【★】مـكـتـبـة يـامـتـعـب الـروووح " لـلـقـصـائـد الـسـامـريـه "【★】

وعليكم السلام ورحمة الله وبركاته





لاهنت يامتعب الروووح على هالمجهود الطيب



قصائد جميله اغلبها قديم ولقوتها وجزالتها لازالت تفرض نفسها




تسلم وماقصرت متابعين معك يالغالي

يا متعب الروح

الف شكر على هالقصايد

يا مال العافية والله

اعجبتني والله


ما قصرت وبارك الله فيك

واكيد لي عودة

ياناس راعي المحبـه لا تعذلونـه
مهوب عن صاحبه داله ولا سالـي
لو يسهر الليـل كلـه لا تلومونـه
الحب بلوى مانيـب اول ولا تالـي
لي صاحب ما قطعت الياس من دونه
لو غاب عني خياله دوم يبـرا لـي
الصاحب اللي سحر هاروت بعيونـه
ودي بشوفه ولكن مـا تهيّـا لـي
ياهايف الخصر عيني فيك مفتونـه
والبعد ياصاحبي مايرخـص الغالـي
الروح ياصاحبي بحمـاك مرهونـه
عزّي لحالي عقب فرقى هوى بالي
ياكود وصلك عل مثلـي وياهونـه
ان كان حالك طواها اللي طوى حالي
عن غيرك القلب غسلته بصابونـه
والعين ماتلتفـت فـي كـل الازوال
مايجرح القلب كود فراق مضنونـه
ابطيت ماارسلت لي يازين مرسـال
اجر صوت .. جميع الناس يوحونه
غديت مثل المصيح بالخلا الخالـي



الشاعر

أحمد الناصر

مجهود رائع

يامتعب الرووح قصائد رائعه ولا زالت عالقه باذهان الناس

يعطيك الف عافيه وموضوع يستحق التثبيت

المشاركة الأصلية كتبت بواسطة السهران

مجهود رائع

يامتعب الرووح قصائد رائعه ولا زالت عالقه باذهان الناس

يعطيك الف عافيه وموضوع يستحق التثبيت

لاهنت والتثبيت مهوب غريب عليكـ

انتظر تفعال باقي الاعضاء

عشان تكتمل هالمكتبه ,,

المشاركة الأصلية كتبت بواسطة عبدالعزيز الربيع

يا متعب الروح

الف شكر على هالقصايد

يا مال العافية والله

اعجبتني والله


ما قصرت وبارك الله فيك

واكيد لي عودة

الله يعافيكـ ويخليكـ

وانتظر تفاعلكـ

المشاركة الأصلية كتبت بواسطة الخيل عشقي

وعليكم السلام ورحمة الله وبركاته





لاهنت يامتعب الروووح على هالمجهود الطيب



قصائد جميله اغلبها قديم ولقوتها وجزالتها لازالت تفرض نفسها




تسلم وماقصرت متابعين معك يالغالي

الله يسلمكـ ومثل ماقلت هالقصائد

للحين نستمتع بجزالتها,,

وانتظر تفاعلكـ

يا علي صحت بالصوت الرفيع=يا مرة لا تذبين القناع
يا علي عندكم صفرا صنيع=سنها يا علي وقم الرباع
نشتري يا علي كانك تبيع=بالعمر مير ما ظني تباع
شاقني يا علي قمرا و ربيع=يوم انا آمر وكل امري مطاع
يوم اهلنا و اهل مي جميع=نازلين على جال الرفاع
ضحكتي بينهم و انا رضيع=ما سوت بكيتي يوم الوداع
هم بروني و انا عودي رفيع=يا علي مثل ما يبرى اليراع
طوعوني و انا ما كنت اطيع=و غلبوني و انا ظفر شجاع
وجد عيني على ظبي تليع=عندكم كن في خده شماع
شيبتني و انا توي رضيع=جاهل تو في سن الرضاع
سايمن الهوى يا من يبيع=سايمن الهوى لاهل الرفاع
و انت يا لايمن جعلك تضيع=ما تماري بها مثل الشعاع
ودي اسلاه و الكون الفنيع=سلوتي يا علي ما تستطاع
دون مي الظبي وام الوضيع=و الثعالب و تربيع الشراع
و راس ريع دخل في بطن ريع=مستطيل و دخل ووديان وساع

لشاعرها / ابن لعبون

حمام ياللي بقيفان الطرب غنّـا=من فوق حدب الجرايد طوح اصواته
بالله ياذا الحمام ان تنزح عنــــــا=خل الهوى والطرب ماذي بحزاته
ذكرتني ناقش الكفين بالحنـــــــــا=سيد العماهيج خدّه كنه مراته
ياناس انا والغضي وش كاركم منــا=خلوني ابرد غليلي من شفياته
والوي ذراعي على عنقه اليا نمنا=والكف الآخر على مفرق نهيداته
ياناصر أشكي عليك الحال عاونا=بالقيل كود الغضي يرخص بجياته
ياغصن موز على الحيطان يتثنا=ما أحلى مع الريح روحاته وجياته

للشاعر عثمان بن سليمان

قل لي هلا يا نور عيني واحييك=لا تخلي المعنى يذوب ابشفاتك

أشهد برب الكون ما ني بناسيك=يافرحتي برضاك عقب ازعلاتك

احتاج لك ارفق عسى الله يخليك=النفس ما تقدر تواجه اسكاتك

لو كنت نجمة بالسما صرت أراعيك=لو كنت وردة قمت أحاضي نباتك

وين الدلال اللي عرفته امحليك=وين الحنان اللي يجمل صفاتك

هونك على قلبٍ يحبك ويغليك=لا تُودِع الفرحة اتودع حياتك

الشاعر سعد بن عبد الله الخريجي

الا يا عين هلي....دموعك يا شقيه=على عصر مضى لي....الا يا عين هلي
انا المغبون انا الي..عمايه من يديه=الا وا عزاتالي...انا المغبون انا اللي
متى علمي بخلي..شهر عيد الضحيه=الا وا همالالي..متى علمي بخلي
الى صفيت اصلي....طرى خلي عليه=يهوجس فيه بالي...الى صفيت اصلي
و هو عزي و ذلي...و لا لي مقدريه=و لا يعلم بحالي...و هوعزي و ذلي
و لاني مسفهل...عقب صافي الثنيه=ال وا طي حالي...و لاني مسفهل
بغيت و لا حصل لي..مواصلة خفيه=وصل غالي لغالي...بغيت و لا حصل لي
ذبحني بالتغلي...له عزوم قويه=يقول الوصل تالي...ذبحني بالتغلي
ليالي قد مضن لي..سنين الجاهليه=ابي هاك اليالي...ليالي قد مضن لي

للشاعر احمد الناصر

يا حمامٍ على الغابه ينوحِ =ساجِعٍ بالطرب لا وا هنيّه
قلت: حيّهْ! ولا كنّه بْيوحي= مَرْ عَجْلٍ ولا سلّم عليّه
وا عسى السيل دايم ما يروحِ= ما يْفارقْ جْفار الصالحيه
يا شريفهْ متى وِدّك نروح= يَمّ ديرةْ هَلِك يا العسوجيّه
قالت: اصبرْ يطيبنْ الِجروح= شهَرْ وعَشْرْ وْدنّوا لي مطيّه
كنْ في ضامري قِدْرٍ يفوحِ= أو غْروبٍ تُوَامى في ركيّه
روح روحي بغت روحي تروحي= يوم قيل الغضيْ فيه جْدريّه
جيت أبَشرب وإلى مِسْكٍ يفوح= غاسْلٍ فيه وضّاح الثنيّه
جِعْل زمْلٍ يبي خلّي يروحِ= ينكسر في شعيب الصالحيّه

الشاعر إبراهيم الكنعاني

عديت في مرقب غنى بركنه حمام=و اثر الحمامة تهيض القلب بلحونها
سلام يا اللي تبون مني سلام=واثني التحية على اللي يستحقونها
من لامني في الهوى و مرودعات الوشام=جعل النصايب على قبره يرزونها
ابو نهيد صغير مثل بيض الحمام=مثل الفناجيل بالدير يعدونها
يا رجف قلبي عليها ارجاف طي المقام=او ارجاف خيل على الحاكم يعنونها
يا بري حالي عليها بري عود الثمام=وقع عليه الجراد و طار بغصونها
و يا ونتي ونة اللي دش بحر الظلام=يبغي المراكب و حال الموج من دونها
يا زين ما ترخص الحبة و ترخي اللثام=حيث انها لا تبين و لا يقصونها
حب اريش العين وقع في ضميري وحام=و الحب الآخر على كبدي و من دونها
يا داخل السوق ما عينت ظبي العدام=ما رييته في البلد ما شفت انا لونها
ابو جديل تهلهل مثل ريش النعام=ياصل ردوفه الى دلو يعملونها
ياصلك مني يا صاحبي ردود السلام=ياصلك مع ذا الهبوب اللي جرى عونها

للشاعر حمد الرمضان من اهالي بلدة الشعراء

يامتعب الروح ماقصرت قصايد جميله


وانا بشارك بهل قصيده

ياجر قلبـي جـر لـدن الغصونـي
وغصون سدر جرها السيل جرا
وأهله من أول بالـورق يورقونـي
على غدير تحتـه المـا يقـرا
على الـذي مشيـه تخـط بهونـي
والعصر من بين الفريقين مرا
لا والله اللي بالهـوى هوجرونـي
هجر بها الحيلات عيت تسـرا
لامبـعـد عنـهـم ولاقربـونـي
ولاعايف منهم ولانـي مـورا
وأكثر عذاب القلب يـوم سنحونـي
بيح بصبري لو بغيـت اتـدرا
لاضاق صدري قمت اباري الضعوني
كني غريب بالدلوهـة مضـرا
وقلبي عليه اشفق وتبكي عيونـي
والحال من ود الحبيـب تبـرا
ياعزتا لي مـن تفـرق شطونـي
يعزا لي ارمي بالسلب واتعـرا
ان مت فـي خـد بعيـد انقلونـي
على هدي الزمل مشيـه تـدرا
ان مت في دافي حشـاه ادفنونـي
في مستكن الروح ماهوب بـرا
بين النهـود وقـدّ روس القرونـي
عن الهبايـب مستكـن مـذرا
ياليتهـم بالحـب مـا ولعـونـي
كان ابعدوا عني بخير وشـرا
ولا انهـم يـوم انهـم قربـونـي
خلوني اقضي حاجتي واتـدرا
وياليتهم في الـدرب ماواجهونـي
وياليتهم مازادوا الحـر حـرا
وياليتهم عـن حاجتـي سايلونـي
يون اني اقعد عندهم واتحـرا
الخد بـرق فـي علـو المزونـي
تقول براق من الصيـف سـرا
وقفـت عنـده شابحـات عيونـي
كني غريـر باللهاوي مضـرا


للشاعر

دخيل الله بن مرضي الدجيما الروقي

لاتحسب اني داله عنك ساليك = لا والذي تنصاه المخاليق بيته
لاشك حال الياس دون الرجا فيك = ولا لي عن المقسوم لو ما رضيته
ان كان تغليني مثل ما اني اغليك = مجبور تاطا بالهوى ماوطيته
ماشفت دمعه عيني اللي تراعيك = هلت على المكتوب ساعه قريته
وان كان تنساني فلا نيب ناسيك = الله يقطع رجا بك رجيته
وان كان جا مستقبلك مثل ماضيه = اقول ياخلاف سعي سعيته

كلمات الامير الشاعر /

سعود بن محمد