الهديه >>بصراحه وش تعني لك ؟؟

- أغلــى هديه (معنوياً) وصلتك واقربها لقلبك..؟؟


مآفيه بس فيه هديه بشۉفهآ آن شآء آلله يآآآرررب آحلى هديه بحيآتي بتگۉن

- أغـــلى هديه بثمنها ؟؟


هي آغلى هديه بتجيني



- ماقيمة الهديه لك ؟؟ تهمك ام تعتبرها مجامله..؟؟ او حسب قيمتها الماديه..؟؟


قيمتهآ گبيررره عندي ۉآگيد آتهمني


- اطرف هديه وصلتك ..؟؟ يعني لها موقف طريف..\


مآفيه


- هـل كانت الهديه سبب في تصالحك مع شخص غالي تزاعلت معه ..؟؟

نۉ

- اخر هديه وصلتك... واخر هديه اهديتها ..؟؟

آخر هديه من عمري سآعـه خقق



آهديت صديقتـي شنطة دۉلسي قآبآنآ

العــســكري ..


حياك الله ..

الهديه شيئ قيم
ومو مهم تكون غاليه أو رخيصه

المهم تكون تؤدي المعنى المطلوب منها حتى لو كانت ورده مقطوفه من حديقه
بتصير قيمهتها مره روعه

مشاءالله حـلو ..كلام سليم (أأيدك) ..

وأجمل هديه حصلت عليها هي مصحف وبعض العطورات والأبواك
وميداليات مفاتيح هذا اللي أذكره

مشاءالله تتهنى فيهم .. وحركة المصحف حلوه ليتنا نتذكرها مع كل هديه اقل شي يبقى اجرها حتى بعد موتنا ..

يعطيك العافيه أختي الفاضله أم سعد على موضوع الهديه

الله يعاااااافيك ماقصرت ..

وعندي لك هديه عبارة عن دعاء مني لك بظهر الغيب

جزاك الله خـير .. ولك بالمثل ان شاءالله


شاكرهـ لك تواجدك ..

الخــيل عــشقه ..


حياك الله ياخــوي ..

( رحم الله امرء اهدى الي عيوبي ) عيوبنا عندما يكشفها لنا الاخرون ايضا تعتبر هديه

صراحه أعتــبرها مبالغه.. خصوصاً ان موضوعي يتكلم عن الهديه الحسيه الملموسه ..
وايضاً مو كل شخص يكشف عيوبي يهدني اياها >>وجهة نظر

نصيحة واحد من عيال عمي جزاه الله خير يوم نصحني ادخل وظيفتي اللي انا فيها لاني كنت رافضها بالبدايه

الله يجزاه خـير ..
بس مثل ماقلت فهمتو سؤالي غلط .. انا اتكلم عن هديه حقيقه تبقى حتى لو كانت تافهه المهم انها هديه حسيه واقصد بقيمتها المعونيه غلاتها بقلبك..
فالي يقول البسمه او الكلمه او النظره هديه معنويه صحيح كلامه ..
لكن انا قصدت هديه حقيقه لها قيمه معنويه ..

مبلغ مالي و قدره 15000 ريال من شخص عزيز على قلبي عرف اني بحاجته ذلك الوقت واهداني اياه دون ان اطلبه منه

مشاءالله تبارك الله .. هالنوع من الهدايا صحيح ماتبقى ولاتقدر تحتفظ فيها بس تبقى ذكراها وموقفها الي اكيد انك مرح تنساه ..

ولاتهمني قيمة الهديه الماديه بقدر ما يهمني معناها واعظم الهدايا دائما التي يهديك اياها وهو يعرف انك في حاجتها وتستفيد منها يكون لها وقع خاص لاتنساه فبعض الهدايا التذكاريه قد تنساها مع الوقت

أأيــدك وكلامك صح.. بس اختلف معك في نقطه ان الهدايا التذكاريه تنسى مع الوقت .. من اسمها تذكاريه يعني تبقى للذكرى وتبقى معروضه في غرفتك او مكتبك اذا كانت مثلا درع او شي زي كـذا يعني ماتنسى للابد .. الا اذا كنت ماتحتفظ فيها فأكـيد انها رح تنسى ..

اخر هديه وصلتني : صندوق وبداخله ( سبحه , عطر , عود , دهن عود , كتاب شعر , ميداليه , وكثير كان داخل الصندوق لكن هذا الي ذكرته )

مشاءالله .. راااااايقه الفكره وحلوه .. اسمح لي اسرقها

اخر هديه اهديتها : صنيديق وبداخله ( ورقه بابيات شعر من نظمي وخط يدي , مسك سايل , ومدري وش بعد ما اتذكر بالضبط لان لها فتره )

بعد رووووعه الفكره خصوصاً فكرة الشعر..

و اخيرا نشكرك على هالموضوع الجديد المتميز كعادتك ولاتحرمونا جديدكم

التـميز في حضورك الراقي ..
فالشكـر لك أنت ..

طيـف ابتسامه ..

حياك الله نورتي الموضوع ..

- أغـــلى هديه بثمنها ؟؟

الهدية مو بالثمن االهدية بقيمتها عندك وعند صآحبهآ يعني مآيهمني ثمنها ابد يهمني من تكون منه

شي اكيد وانا ذكرت هذا في بداية موضوعي..

لكـن هـذا مايمنع انه يوجد هدايا غاليه بثمنها وشي من نقدر ننكره فكـنت ابيك تذكرين لنا اغلى هديه وصلتك ..

هههههههههه من بنت اخوي جايتني تقول عمه شوفي الهديه بهديها لصديقتي وش رايك فيها ومدري وش قلت حلوه قالت بجيب لخآلاتي هدآيآ قلت وآنآ قآلت روحي منآك قلت طيب خذيت بخآطري

المهم يوم دخلت غرفتي والقاها تقول عمه كل عام وانتي بخير والله فرحت وآآجد

ههههههههه ياحليلها يعني هديه بعد الشحذه .. بس برضو يضل لها طعم حتى لوهي مشحوذه >>>تقدر الهدايا

اليوم من صديقتي علشان اتذكرها فيها ,, قبل امس اهديتلـ آختي وصديقتي

مشاءالله الله يخليهم لك ويخليك لهم ..

آم سعد موضوعك شيق جداً

لاحرمنا الله من إبدآعتك المتواصله

تسلمين ياعمــري ..

وربي يعطيك الف عافيه على حضورك ومشاركتنا الموضوع ..

ســمــى ..

حي الله من تزيد حلى الموضوع بمجرد وجدها فيه ..

جميلـه العباره ,,

الجـميل عبارتك وذوقك..

وأنتي كـذلك ,’

تـسلمين ياعـمري ..
بس حسيتها طنزه .. وبالمناسبه ذا الفيس اذا حطيتيه بأي جمله مهما كانت جاده احسها استهبال او تطننز >>لاتزعلين بس كذا انطباعي عنه
يعني تكفين لاتحاولين تكثرين منه عشان مشاعر الاعضاء الي مثلي >>عندها انطباعات مدري وش تبي

سواره بسيطه .. من ساراي .. ما كان لهـا مناسبـه ,,

صح إنهـا بسيطه لكنهـا غاليـه على قلبي ,,

ياحليلها .. الله يديم المحبه بينكم ..

لاب توب من أبوي جعلـه بـ الجنـه ,,

الله يحفظه لك ويطول في عمره اميـن ..

معنـى سامـي .. ولغـه حلـوه .. اعجـز عـن وصفهـا ,,
أكـيد تهمنـي .. ومهمـا كانت قيمتهـا الماديـه .. المعنـى فـي الهديـه .. موب في قيمتهـا ,,

وآخـر هديـه اهديتهـا حلاو لأخوي الصغيّـر > تكلفتـي ,’

ههههههههه لا ماعليك البزران تعتبر هديه .. والله يخيلكم لبعض

الـف شكـر أم سعـد .. موضوع جميـل ,,
ما قصرتـي ,,

الله يعافيك والشكر لك على تواجدك ..

ســاراي ..


يالله حــيها .. وهناك الخلاص

كوب من اخوي (L) ،،

الله يخليكم لبعض ..

تعليقة و حلق ذهب من امـي اللـه يخليها ،،

امـــــــين ..

ما اتذكر شي معين : ) ،،

تذكرت انا موقف طريف >>احد سألك
من جد يضحك بس ما صار لي لوحده تقول زوجها ماعمره اهداها دخل يوم وعطاها ورده بدون مناسبه ففرحت فيها كثير لأنه مو من عادته فسألته وياليتها ما سألته قالت :شكراً الله يخليك من ذا الكلام .. وش طاري عليك تهديني ورده قال : وش اسوي هذي الهندي اللي يبيع عند الاشاره غصبني آشتري منه>>>ياحليله خرب الهديه بكلامه

آخر هديه جتني من وحده من البنات قبل يومين ..
و آخر هدية اهديتها لأختي قبل اسبوعين يمكن ،،

مشاءالله تبارك الله .. الله يديم المحبه بينكم اميـن..


شاكره لك حضورك المميز ..

ســري للغايه ..

حي الله مــشرفنا المفقود

واصلتني من زمان وهي حياة الوالدين الله يرفعهم بالعافيه وان عندي ابو مامثله وقسم بالله ..

الله يخليهم لك امـين

اتعذر عن الاجابه .. << بلا والله مايجيك الا من ابوريالين

هههههههه عذرك معك

والهديه مهما كآن ثمنها .. والله ان الهديه عندي ماتسوى .. لكن اللي يسوى هو اللي مهدي الهديه ..

وياما غالي يهدي الرخيص ويذبحني غلاه .. وياما رخيص يهدي هديه غاليه وودك تفرشه

ههههههههه صراحه تعجبني ردودك فيها جـديه بخفة دم .. المهم اني أأيدك بس مهوب واجد

رضآعه مادري وش اسوي بها اذكر اني تمنيت ان عندي وريع عشان انشبها بفمه << لعد تمنى تكفى

بعذرك والله اجل رضعه ولا بعد هديه

يالله المستعان + يالله المستعان

ههههههههه

آخر هديه موعود فيها مير للحين ماوصلت ..

توصل بالسلامه

وآخر هديه اهديتها حبي للناس << تصريفات الطفارى

لا ماعليك كلامك جد والله

يعطيك العافيه ام سعد على الموضوع الخونفشآري ..

الله يعافيك ويسلمك ياخيي

والله ان مالي نفس اعلق عليه ومتغلق المشكله لي 11 ساعه و خمسين دقيقه معطل وماحسيت بطعم العطله =(

يؤيؤ كنك متحسف على الرد

والله يوفقك بالنتيجه الي تروح الغلقه ان شاءالله

شاكره لك حضورك ..

عــروبه ..


ياهلااااا والله وغلا يالله حيها ..

هههههه والله قريب (((مضحكه))

عادي اكتبيها بالموقف الطريف

فيه هدايا صارت واجب يعني هو ماعطيتي فلانه يوم طلعت من النفاس
ولا يوم تزوجت....إلخ

ايه هذي الي مالها قيمه معنويه يعني مجامله فقط ..

من فتره عطر

اهديتها والله قبل كم شهر شريت لبنوته اختي خرابيط

مشاءلله ..


تسلمين ياعروبه وشاكره لك حضورك الي يبدو انه سريع

ســالينت ..




حياك الله ...

- أغلــى هديه (معنوياً) وصلتك واقربها لقلبك..؟؟

مآفيه بس فيه هديه بشۉفهآ آن شآء آلله يآآآرررب آحلى هديه بحيآتي بتگۉن

- أغـــلى هديه بثمنها ؟؟
هي آغلى هديه بتجيني

؟؟؟ مافهمت بس شكلك مجاوبه بالسؤال نفسه

آخر هديه من عمري سآعـه خقق

الله يهينك فيهم يارب ..



شاكره لك حضورك ..

اممم بصرااحه انا من النوع الي انحررج اذا جتني هدييه سواء من شخص يممووون او ماايموون



- أغلــى هديه (معنوياً) وصلتك واقربها لقلبك..؟؟


طقم ذهب

- أغـــلى هديه بثمنها ؟؟


والله مدري يعني تجيني هدايا بس مدري بكم

- ماقيمة الهديه لك ؟؟ تهمك ام تعتبرها مجامله..؟؟ او حسب قيمتها الماديه..؟؟


والله الهديه ي حلووو يعني حلوو تهدين بس انا مااكد اهديت الا بمناسبه
- اطرف هديه وصلتك ..؟؟ يعني لها موقف طريف..

والله ممدري مااففيه ويمكن فييه واني ناسيه

- هـل كانت الهديه سبب في تصالحك مع شخص غالي تزاعلت معه ..؟؟

لالالا طبعاااا ماعمرررهااا صاارت الحمدلله


- اخر هديه وصلتك... واخر هديه اهديتها ..؟؟


وصلتني جوال من امي ... حلاو باتشي يوم ميلااد صديقتي


عاافاااتس الله على هالموضووع فري نااايس

صـــوت المطر ..

حياك الله غاليتي ..

اممم بصرااحه انا من النوع الي انحررج اذا جتني هدييه سواء من شخص يممووون او ماايموون

اكيد ننحرج بسن ننبسط بعد >>عزالله

طقم ذهب

مشاءالله ..

والله الهديه ي حلووو يعني حلوو تهدين بس انا مااكد اهديت الا بمناسبه

جــربي تهدين بدون مناسبه حتى لو شي بسيط صدقيني بيكون لها قيمه عند المهدى له ويفرح فيها اكثر من هديه بمناسبه ..

وصلتني جوال من امي ... حلاو باتشي يوم ميلااد صديقتي

حلو مشاءالله ..

عاافاااتس الله على هالموضووع فري نااايس

الله يعافيك ..

تسلمين على مرورك الروعه .. وعلى فكـره اعجبتني الجمله الي بتوقيعك ..

بس حسيتها طنزه ..

لا واللـه وش طنـزتـه .. بس أبادك نفس الشعور = ) ’’

وبالمناسبه ذا الفيس اذا حطيتيه بأي جمله مهما كانت جاده احسها استهبال او تطننز >>لاتزعلين بس كذا انطباعي عنه
يعني تكفين لاتحاولين تكثرين منه عشان مشاعر الاعضاء الي مثلي >>عندها انطباعات مدري وش تبي

واللـه ذا الفيس غالي عندي .. أحبـه مدري ليـه أحسـه بريء .. وقلبه أبيض > يمديك عـ الإحساس ,,

وبالعكس ما أحسـه إذا انحط بأي جمله يعني استهبال .. لا واللـه .. بس هو كذا مستحي

ومبسوط بنفس الوقت عشان كذا احبـه .. وإلا واللـه موب طنزه ولا هـم يحزنون ,,

عاد لااازم تغيرين إنطباعك عنه .. لأني مستحيل أتركه ,,

..

الهديه شي يجمع بين الناس ومهما كان غلا الواحد لا عطاك هديه يزيد زود ويحببك فيه آكثر

- أغلــى هديه (معنوياً) وصلتك واقربها لقلبك..؟؟

اني عايش وبخير وصحه وسلآمه آغلى هبه من الله الحمدلله

- أغـــلى هديه بثمنها ؟؟

سياره

- ماقيمة الهديه لك ؟؟ تهمك ام تعتبرها مجامله..؟؟ او حسب قيمتها الماديه..؟؟

قيمة الهديه من قيمة راعيها وتهمني أكيد لو كانت منديل فاضي

- اطرف هديه وصلتك ..؟؟ يعني لها موقف طريف..

ست طعش حمضيات وسنكرسين و واحد آوريو !

- هـل كانت الهديه سبب في تصالحك مع شخص غالي تزاعلت معه ..؟؟

لآ أبداً

- اخر هديه وصلتك... واخر هديه اهديتها ..؟؟

آخر هديه جتني خاتم من خالي
آخر هديه أهديتها والله اني مدري منيب اذكر

شكراً لك يآ أم سعد على الموضوع

أغلــى هديه (معنوياً) وصلتك واقربها لقلبك..؟؟


حضور ابوي وجدي لحفل تخرجي يوم يركب نجمتي على كتفي من الدوادمي للجبيل جايين والعشاء الي اقيم بمناسبته

- أغـــلى هديه بثمنها ؟؟

سفره على حساب الحكومه برا والثمن فوق الوصف

- ماقيمة الهديه لك ؟؟ تهمك ام تعتبرها مجامله..؟؟ او حسب قيمتها الماديه..؟؟

قيمتها عااالية للغالية وتهمني كثير لانها تعتبر رمز ذكرى ووصال بين الشخصين ورمز للتقدير والحب

ولاتهمني ابد ان كانت مادية فابعض الاحيان يكون الحضور المعنوي اقوى ويغلب على الطابع المادي

- اطرف هديه وصلتك ..؟؟ يعني لها موقف طريف..

من احمد الحمقي في مطار الملك خالد قبل لا اسافر لامريكا

مهديني سي دي البوم ( حبي لمملكتي ) هههههههههههههه

- هـل كانت الهديه سبب في تصالحك مع شخص غالي تزاعلت معه ..؟؟

لا بالعكس بل تبين معزتي لدى الشخص وربط الوصل بيني وبينه

- اخر هديه وصلتك... واخر هديه اهديتها ..؟؟

عشاء اول ماطبيت الرياض

اخر شي اهديته

نظاره قوتشي للوالد من امريكا

- أغلــى هديه (معنوياً) وصلتك واقربها لقلبك..؟؟

ورقه من الوالد
لم يهمني بها إلا الفرح بمدى ثقته و رضاه عني ،،

- أغـــلى هديه بثمنها ؟؟

كانت أيضاً من الوالد

- ماقيمة الهديه لك ؟؟ تهمك ام تعتبرها مجامله..؟؟ او حسب قيمتها الماديه..؟؟

تارة تكون الكلمات أغلى و أصدق الهدايا
وتارة أخرى تكون الثمائن لا تهم ،، إلى حد الإهمال بها
الهديه تُقاس بمقياس صدق المُهدي و أكثر قربه للقلب ،،

- اطرف هديه وصلتك ..؟؟ يعني لها موقف طريف

لأول مره أذكرها
كانت الهديه بعض من الكعك قُدم لي من أستاذتي في إحدى الدول ،،
مما جعلني أشعر بالإحراج أمام الأصدقاء و أيضاً لم اتمالك نفسي من الضحك
من طرافه الموقف ،،!

- هـل كانت الهديه سبب في تصالحك مع شخص غالي تزاعلت معه ..؟؟

لا أذكر ،، لكن ربما قد تحصل ،،

- اخر هديه وصلتك... واخر هديه اهديتها ..؟؟
أخر هدية وصلتني : سيـف من واحد من الأصدقاء
أخر هديه أهديتها : لا أذكر والله لعل النسيان قد طغى ،،

شكـراً على الطرح المميز
الذي جعلنا نذك أصحاب القلوب الطاهره و إهدائتهم ،،