تعااااااااالوا كلكم ياأعضااااااء <<كيف التشووويق ؟ |44|

بسم الله الرحمن الرحيم

السلام عليكم ورحمة الله وبركاته

بالخير ياحلوين .. <<كذبه بيضاء

وش اخباركم جميعا ..؟؟؟

أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

التوقيع:

~

سبحاان الله وبحمده ,, سبحاان الله العظيم

سبحانك اللهم وبحمدك ، أشهد أن لا إله إلا أنت أستغفرك وأتوب إليك

وعليكم السلام ورحمة الله وبركاته



يعطيك العافيه أختي الفاضله $$ زينــــة $$ وبالنسبة للمنتدى فيه ركود ملحوظ



أما بخصوص المواضيع أنا ماني معك في هذا لأن المواضيع دائم جديدة لكن قليل الي يرد عليها



وبعضها نعيدها مره أخرى على شان تلقى الردود



وإن شاء الله بعد موضوعك هذا وإذا أنتهت الأمتحانات يرجع الأعضاء ويرجع نشاطهم مثل أول بإذن الله



شاكر ين لك ومقدرين بحث أسباب قلة تواجد الأعضاء



دمتي بحفظ الرحمن



أخوك إبراهيم اليحيى ( العسكري )

اذا تخرجت ان شاء الله ابشيل المنتدى بيديني

لاكن الحين اعذرووني

طيب وش الحل؟

انا مقصر صراحه ولاكن ارجو العذر منكم والسبب الارتباطات مع الدوام

انا عن نفسي صراحه بين كل فتره وفتره انزل 3 مواضيع ورا بعض وتواجدي تقريبا يومي

ولاحظت فيه نقص غير طبيعي بالفترات الي راحت

وانا ما الوم احد لاني سبق وانقطعت عن المنتدى 4 او 5 سنين والاغلب عارف السبب

واحتمال انقطع بعد شهر ونص لان عندي دوره بالخارج اكثر من سنتين

ولاكن احاول اغطي الفتره الجايه

الخمول بزياده الفتره هذي

مسابقات راكده وكل شي راكد

ولاكن الوضع الحالي مانقدر نحكم على احد لان الناس باديه تحضر للاختبارات من اسبوعين تقريبا

وباقي اسبوعين

عشان كذا مانقدر نحكم على حالة المنتدى بالوقت الحالي

لا وبعد الاختبارات الناس اجازه يعني يالله بعد 3 اسابيع

شي طبيعي راح يكون خامل إلا حد ما

ولاكن موضوعك يجي منه وكويس انه فتح باب للنقاش اتمنى من العموم انه يضع اي اقتراح يجد انه مناسب

واي فكرة او شي جديد من عنده

وفي اعتقادي انسب وقت لتنفيذ كل الاقتراحات هذي انو يكون بعد الاجازه

بحيث ان العوده تكون قويه من الاعضاء

بالختام ارجو من الله ان يبارك بهالمنتدى ويبارك على القائمين عليه

اخت زينه يسلمو على هذا الموضوع

وارجو ان مروري يطلع بنتيجة ايجابية

تقبلي مروري .......... ,

وعليكم السلام ورحمـة اللـه وبركاتـه = ) ’’

..

بالنسبه لي المنتدى فجأه ما صار يفتح معي .. قعد 4 أيام ما يفتح مدري وش علته !

بعدين رجع فتح .. وما كمل أسبوع إلا وهو راجع ما يفتح وعاد هـ المره طول وقعد أسبوعين

ونص ! وبعدين رجع يفتح .. وعلى هـ الحاله ×.× .. يفتح يومين وعشره لا ’’

صح اني موب ذاك الزود في تنشيط بالمنتدى بس ولو ’’

..


هذا اللي عندي = ) "

..


يعطيك العافيـه زينـه على حرصك ♥ ’’

..

وات اس وي دونالمشكله ماعندي مسابقاااااااات قبل اصير كان براسي مليووووووووووووون فكررررره بس من مسكة الاشراف ولاعااااااااااااااااااااد اذكر شئ فالي عنده يعطينا

ياقدمتس يازينه وين طلعتي

والله بالنسبه لي ماعاد اتحمس زي قبل ليه مدري

بس ان شاء الله اني اببدا من يوم اعطل

الله يعطيك العافيه على هالموضوع

والله يكتب اللي فيه الخير

وعليكم السلام ورحمة الله وبركاته


أختِ الفاضلة


زينه


موضوعكِ جاء في وقته وفي مكانه المُناسب


وقبل كُل شي أحب أنوهـ بمجهود شخصين بالمنتدى وهم أم محمد و أبو هتون بصراحة نشاطهم واضح في جميع أقسام المنتدى بدون تحديد ... ولهم مني جزيل الشكر والثناء وأتمنى مِنهم المُتابعة لِشحن هِمم بقية الأعضاء .


بصراحة مشكلة الركود هاذي عامة ودايم تصير خصوصاً ذا الأيام فترة الأختبارات وما قبلُها بأسبوعين فترة مُراجعة .


طبعاً وتفسيرها الوحيد يرجع للتحضير والمُذاكرهـ قبل فترة الأختبارات مروراً بوقت الأختبارات متبوع بإجازة قصيرة وأغلب الأعضاء يقضيها بعيداً عن المنزل يعني مسافر للعمرهـ وإلا مسافر منا وإلا منا .



المهم الله يكون بالعون وننتظر على وعسى ان تجد كلماتكِ ونِداءكِ هذا من يملك الشجاعة ويعترف بالتقصير ولا يتحجج بأعذار واهية ويعود مثل ما سبق .




دمتِ بحفظ الرحمن

وعليكم السلام ورحمة الله وبركاته



والله اول شي ما ادري وش القصة وليه هالركود الي حاصل


يعني الركود ذا يمكن بدا بعد الاجازة الي قبل الي بتجي <<< عاد افهموا


لكن عن نفسي صراحة ما ادري اذا ما شفت حماس ما اتحمس

يعني من شفت ركود وانا معهم راكد


لكن ان شاء الله بعد الاجازة القريبة ذي ترجع الاحوال مثل اول واحسن بعد


ما قصرتي زينة على موضوعك

ابو هتووون

الله يعافيك

أما بخصوص المواضيع أنا ماني معك في هذا لأن المواضيع دائم جديدة لكن قليل الي يرد عليها

مواضيع عن مواضيع تفرق .. ثلاث ارباع المواضيع الجديده -اذا ماكان كلها - منقوله
عشان كذا الواحد ماينجذب لها ولا يقراها ولا يتفاعل معها
بعكس الموضوع اذا كان من اجتهاد العضو نفسه .. وحنا نعرف المواضيع اللي تنشط المنتدى
مسابقات-فعاليات-تصاميم-ومواضيع الطبخ هذي غالبا اللي تلقى تفاعل من الاعضاء
اما بالنسبه للمنقوله من وجهة نظري نااااادر مانلقى موضوع منقول يستحق الرد عليه <<اتكلم عن نفسي


وهذي الامتحانات خلصت والاجازه وخلصت وبانتظار رجعة الأعضاء من جديد

عبد الله

الله يوفقك وتتخرج ومافيه مانع تشارك بالمنتدى حتى وانت تدرس

عموما ماقصرت .. وعقبال ماتتخرج

ولد البواليد

الله يعينك..

ولاكن احاول اغطي الفتره الجايه

الخمول بزياده الفتره هذي

مسابقات راكده وكل شي راكد

شي طبيعي لأن مافيه اعضاااء

ولاكن الوضع الحالي مانقدر نحكم على احد لان الناس باديه تحضر للاختبارات من اسبوعين تقريبا

وباقي اسبوعين

عشان كذا مانقدر نحكم على حالة المنتدى بالوقت الحالي

المشكله من قبل الاختبارات ماعاد نشوف تواجد مثل قبل
مع ان السنه اللي فاتت كان المنتدى غير حتى بوقت الاختبارات كان فيه نشاط واعضاء
يعني معقوله الدراسه لهالدرجه ماخذه كل وقتهم ؟

ولاكن موضوعك يجي منه وكويس انه فتح باب للنقاش اتمنى من العموم انه يضع اي اقتراح يجد انه مناسب

واي فكرة او شي جديد من عنده

وفي اعتقادي انسب وقت لتنفيذ كل الاقتراحات هذي انو يكون بعد الاجازه

بحيث ان العوده تكون قويه من الاعضاء

المنتدى مايحتاج لا افكار ولا لاقتراحات محتاج للاعضاء ومواضيعهم بس
وهذي الدراسه وبدت وان شاءالله تكون العودة قويه مثل ماقلت


ماقصرت ..

سمى

الله يعيينك وش هالحاله :$

حياااك سمووش ماقصرتي ^_^

ملاعب الصيد

ردك يحتاج لاعادة صياغه شكلك مستعجل وانت ترد

مسكة الاشراف

مسكت مهوب مسكة <<الله ينشبتس

والافكار لو مالقينا شي جديد ممكن ناخذ من المنتديات الثانيه وننزلها باسلووبنا

حيااك ياملااعب

السهران

انت اللي ياقدمك <<ماتلاحظ اننا بكل موضوع نقول هالكلام
وحنا باانتظار عودتك ان ماكان بمواضيع يكون بردود ومشاركاات

حيااك يالسهران