|
قصــائد منقوله لشعراء ليسوا أعضاء في المنتدى |
« آخر المشاركات » |
|
أدوات الموضوع |
25/07/2009, 01:22 PM | #61 |
حنت منيفه
حنت منيفه وانا حنيت = تبغى مرابيعها العاده ياكثر ما اقبلت ثم اقفيت = بين المحادير و اسناده يومن خطو الولد بالبيت = همه ملي البطن ورقاده ان قلت حلنا يقول ازريت = حطو لي فراش ووساده الناس باعوا وانا عييت = احبهن حب و زياده |
|
25/07/2009, 01:32 PM | #62 |
الجمل طفحان
مشترن الجيب من بنكي لحالي = بنكي اللي حطه الله في يديه ماشريته دين في نقد الريالي = من ثمن وضحِ فوايلها قويه والجمل طفحان ساس اول و تالي = بالودايع كسبهم بالجاهليه يوم حده بالثمن ماقلت غالي = قلت حاضر دوك خذهن من يديه لا نوينا بالمشاري ما نبالي = مانطيع اللي روابعهم رديه |
|
25/07/2009, 05:32 PM | #63 |
يا بجاد
يا بجاد يا شين بعض النوم = لا عاد ما القلب مرتاحي ذكرتني في ديار القوم = ذكرتني ظبي الابراحي يا صاحبي عند ابن سلوم = وانا ورى الجوف مسراحي يا صويلح اصبر على المقسوم = ما فيه مخلوق مرتاحي قلب المولع يجيه اهموم = يذكر تعاجيب ومزاحي وحنا نهوم المراجل هوم = ولا حن بالقصر طياحي البل تبغى قوي اعزوم = يروح من عرض من راحي ياما وياما مضى من يوم = وانا على الوجه مسراحي متى يجينا خبر واعلوم = والصيف بديارنا طاحي نفرح كما يفرح المفطوم = لاخم ديده عقب صاحي |
|
25/07/2009, 06:34 PM | #64 |
أبداع +قصائد جزله+درر منثورهــ |
|
25/07/2009, 07:41 PM | #65 | |
|
||
28/07/2009, 01:06 PM | #66 |
طار النوم عني
ان ركبت الجمس طار النوم عني = وانشرح صدري عقب ماضاق بالي ما حلا ممشاه والسايق يغني = وان عطاله فنتقِ و الجو خالي حنة القربه و حس القير حني = وقف صوف الراس وازداد الهبالي ننحر اللي بالوصايف يذبحني = كل وحده وصفها وصف الغزالي منهن اللي وان ذكرته قمت اوني = مانطيق الصبر لامنه طرالي فنتقِ : الطريق . |
|
28/07/2009, 01:17 PM | #67 |
لاتبيع الجيب
لا تبيع الجيب خلوه إلـ لزومه = تو جاتك حاجته برد وهبايب لا توحى سوم سوامِ يسومه = اترك الجهال واخذوا راي شايب واركبوا قدام والفرش محزومه = والدلال بشطنته هي و الزهايب دوك برق الوسم طايحتن رسومه = اتبعوبه عشب مقدوم السحايب في هوا وضحِ على الممشى عزومه = تنهب البيدا بممشاها نهايب معهن اللي زاهي خده رقومه = طول عنقه زاهيِ شقر الذوايب جنتي وقرايتي لذة علومه = جنة الدنيا قبل ركز النصايب ترفة الخفرات زينه و محشومه = جنة الفردوس في بيض الترايب الهوا راعيه يبكنه حلومه = في حلام الليل يحضر كل غايب والهوا ماثور ماقطعت سلومه = من على وقت النبي والحب صايب والهوا راعيه ما والله نلومه = جعل من لامه لعطبات الضرايب |
|
28/07/2009, 01:51 PM | #68 |
هوا خاطري
لا ضاق صدري ركبت اللي على كيفي = واعرف ادروب الخلا مانيب غاويها نمشي مع النبت نبت الوسم والصيفي = مع درب وضحِ تلوج لصوت راعيها وضحِ على ندهة الراعي مواليفي = ماهيب ملحِ قبل ضرب العصا فيها العفر طفقات ماتصبر على الحيفي = ماهيب ملحِ دلوه بشبك راعيها يبغن لهن واحدِ من سيف الى سيفي = يتبع هواها ويمشي في مشاهيها والبل عاداتها فرقا المواليفي = ماهوب يقعد مع الخفرات راعيها الا ان حصل صاحبِ زين العجاريفي = عمهوجةِ طيبه من ساس الظفر فيها ماتقبل القصر وحجرة المجاييفي = والحجره اللي يلمون الخزا فيها تحب ممشا العذا وارضِ قراقيفي = ليا طبت الروض ريح الروض يحييها وتوسع الصدر في مبدا المشاريفي = وتبرح نظرها مدام الله معافيها منبوزة الردف ضامرة السراجيفي = ماتاكل الخبز لو حطوه بيديها ماتشرب الا لبن وضحِ مشاعيفي = متيهاتِ ينوس القفر راعيها هذا هوا خاطري فكري و تصنيفي = والناس مانيب بافكاري مقديها الملح : الملح هنا يقصد بها الابل المجاهيم ( سوداء اللون ) الحجره اللي يلمون الخزا فيها : هنا يقصد به ( الحمام - دورة المياه ) تكرمون . |
|
02/08/2009, 06:00 PM | #69 |
شف بالي
انا شف بالي كل وضحا بها دبدوب = ليا روحت يشتاق للمشي راعيها تشادي هنوف يوم تلبس جديد الثوب = اليا عرضت حتى المطوع يراعيها ليا دبرت وليا الردايف تشيل الثوب = وليا قبلت كن القمر ساطعِ فيها حسينة وصايف كامله مابها عذروب = خلقها ولي العرش سبحان مسويها |
|
06/08/2009, 05:38 PM | #70 |
يستاسع الصدر
يستاسع الصدر يوم أقفي عن الديره = شوف المغاتير يبعد هاجسي عني القلب مبسوط من شوفة مغاتيره = مثل الغنادير عند العرس لا جني خطرِ على الراس ينفكن شباشيره = وقفت شعوري وشالت غترتي عني والبل تبغى لها ميزه وتفكيره = ذاكرهن الله بكتبه حين خلقني للبل بالقلب حبِ سايرِ سيره = ملحا وحمرا وصفرآ كنها البني مير المغاتير ساس الحب ونحيره = يالله عساهن على قبري يروجني ومناي معهن حسينة دل وصغيره = عمهوجةِ ضنها وافق على ضني هذا هوا خاطري مالي هوآ غيره = وكلن على مايريد القلب متمني |
|
06/08/2009, 05:42 PM | #71 |
تكاشف مغاتيره
انا شف بالي بنية البيت بالمرباع = بطرق النفود وزامي العشب من دونه تحوفه هنوفِ بنت قرمِ طويل ذراع = كريمِ شجاعِ كل ربعه يحبونه وليا رفعت الربعه و جابوا حطب وولاع = وبن اليمن قاموا على الجمر يصلونه يدقه بنجرِ يقعد النايم الهجاع = يشادي قنيب الذيب ليا جر بلحونه وانا شف بالي سرحت البوش يوم انداع = على اول شعاع الشمس واهله يردونه تكاشف مغاتيره كما الكهرب الولاع = ليا ولعوه وقرروا مايطفونه |
|
06/08/2009, 05:45 PM | #72 |
ليت حظي
ليت حظي كاسبن لي دوسريه = من هل الذيدان ماضين الفعايل من بنات البدو ماهيب حضريه = ماتعرف الا التوادي والشمايل ماتعرف المدرسه و التلمذيه = تتبع الخلفات بفياض المسايل بديت المرقاب مفروضه عليه = واتمسك بالفروض والنفايل يوم اعدي قدمها صبح وعشيه = كن ماعمري عن الدنيا بزايل ذي طراة الروح والدنيا فضيه = والليالي فرقت كل القبايل |
|
06/08/2009, 05:47 PM | #73 |
ابي در وضحآ
أنا ما اشرب الببسي ولا الشربيت = أبي در وضحِ حالبه لي سنافيه وانا شف بالي يوم ترفع عمود البيت = اليا رفعت الربعه على عشب وسميه يحوفه هنوفِ بالحلايا اليا حليت = عليه التهايا من تواصيف ريميه حلاله مغاتيرِ تكاشف سواة الليت = اذا ناشت الاسلاك نسناس غربيه |
|
06/08/2009, 05:50 PM | #74 |
ياوجودي
يا وجودي على اللي تمس البيت = تنهضه كل مانامت اقطابه ماتعرف المربى ولا الشربيت = وان كلت خبزهم ماتهنا به كنها تبلع المر و الحلتيت = عذرها قولتِ ماضرينا به قوتها در وضحآ لها اسم وصيت = لو لقاها المصخن تداوا به در وضحآ رعاها الغلام بخيت = كل قفر من الوسم ترعا به مابعد رششوا مرحها بفليت = ولا بعد طبت الشبك مع بابه |
|
11/08/2009, 09:49 PM | #75 |
اقلع البل عنا
لي فاطرن حنت على حنت الظير = ومن كثر ما والفتهن والفنا والله ما اطاوع بك كثير الاشاوير = واللي يقولون اقلع البل عنا نبيه لياجا في ليال المحادير = واليا انهن في مشيهن يطربنا واليا لقينا خايعن به نواوير = جينا على حد الدماث ونزلنا مزخرفه ربي ويسجع به الطير = وفيه الزبيدي تو ماصلعنا والسيل نقع وفيه عشبِ مكابير = تشبع به الفاطر ولو هي تثنا والتمت البدوان معنا على خير = وقامت تخابط فيه مناومنا ونشوف خدرات العيون السحاحير = اللي بنجل عيونهن يسحرنا نجل العيون تخدر القلب تخدير = وتطرق برمشِ تسلب العقل منا احدن نزل في قصر واحدن زرع بير = واحدن بدكانه رجلينه تثنا واحدن يرفع ربعته للمسايير = ويفرح اليامن الجيوب اقبلنا اليا وقفوا واليا دلاله مباهير = وقولت هلا واهلين من دون منا ومن عقبها تقليط كبشِ على مير = هذي عوايدنا وعادات اهلنا هذا هوا بالي والا لي هوآ غير = وكلن عساه بما يريد يتهنا مير : نوع من انواع الارز قديمآ . |
|
مواقع النشر (المفضلة) |
أدوات الموضوع | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ديوان الشاعر بندر بن سرور رحمه الله | ساري المفعول | قصــائد منقوله | 9 | 07/11/2010 11:28 AM |
الشاعر والفارس سعد بن حمد بن ضويان رحمه الله | أبو خـــــــــالـــد | قصــائد منقوله | 2 | 02/08/2010 09:25 PM |
ديوان الشاعر ( بدر بن عبدالمحسن ) | إحسآس شآعر | قصــائد منقوله | 42 | 26/05/2010 05:28 PM |
الشاعر الرشيد .... الى رحمه الله | كحيلان | المنتدى العام | 16 | 01/12/2003 04:44 PM |