النابغة فارس تميم مطلوب ....

الأخ العزيز فارس ودنا ناخذ معك محراف يالغالي :

النابغة وينه يناديه العبود=يبغاه يسمع منه والا يسمعه
الحق ثابت مير لا ترشي الشهود=ماكل خلق الله يجي به مطمعة

ابو يوسف :
صح لسانك مليوووووووووووووووووون
وانا بصفك يابو يوسف ولا يهون النابغه .....اقصد فارس تميم

وينك يا فارس ترانا ننتظرك باحر من الجمر

ياهلا والله يابو يوسف وفاقدينك يالغالي، وانا مازلت متطفلا على فن المحاورة واللعب معك يسعد امثالي :

استلم لاهنت:

يامرحبا باللي يجي منه صدود=اللي يغاب وظاهرن من مطلعه
الحق واضح وانتبه عنه تحود=خلك على قدك ولاتلعب معه

استاذي علي العجاجي،،

شرفتنا بيض الله وجهك ولو مايجينا الا انك متابع

سنايدي،،

اشوف جايزن لك لقب النابغة ،، وبصفي ولا بصف ابويوسف كلنا واحد،

الأخ سعد العبود،
مرحبا بعودتك يبو يوسف،

أبو عبد العزيز،
حياك وبيض الله وجهك.

أنا بصف فارس
و لا يهون أبو يوسف.

سرررروووها الله يعفو عنا وعنكم بهذا الشهر المبارك.

و يا هلا

ابويوسف يسعد مساك على هالطاروق
ابو عبد العزيز بيض الله وجهك

حمستونا على هالعب (النظيف انشاء الله )

وانا بصف ابو عبد العزيز ولا يهون ابويوسف .

فارس تميم :

ماشاء الله عليك صح لسانك ... نابغة صحيح ... لكن تذكر إنك أمام علم وهرم



سعد العبود :

يا سلااااااااااام .. تسلم على هالطاروق ... وأنا بلا شك ولا ريبه بصفك

سررررررررررررررررررها وازهل الصف يا بعدي

والصراحة الله يعين اللي يلعب معك

لأنك بنك ذهب عملتك غالية

ـ

علي العجاجي :
مرورك يسعد الجميع يالغالي ....
سنايدي :
هلا والله ومسهلااااا بالجزل حياك الله مليون وجود الصف يابعدي وابشر بسعدك ................
العميد :
حياك الله وصفي وصف ابوعبدالعزيز واحد يالغالي اهم شيء وجودك ...
صخر:
انشاء الله ما تجد الا ما يرضيك ووجودك يسعدني بأي صف كنت .......
العـــامري :
هلا يالـــking وجودك يثري على المتصفح رونق خاص اما اذا اجتمع مرورك ووجودك بصفي فهذا ما يسمى بغاية الروعة .....

الفارس بالعكس انت من الشعراء الجيدين ويكفي ان العامري اطلق عليك اسم النابغة وذلك لتميزك يالغالي ....
استلم لاهنت :

والك البقا يا شاعرٍ جاب الجهود=لغزٍ يكود ولاش رجلٍ يرمعه
الفارس الليلة لقى ورث الجدود=سيفه وبلجيكه وجاب مقمعه

ياسلام يا سلااااااااااااااااااااااااااااااام
ابو يوسف صح لسااااااااااااااااااااااااانك مليون
والله انك بنك وعملتك غاليه مثل ما قال العامري

والك البقا يا شاعرٍ جاب الجهود=لغزٍ يكود ولاش رجلٍ يرمعـه
الفارس الليلة لقى ورث الجدود=سيفه وبلجيكه وجـاب مقمعـه

الخال خشم الرعن،،

اكبر فخر لي مسكتك للصف طال عمرك

الغالي صخر،،

ياهلا والله ومرحبا وعساك جايبن المكرفون اللي خبري خبرك

العامري،،

صح بدنك اخوي ووجودك بصفي ولا بصف ابو يوسف كله واحد..

ابو يوسف،،

لك جزيل الشكر،، واستلم لاهنت:

ياعزتي للمستهيل من الردود=اللي يشوف الدايره امربعه
قله ترى مانمزح بغير العمود=وجحدر يدور من يكفكف مدمعه

.

سنايدي يمال العافية والله ومشكور الف مره على قضبة الصف
اللي مثلك يعز الصف يالغالي .....
استلم يابوعبدالعزيز :

جهز مع البلجيك صاروخ السكود=البندقية ذيك حقت معمعه
خلك معي يا مثرين العود زود=ترا الحقايق بالحديد مشمعة

النابغة فارس تميم , والمتنبي سعد العبود :

عافاكم الله على هالمحاورة الكايفة ,, واصلوا وحنا متابعينكم

السمي .. مرحبتين كبار ولاهنت يالذيب ... والله الله بالنابغة عندك إياهـ


النابغة الله الله عليك ... رائع ومتمكن .


واصلوا وأطربونا يا المتابعين لكم .

ابو سفر،،

ياهلا والله وغلا ، بس وينك هالايام؟ ولا الله لايلهينا الا بطاعته

الرئيس ابو محمد،،

وجودك يشرفنا بيض الله وجهك وان كان هناك من رائع فهو انت طال عمرك

ابو يوسف،،

استلم لاهنت....

صاروخي البطرانِ ماعنه تحود=لو ينطلق من فاس دك المجمعة
بعض الرجال تفكر بعقلٍ ركود=وبعض الرجال تدور اللي تتبعه

.

محمد السعيدي :
حياك الله مليون يالجزل وجودك في المتصفح يسعد المتحاورين ومشكور على هالأسم لو انه كايد ...........

سعد :
حياك الله يالريس مشكور على هالمرور ومشكور على ما قدمت وتقدم يالغالي ولا تخاف على النابغة دون روحه ........

النابغة التميمي استلم :

ضحكتني يالنابغة بحت السدود=اثر عليك النايبات مجمعة
اللي يفكر بالعقل لازم يسود=ولا يغير فكره الا الامعه