اقلط ياسنايدي لاهنت

السلام عيكم ورحمة الله وبركاته



أهلا ً وسهلا ً بك ياسنايدي ويسعدني أن ألعب معك : استلم


يا سلام الله سلاماً من فيافي نجِد بادي **

مرسله للشاعر اللي عرفته مكسب وقيمة **

غالياً وأطيب وأ زكى من زهور ومسك كادي **

صاحب وحقه علينا احترامه والحشيمة ** أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

وعليكم السلام ورحمة الله وبركاته
الشاعر الكبير صخر يسعدني ان تكون معنا في ميدان المحاوره ويشرفني اللعب معك طال عمرك
استلم لاهنت :

والبقا بك يا صخر يا صاحبي ذرب المبادي =والمخايل خيلت من عقبها برق(ن) وديمه
ابتديبه يا صخر بالهرج والعلم المرادي=دربنا يا صاحبي دايم دروبن مستقيمه

أشكرك ياسنايدي على هذا القبول وكرم الدعوة ويشرفني أنا كذالك اللعب معك
أستلم لاهنت :

المخايل سالت ووصلت حواضر مع بوادي ***

سالت وربك ستر ما سال سيله من عزيمة ***

ماحجر للناس شيٍ لافي بر ولا في وادي ***


مير صابت رحمة الله والسليمه هي سليمه***

الله الله الله
صح لسانك
شكلنا نبي نخليها مباشره .... ان كانك فاضي

يا جعل وبل السحابه خير في كل البلادي =رحمةً من خالقك يفرح بها وجه اليتيمه
المزارع تنحصد يا خوك في وقت الحصادي =والثمار اليانعه تقطف عدا الثمر الذميمه

لو ماني فاضي اتفضالك (أهم شي رضاك يا سنايدي)استلم لاهنت

المزارع يجني الزرع ويخشاه من الكسادي ***

مير زكويالاوادم ياهل الروس السليمة **

قبلكم ناساً تكسد ثمرها في عصر عادي ***

ما اقول الاتذاكيير وكل طقة بتعليمة**

متابعين

وخلوا الديمه متواصله الله يديم المحبه بين الجميع

لكما كل التقدير

ابو عبدالرحمن

سعد الحامد:
حياك الله وشرفتنا طال عمرك

استلم :

لازم انك ما تجمع بالبياض وبالسوادي=الخريمه بالمزارع لو تقصا بالخريمه
خلنا يا صاحبي نجلس على ضل وبرادي=لا تذكر يا صخر صا حبك بجروح(ن) قديمه

بيض الله وجيهكم منيا ليوم القيامه ياصخر انت ورفيقك
ولامهونه في الموجودين في الساحه وليتها دايمه السحابه

سعد الحامد , النايد أهلاً وسهلاً بكم وشرفتونا .
استلم ياسنايدي لاهنت :

ماقصدت اذكرك ياصاحبي طعم الزبادي **

لاكن الجو الجميل يهيج أشواقاً عظيمة**

سجّ خيلك واسهجه ياراكباً فوق الجوادي **

والهزيمة ياولد للي رضا درب الهزيمة**