانا حقي وما جانـي

اهرج على ما تورى والبخـت بـده
لا تستحـي يابعـد حيـي وحيانـي

ترى حلاة الهـوى لا طالـت المـده
مهوب يوم صديـق ويـوم قومانـي

وان كان ما انت مصافيني على الشده
وقت الرخى واجـد ربعـي وخلانـي

للشاعر/سليمان بن شريم

يابنت انا طالبك ترفين للزله

من كلمة قلتها من غير وعياان

ابوك شيخ وانا يا بنت عبد له

حلفت بالله ما اجي له درب عصيان

ماحد قوااني و انا ما داني الذله

الا انت يا موضي الخدين تقوااني

يابو نهود بعالي الصدر مقتله

مثل الفناجيل بين دلال رسلان

عيني فراشه وباقي روحي فدى له

تفدى لمن هوو بغالي الروح يفداني

" لصالح السكيني "

وين الرفيق اللي على السد ماثوق

لا ضاق صدري فرج الهم عني

ياليت سدي مقفل ٍ مثل صندوق

يصير مبدا الهرج ما هوب مني

السر ما يفضي على كل خقخوق

لاجا بوسط السوق يقرع بشـن

قل للعذارى لا تهابن من السوق

ما في شي يجفل الناس منـــي

والله لو يمشن مفاريع ودلوق

ما افز له لو ما تغطن عنـــي

إلا غزال تشعف القلب زملوق

ومع عجايب زينها صغر سـن

أبو خدود كنها القطن مطروق

والراس ذيل معيل ٍ مستعــن

وعيون نجل شوفهن يسحرالموق

يضيع ما بالكف إلى لجلجــن

والورك يشبه شط عفرامن النوق

ما رددت في كل سوق تحــن

والله لو تجلب على حنة السوق

تسوى لها لكين والفــين دن

ياشيب عيني وان نطحني مع السوق

يكن جلدي طابقه جلد جنــي

عليه قلبي ما بقى فيه معلـــوق

واليوم عيا خاطري يرجهــن

بالك تذير لا تعوّرك مخلـــوق

وليا فعلت الجود بالك تمــن

وترى ان صفالك واحد فانت مسبوق

لزما لزوم وانقل العلم عنــي

أضحك وانا قلبي من الغيظ مدفوق

وعساي ما اعاقب على سو ظني

الطيرما يكفخ وهوما له سبوق

وترى الفدامة كل هرجه تمنــي


الشاعر إبراهيم سلامة

عيني اللي من الفرقى تهل وتعبر = ناموا الناس وأنت ياعيوني سهيره
قمت أهوجس بليلي يا هلي واتفكر = من تولع بحب البيض يكثر ونينه
شفت برق ينوض وقلت ذا الرسم بكر = وأثر هذا حبيبي يوم يوضي جبينه
خمسة أيام يا المجمول عيت تقزر = ما بْكن الدهر مرت علينا سنينه
عقب ولف المودة تقل خلي تنكر = ازهمه بالجواب وكن هرجي رطينه
صاحبي وإن طلبته حبة ما تعذر = وإن طلبته وعيى فحوبتي بْتحينه
هيه يا بو نهيد في الحشا ما تكسر = مثل وصف الزبيدي ما لهجها جنينه
خطر السطح من ممشى عشيري يتهصر = يا الله إنك تعينه من ردوف تهينه
كن ريق الحبيب فيه عسل وسكر = أو حليب من المسح البكار السمينه
يوم قفا وليفي قلت أنا الله أكبر = بنفارق عشير ديننا مثل دينه
قصر القلب من طرد المزايين قصر = كود يلقى عشيره أو عساه أوقمينه

للشاعر/فهد بن احمد

سلّموا لي على اللي سمّ حالي فـراقه... حسبي الله على اللي حال بيني وبينـه
قايد الريـم تاخذنـي عليـه الشفـاقه... ليتني دب دهري حايستـةٍ في يمينـه
آه واقلبـي اللي راح منـي سـراقه .... تلّ عرج المودّه وانقطـع في يدينـه
بالهوى طاح ما بالراس عقب الحماقه... أتشهَّد وسمّـي لي خزرنـي بعينـه
والردايف تشيل الثوب عن حجل ساقه ...مثل برقٍ تكاشف لي كشف عن جبينه
زاميات نهـوده يـوم زرَّر اشبـاقه ...مثل خـوخٍ مخـدّد توهـم قاطفينـه
لا ذكرت الليالي اللي مضت والصداقه ...عوّد القلب يرجف مثل رجف المكينه
عقب ما هو نديمي صار شوفه شفاقه ...الله اقوى على اللي عشر واربع سنينه
اشتهى عشـرتي وانا عشقته عشـاقه ... في زمانٍ مضى واليوم وينـي و وينه

فهد راشد بورسلي

ياطير ياخافق الريش @@@ بلغ سلامي وثنه
ثنه على أبو عكاريش @@@ اللي سبى العقل فنه
أبو عيون مرا يش @@@ من شافهن يذبحنه
ابو ثنايا مراهيش @@@ ويلي على مزهنه
وقذيلته كنها الريش @@@ ريحه زباد وحنه
صملان قلبي معاطيش @@@ ومن الظما يسنه
لولاه انا كان ما اعيش @@@ ومن ها الحياة اتهنا

للشاعر/فهد بورسلي

سقى الله زماني يوم انا توني بزر=وانا دله ماادري عن الغي وشلونه
الا يوجودي وجد من لا بلي صبر=صبور على الفرقى ليا غاب مضنونه
دمع عيني كل ماهل من شهر=همايل واغضي عن هلي لا يشوفونه
مر تهل دموع ومر دم حمر=وتجهش كما عد هل البوش يردونه
ولا يمحي حب عليه اللحم جبر= صطا بالعظام وصافي الجلد من دونه
انا ياهل المجمول مافي يدي حمر=وذي بندقي فيما تيريدون مرهونه
ابو لبة عفرا وطوق على النحر=لا ما اهبلك ياعاذل القلب من دونه
عسى من حداني عنك يا لابس الحمر=يجيه العمى وانا من اللي يقودونه
اقالبك ياعمري على البطن والظهر=كما الاسود اللي بالوقايديملونه
احب الخضر من حيث لي صاحب خضر=ياحيث الخضر عند الدكاكين يغلونه


قائل هذه القصيده لا اعلم من بس قيل لي انه احد اثنان والله اعلم
هما يا عويض النفيعي او سالم بن يحيوي

ناح الحمام بعاليـات المقاصيـرواهل الهوى طربين ما يسمعونـه

ذكرتني يالـورق لاذكـرك خيـرغرو كما لدن المطـارق قرونـه

وش نوح ماكم ضايع ياهل الحيرنبـي نعدلـه كـان ماتعدلـونـه

مع الحميه ساقتـن نيـة الخيـروالشرط مانبغاه لو تجـد عونـه

تمسي عروق القلب عندي معاشيرويزهر ثمر قلبي وتطرخ غصونه

بكره ضحى هالعيد دقـوا الزيـروماعندهم من غالـي يلبسونـه

يظهر حبيبي كالخلاصه من الكيـرعيـذه بـرب النـاس لاينحتونـه

الشاعر عبيد الحمود الرشيد

الا يامل قلب كل ماجا الليل جاه خلاج ....
يلوج ويجتلد بالصدر والعربان ممسيني

أنا متحير مدري عن المدخـال والمخراج ......
ألا واعمس رايي مالقيت اللي يقديني

الا يامجيب دعوة من تـصافق فوقه الامواج .....
أنا بحماك ياوالي الخلايق لاتخلينـــــــي

الا ياوجد روحي وجد من خلــوه بالمسهاج ......
كسير الساق بنحور المعادين المغليني

إلا من دك هوجاسي ولو انــي على ديباج ......
ولو جالي جميع البيض غيره مايسليني

الا واهني مخلوق يفرج ضيقتـــــــــه لاداج ......
إلى منه دخل بالسوق غاد له ميادينــــــــي

ترى بعض العرب عمله بروحه مثل عمل سراج ......
يضوي للعرب والنار في جوف المسيكيني


للشاعر / فيصل بن عبدالعزيز

البارحه ساهر(ن) والعين سهرانه

والناس نوما وانا ماهملجت عيني

كله على شان من شاني على شانه

في مامضى صاحبي واليوم جافيني

واليوم بان الجفا واغواه شيطانه

الله يلومه يبي يرضع ببديني

مركب غرامي ببحره ضاع سكانه

بين السجي والثبر باقيه لوحين

ضربت له ضربه تمدلج الزانه

مع زود هذا نقيع المر يسقيني

اطيب ما طيب وقلبي ضاع برهانه

ذوبت مهجة غرامي يا اريش العيني

من دين الطيب ما ينساه ديانه

مثل البريرة سلف والعشر عشريني

ان كان عنده ملاوي هرج وخيانه

يلقى وانا القى بداله من يسليني

ياروح روحي جروحي منك عطبانه

عطيب ما اطيب الين انك تداويني


للشاعر / عبدالله العليوهـ

يا حسايف على العود الخضـر
......................... انكسر في يميـن اللـي حنـاه
انكسر جعل من جـاب الخبـر
........................ يقطع الله مـن الدنيـا رجـاه
صاحبـي كنـه الظبـي العفـر
........................و عسى الله يرعى من رعـاه
لا تبـيـن بـخـده للقـمـر
........................ غاب نور القمر و اظلم سمـاه

ياذا الحمام اللي سجع بلحون ***وش بك على عيني تبكيهــــا

ذكرتني عصرمضى وفنون*** قبلك دروب الغي ناسيهــــــا

اهلي يلوموني ولا يدرون*** والنار تحرق رجل واطيهـــــــا

لا تطري الفرقى على المحزون*** ما اداني الفرقى وطاريهــــــا

اربع بنا جر في يد المزيون*** توه ضحي العيد شاريهــــــــا

عمره ثمان مع عشرمضمون*** مشي الحمام الراعبي فيهـا

يامن يباصرني انا مفتون*** روحي ترى فيها الذي فيهـــا

" لابن لعبون "