العودة   مـنتديات بلدة الشعراء > منتديات الثقافه والأدب والشعر > قصــائد منقوله

قصــائد منقوله لشعراء ليسوا أعضاء في المنتدى

« آخر المشاركات »
         :: جدار الشعراء الابيض (آخر رد :عبدالله بن سيف)       :: كورونا كل سنة مرة (آخر رد :محمد بن عبدالله)       :: اهلا من زمان عنكم (آخر رد :محمد بن عبدالله)       :: الي مفتقد عضو يجي يسأل عنه هنا (آخر رد :محمد بن عبدالله)       :: الله يالايام (آخر رد :محمد بن عبدالله)       :: بعد ما يقارب 15 سنه (آخر رد :محمد بن عبدالله)       :: فايروس كورونا (آخر رد :عصيفير)       :: مواقع بكل اللغات يسرد سيره الرسول صلى الله عليه وسلم ، ويوضح الاسلام (آخر رد :abouali)       :: مخطط سكني معتمد للبيع بالكامل في الشعراء (آخر رد :بوابة الجنوبى)       :: هامة المجد (آخر رد :أقرب الناس)      

إضافة رد
 
أدوات الموضوع
قديم 23/07/2009, 05:10 AM   #16
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي
ماعلينا


الخميس اللي يجي يم مطرب رايحين = ان عزم والا نجيله ولوهو مادرى
والله انا ما نقصر بحق الطيبين = ما علينا من ردي المعرفه لو زرى
اشهد انا ما نلومه بحب المجنبين = ما يلومه واحدِ قد جرى له ما جرى
قد خذوا حسبت ليال وهم عنده قطين = و المعرفه بينهم عقب ماهم بقصرى
ياوجوده وجد من سهمته جر الونين = انقلب به موتره عقب دحدر مع كرى






التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
قديم 23/07/2009, 05:37 AM   #17
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي
الرفقه الاوله

هذه القصيده للشاعر / عبد الرحمن بن رويضان مسندها على صحيبه الشاعر/ سعد بن جريس


وقصتها :



ان ابن جريس كان يزور واحد من عياله منوم في مستشفى الدوادمي وخرج ليحضر له بعض الاغراض من البيت... و عند باب المستشفى وجد احد اصحابه فسأله ... وشلون صحة صاحبك يابو عبد الله ؟؟

قال بن جريس من تقصد من اصحابي ؟؟ قال اقصد بن رويضان ..... قال بن جريس : كان بن رويضان منوم فلا اعلم عنه .... انا جيت من عند ولدي ورايح للبيت اجيب له بعض الاغراض

وان شاء الله وانا راجع ابزور بن رويضان .... راح الرجال اللي واجه بن جريس عند الباب وزار بن رويضان وقال له اني لقيت بن جريس وعلمته بوجودك في المستشفى وهو الان طالع يجيب اغراض لولده المنوم ايضا في المستشفى ويبي يزورك اذا رجع ان شا الله ... ولكن اذا جاك بن جريس بارك له على شرائه (( للبقر )) وكان بن جريس لم يشتري البقر شراء انما خالص بها مخلاص عن ثمن دين قديم على صاحب البقر والعوض ولا القطيعه ....


الا ان بن جريس عندما وصل البيت ووقف عند الباب في نفس اللحظه اتاه ضيوف وقلطهم وقهواهم وغداهم وذهب معهم حتى قضى لهم حاجتهم التي اتوا من اجلها

وبن رويضان ينتظر صاحبه حتى اتى اليوم التالي وخرج من المستشفى ولم ياتي بن جريس لزيارته

فقال هذه الابيات :



يابو عبيد ماعقب العرف تجنيبي = و الرفقه الاوله ماهيب منسيه
دايم على الجمس تبري كنك الذيبي = تاصل عنيزه وترجع للبجاديه
ماقلت امر الرفيق اللي يهلي بي = جنبت عنا ولا لك يمنا نية
انا منول مسامح قبل تدريبي = وكان انت ناسي ترى زلتك مرفيه
وان زرتني يارفيقي حق ومصيبي = وان كان ماجيت فالرفقه سموحيه
وقالو لي انك شريت ام اللغابيبي = واحذرك عنها ولو صارت هولنديه
اشتر بنات الفحل من شمخ النيبي = من بطنة الدوسري والا شماليه
يازين ممشاك مع حرش العراقيبي = من الهييشه الى وادي الرشاويه
من درهن تكسب الناموس و الطيبي = ان جا مسايير والا جاك طرقيه
البل زينه ولا فيها عذاريبي = عند المشاكيل واهل الطيب ماليه
والعوف دايم تربض بالمغاريبي = من المحطه الى حوش البلديه
لاني بشامت ولا احب الزواريبي = نصيحتن ياسعد مني الهيه



ام اللغابيبي : البقره

شمخ النيبي : الابل

حرش العراقيبي : الابل

العوف : البقر


.






التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
قديم 23/07/2009, 05:47 AM   #18
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي
ما ابور بصحيبي

عندما وصلت قصيدة بن رويضان لابن جريس اراد ان يوضح له سبب تخلفه عن زيارته وكما اراد ايضا ان يشرح له ظروف مشتراه للبقر فقال هذه الابيات :




يابو محمد كلامك صدق و مصيبي = و الصدق ماتنقضه هذي ولا ذيه
زليت مره وزانت لك مضاريبي = من عرف ذنبه له الزلات معفيه
وانا على صحبتي مابور بصحيبي = ما طاوع اهل النمامه والنقيليه
ولانيب اطاوع مشذبت العراقيبي = عندي حكوبك وعندك هرجهم فيه
ولاني مجنب ولالي عنك تجنيبي = لا شك حصلت عند البيت طرقيه
يبغون لين الجناب من المعازيبي = مع دلةِ من خيار الهيل ممليه
وليا قضوا كملوها بازرق الطيبي = وتلافتوا ويش باقي عقب هاذيه
قلطت كوماً تجمل بالاجانيبي = خيار ماشفت بيدين الشريطيه
المرجله دربها مفهوم وصعيبي = وتبنا على ساس ماهي ورث جديه
وقلبي مع الشقح زاهية الدباديبي = تزها الغرابه وتزها زين قوقيه
ما اداني العوف مير الحظ يرمي بي = رمابي الحظ لين العوف جت ليه
ترى المحابيل قبلي صادت الذيبي = شدت ايدينه وهي بالخد مخفيه
والبيع و المشترى مابه عذاريبي = قدامي الناس باعو بالرشيديه
ونجرب الحظ بالبيعات تجريبي = اظني القى لحظي شف ونحيه
مغير ابطه بلدنات المشاعيبي = وليا ضربته برك ماعاد له نيه
وشلهبت ذيله ولا سرت شلاهيبي = وقام يتمرغ وباد الحظ بايديه
واللي كتبلي يجي غصب بلا طيبي = واحكام ربي على المخلوق مرضيه
وانا على عادتي في ماقف الطيبي = بان على جبر ضلع ومركن على الطيه
ولانيب اطاوع مكثرة الزواريبي = اللي تفرق كثير الحي من حيه



الرشيديه : انثى الحمار ( تكرمون )

.






التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
قديم 23/07/2009, 06:07 AM   #19
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي

قصيده لابن خويتم موجهه لابن جريس ينتقد فيها مدحه للابل المغاتير ويلومه على سب المجاهيم :




ابن جريس اخطا بحق الخواوير = مجد مغاتيره وزاد افتخاره
جرد الرقاب مبعدات المصادير = اللي خذت في كل دور الاماره
ماهيب بغثِ بين صياح و مغير = من طبع راعيها يعاجي حواره
صيدِ مع العبله مقافِ مناحير = قنايها ماحصل الا الخساره




الخواوير : الابل المجاهيم


.






التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
قديم 23/07/2009, 06:15 AM   #20
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي
رد ابن جريس على ابن خويتم


يابن خويتم قلت قولن بتفسير = محكمه بالمعرفه و الشطاره
تلومنا في حب وضحِ مساطير = نحبها ولا نحب التجاره
نبيه اليا جا في ليالي المحادير = ليا حضبوا والجو وقف اعصاره
نقهر لها المقهور بالمنزل عصير = والكيف يحمس و الشحم له كتاره
تناشدوا هو وين راع الخواوير = احدِ يصوت له واحد شب ناره
نعم بملحاكم لياجت على البير = ونعمِ بها في كبر جرم و سماره
ونعمِ بها وان جات عند الجزازير = ونعمِ اليامن راعي الحمل داره
ونعمِ بها لولا الخرط بالمواخير = يطلع من السمه تقل فرخ فاره
الوضح سلعة ناطحين الطوابير = وانشد عن ابن حميد واخذو اخباره
يوم الرحى ومعسكرات المسامير = حشرت بجوِ غاديِ له كراره
خمسين لحيه ما قبرهم قبابير = من سيف ابن هندي بقو بالمعاره
من دون وضحِ كنهن النواوير = والشرف خلاها وهو في خياره
وامير ماعنده بنات و مغاتير = تراه ماتطلق عليه الاماره
ودك يسفر من ورى الهند تسفير = واليا تعدى الهند جعله وداره






التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
قديم 23/07/2009, 10:59 AM   #21
مشرف سابق
 
الصورة الرمزية قناص الأزرق

اقتباس:
المرجله دربهـا مفهـوم وصعيبـي
وتبنا على ساس ماهي ورث جديـه
تسلم يمينك على المجهود ..
ماقصرت ..
وياليت لو عندك قصايد صوتيه ياليت نسمعها






التوقيع:
,,


BRB




..~
  رد مع اقتباس
قديم 23/07/2009, 05:36 PM   #22
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي


اقتباس:
تسلم يمينك على المجهود ..
اقتباس:
ماقصرت ..
وياليت لو عندك قصايد صوتيه ياليت نسمعها



ومن قال يسلم


والله بالنسبه للقصايد الصوتيه ماعندي منها شي


ويذكرونها في محل ( ديوان الشعراء ) اللي في الدوادمي عند دوار الشعراء


ويذكرون ايضا انها بصوت الشاعر ابو سطام اليحيى ( بن مريح ) ولا ادري عن صحة هالكلام لان كله بالذكر


.
.

شاكر لك مرورك وردك







التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
قديم 23/07/2009, 05:49 PM   #23
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي
المجاهيم و المغاتير

كان بن جريس رحمه الله ... ضيف عند رفيقه خالد الحداي

وبعد العشاء جيئ بالحليب وقال الحداي : انت يابن جريس مالله كاتب لك غبوق الليله .. نياقنا مجاهيم وانت يقولون انك محرم حليب المجم ......


فاخذ ابو عبد الله الغضاره بجانبه ومدها لخالد الحداي وقال :


در المجاهيم ماينعاف = امل الغضاره وعطنيها




قال الحداي :


اشرب لبن ميل الاشعاف = يوم انت عفرك مخليها
ترى المجاهيم للاشراف = واليوم عادت لماضيها
السود للمرقب الشواف = و السيف حام بتاليها
والعفر نكتب عليها كاف = اكفان موتاك محييها


وكان غالبية الموجودين اصحاب ابل مجاهيم فصفقوا للحداي بعد هذه القصيده


وقالو هذه القصيده لن يستطيع ابن جريس ان ينقضها ... فقال بن جريس : والله ماقوم من مركاي الا ناقضها وانا ابو عبد الله فقال هذه الابيات :



الوضح للحاكم الحواف = والا انت ملحاك مابيها
در المغاتير طب اسعاف = جميع عله يداويها
والعفر فيها طفق واشعاف = عليك ما ابعد مماسيها
والسود للشاوي الزحاف = والا مع الحضر تسنيها
والا مع اللي يشيل احزاف = وحداجته مايوطيها
مدح المجاهيم خلف اخلاف = الباس من مات غاليها
اللي تلفلف قبل بلفاف = محد ماحدن يحاكيها

در المغاتير : الدر هو الحليب

لباس من مات غاليها : يقصد اللون الاسود الذي تلبسه المرأه فترة الحداد على زوجها ويتضح لنا ذلك في البيت الاخير في قوله : محد ماحدن يحاكيها



.






التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
قديم 23/07/2009, 05:58 PM   #24
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي
مساجله بين بن جريس والشاعر عبد الله بن سبيل (( الحفيد ))

صلى بن جريس صلاة الجمعه في مدينة ( نفي ) وبعد الصلاة تفضل عند صديقه الشاعر عبد الله بن سبيل وكان مجلسه مفتوح للزوار في كل وقت


وعندما صب بن سبيل القهوه ومد الفنجال لابن جريس قال له :



عندنا الجمس الخضر ما احسن ركوبه = اشتره منا ولو بناقتيني
ما نبي غير النعامه و الحلوبه = صد عنهن من يسار ومن يميني
او نبي وضحآ محيلةِ نصوبه = مثل بنتِ حيروها الحاجريني


يقول بن جريس : كان المجلس مكتظ بالرجال المعارف والاجناب ولم نكن في حال قصيد الا انني عزمت ان لا اخرج الا وقد رددت عليه وقبل ان يتفرق المجلس قلت :



اسجد لغلطتك ياقايل وتوبه = وان تبينتو ترانا والميني
من يبادلكم كثيرات ذنوبه = مثل من هو خاسرِ دنيا وديني
من شراء خردة قرنبع فاد كوبه = القرمبع سلعة للخاسريني
سايقه يسلم وهو جعله شبوبه = ماتطفيه المطافي ساعتيني
النياق الوضح زينه ومحبوبه = مايجيب الوضح كود الاحمريني
كم صبيِ دونها قد شق ثوبه = وانطرح ميت مع اللي ميتيني
وانفرى جيب العرب ساعة دروبه = ياخذون اسبوع وهم محزنيني


النعامه و الحلوبه : هذه اسماء نياق من ابل بن جريس وكانت من المحببات اليه لذلك ذكرها الشاعر بن سبيل لاستفزاز صديقه بن جريس من باب الدعابه ومن باب الشوق لمعرفة رد بن جريس على الابيات






التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
قديم 23/07/2009, 06:10 PM   #25
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي
عصر الاحد

هذه القصيده للشاعر فهد بن مقحم العضياني العتيبي ... يسندها الى الشاعر سعد بن جريس عندما رحل عنه وكانوا مربعين جميعآ في الربوة شرق الدوادمي ويقول فيها :



عصر الاحد ياسعود ذقت الغرابيل = روح على قلبي همومِ قويه
امسيت عند ربعةِ تذبح الحيل = واصبحت منهم فارغاتِ يديه
ياعين لاتبكين عقب المشاكيل = شديدهم يالعين غصبِ عليه
واكثر عذاب العين يوم اقبل الليل = يوم ارثعوا بالقش هاك العشيه
لا والله اللي يتعبون المعاميل = و الضيف يلقى عندهم شاذليه
سعد عشير اللي عبى الورد و الهيل = وابو محمد شوق جال الثنيه
شديدهم كنه ورى شاطي النيل = لو هو من البطحا الى الخالديه
بالله قولولي متى يظهر سهيل = تسقي الوسوم فياض نجد العذيه
ويسيل وادي الخلس سيلِ على سيل = حتى نربع كلنا بالسويه






التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
قديم 23/07/2009, 06:20 PM   #26
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي
سر يانديبي

بعد ان وصلت قصيدة الشاعر فهد بن مقحم لشاعرنا بن جريس تذكر اصحابه وايام المرباع معهم ورد بهذه الابيات :




سر يانديبي فوق زين التباديل = فرتِ من المصنع عكوسه قويه
يلفي فهد واربوعه اللي مشاكيل = ويعلمه بالبينه والخفيه
قله هلا باللي يكز المراسيل = خمسة عشر ترحيب والفِ وميه
اللي عطانا من كلامه تماثيل = مما عطاء بعطيه حقِ عليه
من عقبكم جاني تعوس و غرابيل = ارادع العبره و تظهر عليه
وجدي عليكم وجد من غطه الليل = بيدين قومِ ولا بهم مرحميه
ووجدي عليكم وجد من ضده الشيل = او وجد ادوميا لقاه ادوميه
آلاد مقحم مردية قرح الخيل = عاداتهم بالدين والجاهليه
تلقى مجالسهم زلول وقناديل = ويضرب عليها الوصف بالناصريه
ويقرون خاطرهم بحسن البهاليل= ويذبحون الحيل بالمعسريه
ياتل قلبي تل قلصِ من الريل = وليا ربطله والفرامل قويه
تقابس النيران حدر المحاحيل = تقول نار مشلهبين الشويه
ولا تامن الدنيا ليا جا بها ميل = حتى على الحكام يدها جريه
ارسلت لك في شف بالي مراسيل = ولا حصل من مطلب النفس شيه
ياشوق عمهوجِ بكفه مناديل = من المدارس ناجحه وبدويه
تصبر على الرمضا وروس الاقاذيل = تمشي على الرجلين للفيصليه
حنا نرحب بالوجيه المقابيل = اما نجي والا تسير عليه
تقصيرها احسن من طوال الدواهيل = وتطويلها ياخوك يشكل عليه
قلته وصلى الله على صفوة الجيل = محمد اللي حطه الله نبيه






التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
قديم 23/07/2009, 06:31 PM   #27
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي
اتبع هوا ذودي

اصيب بن جريس بالحمى المالطيه لدرجة انه كان لايستطيع المشي الا بواسطة العكازات ( المغازل ) ومع ذلك لم تطاوعه نفسه ان يستريح في بيته ليتلقى الرعاية اللازمه وفضل ان يكون مع ابله ليشرف على شؤونها وكثرت الملامه عليه من بعض الناس فبعضهم يقول: ( ورى ماتقلعها وترتاح ) وبعضهم يقول : ( ورى مايصبر لين يطيب ويسوي اللي يبي ) فقال هذه القصيده :



امشي على مغزلي واتبع هوى ذودي = يومن خطو الردي مايشتقي فيها
دايم وهو منسدح نقصِ بلا زودي = وليا هرج قال جعل القوم تقنيها
اتبع هوا فاطري والحال مضهودي = والرجل ماتاصل الرقه مواطيها
وعلي من لحيتي شرهه ومنقودي = ان كان خليتها ما اتبع مماشيها
راعي المغاتير صبارِ على الكودي = ماهيب معزا براس الضلع نرقيها
تبي لها جرهدِ واسع وممدودي = وارضِ كما الشكر حمرآ به مواطيها
وعلي تسنيعها وبداي مجهودي = وارزاقها عند خالقها ومحييها






التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
قديم 23/07/2009, 06:46 PM   #28
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي
قصته عند الكباري

كان سعد بن جريس من ضمن اهل الابل اللذين دخلوا العراق بحثآ عن الربيع قبل الغزو العراقي للكويت ,, وكان في طريقهم الخط السريع الذي يربط بين الرياض و القصيم ,, ولايمكن ان تتخطاه الابل الا عن طريق معابر الجمال ( الكباري ) المخصصه لها وكانت الابل تجفل من هذه الكباري لانها جديده عليها ولا تعبرها بسهوله وفي طريقهم عشو قبل ان يصلو الى الكباري بقليل .


وكانون ينوون ان يعبروها في الصباح الباكر ,, وبينما بن جريس واخوياه جالسين يتقهوون حول شبة النار وكعادة اهل الابل كل واحد يمدح ابله ويقول ابلي هي اللي بتعبر الكبري قبل غيرها


فقال بن جريس ان كان الله اراد ان تشوفون بنات طفحان ( يقصد ابله ) الاولات ... فقال احد الحاظرين انت يابن جريس حضري ماعرفت الابل الا امس وين تبيها تضهر واهل الذيدان معك ؟؟



فاخذ بن جريس عمامته ( شماغه ) وعقاله من على راسه وحذفها في النار وقال : علي الحرام لو ماطلعن نياقي الاولات اني ماسوق منهن الناقه وانهن صدقه لوجه الله



وبعد صلاة الفجر قام بن جريس وصاح لابله والراعي على رحوله ( ركوبته ) وقال له : تقدم الابل وبالفعل عبر الكبري ولم يسبقه احد من اهل الذيدان


فصاح له الحاضرون تشجيعا وقام بعض اهل الابل ياخذون رحول بن جريس يطلعون ابلهم فيها لانها كانت مطواعه وجريئه حتى عبروا جميعا


وبعد ان اجتازوا الكبري وعشو اخر النهار واجتمعو على شبة النار والقهوه كعادتهم .... قال الشخص الذي تحدى بالامس .. يابن جريس والله لو ان ابلك ماطلعن الاولات لاقول فيهن قصيده تخرب سمعتهن لكن هالحين ماللقصيده لزوم


فقال بن جريس انا اللي عندي قصيده لها لزوم اسمعها .... فقال هذه الابيات :



معتبينِ وضحنا عند الكباري = من نشف ريقه لزومِ يطلعنه
يطلعنه في نهار وفي غداري = والموده قدمهن ما يفرقنه
كم صبيِ فيه هقوات و حماري = مادرى عن فعلهن لين اسهجنه
جدعتي لعمامتي خابر وداري = خابرِ مضهارهن مافيه منه
والله انا لا نخاف ولا نداري = ان لقنه درب والا يطمرنه


الموده : هو راعي الابل الذي يصيح لها ويتبعنه والابل تعرف وتميز صوت راعيها عن غيره .






التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
قديم 23/07/2009, 06:52 PM   #29
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي
يلومني واحدِ ماهوب خابرها


كلمة مبارك على قلبي مصورها = منهاج قلبه على قلبي ومنهاجه
البل تبغى لها راعِ يدبرها = يصبر عليها الى جا عسر و حراجه
ويتبع هواها الى ضاقت خواطرها = ويضيق من ضيقها ويعقد حجاجه
يصبر عليها الين الله يدبرها = ولابد من ساعة الضيقات بفراجه
سود المجاهيم ماتنسى برايرها = للجار و الضيف والورعان بهاجه
والوضح عندي مثل صافي جواهرها = يشدن بناتِ على العشاق غناجه
كم شيخ قوم توفي من جرايرها = عليه بيض الصبايا تخلج خلاجه
قدامنا صفةِ نحيي تذاكرها = ماهيب صفة سرابيتِ ودواجه
يلومني واحدِ ماهوب خابرها = عند الكباري بنت لي عز وبلاجه






التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
قديم 23/07/2009, 06:58 PM   #30
*.*.*... (( طير بر )) ...*.*.*
 
الصورة الرمزية الخيل عشقي
 
تاريخ التسجيل: 20/04/2008
رقم العضوية: 6012
الدولة: هوجاس يشرق بي وهوجاس يغرب
المشاركات: 8,373
عدد النقاط: 10

الخيل عشقي تم تعطيل التقييم

الخيل عشقي غير متواجد حاليآ بالمنتدى
آخـر مواضيعي
بنكي نياقي



بنكي نياقي و شيكي من فطايرها = ابيع منها ليا حدتني الحاجه
يوم ان بعض العرب بالبنك مجحرها = سوات موضي على العربان بسراجه
كنه صفيِ لغيِ مايدبرها = ما غير قولت رصيد هروج هراجه
هو مادرى انه لراعي الورث حاصرها = لابد من ساعةِ ياعجل منهاجه
ياليتها في يمين اللي يبعثرها = والرزق عند الولي دربه ومخراجه
يحطها في مغاتيرِ يقهقرها = وبنتِ على مايريد القلب غناجه






التوقيع:
الخيل عشقي ما عشقت الغنادير .. العاديات اللي بها الخــــــير مقرون
.
نوماس وان صفت جموع و طوابير .. ورث الجدود اللي به العقل مفتون
.
احبــها حـــبٍ يفــــــوق التفـــاسير .. مجنونةٍ تـــلــــــــت معاليق مجنون
.
.

تركي بن عبدالله الضويان . ( المسيعد )
  رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديوان الشاعر بندر بن سرور رحمه الله ساري المفعول قصــائد منقوله 9 07/11/2010 11:28 AM
الشاعر والفارس سعد بن حمد بن ضويان رحمه الله أبو خـــــــــالـــد قصــائد منقوله 2 02/08/2010 09:25 PM
ديوان الشاعر ( بدر بن عبدالمحسن ) إحسآس شآعر قصــائد منقوله 42 26/05/2010 05:28 PM
الشاعر الرشيد .... الى رحمه الله كحيلان المنتدى العام 16 01/12/2003 04:44 PM


الساعة الآن 10:21 AM.


Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
2003-2023