على عجاله ودي بفارس .............

الشاعر النابغة فارس تميم

مساك الله بالخير الحقيقة
ودي العب معك
ان كنت فاضي وان كانك مشغول لا ترد ابد وتراك معذور ولا تحسب عليك اي نقطة لو ما ترد

استلم "

أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

التوقيع:

ياحي هاك السمار اللي بدا كله
..........ورجومه اللي براسه مثل الأزوالِ


s3dalabood@hotmail.com

اووووه مس الامبراطور بالنور ،، والحقيقة وحتى لو كنت مشغول علمني بس كم عندنا من امبراطور؟؟

استلم لاهنت:

ياسعد واثرك تغار من الخصيم=غيرتك والله تراها عايبة
مايحرّث مذبحه غير الغشيم=دوك ناسك من حراثه تايبة

الإخوة:

سعد العبود:
مرحبا ببو يوسف،

وارفق على أبو عبد العزيز شوي . . .
و ان الله أحياك تعدى درجة النبوغ . . .

فارس تميم:
هلا و الله ببو عبد العزيز،
عليك فيه لكن، خل المحارش،
حنا ودنا نهدي اللعب . . .

عافاكم الله، و انا بصف أبو عبد العزيز
و لا تهون يبو يوسف.

و يا هلا

ابو وليد :
حياك الله في اي صف كنت أهم شيء انك تكون موجود يا طويل العمر وبعدين النابغة معاد ورى هالأسم .............

فارس استلم يا النابغة :

العجب ما خفت من بطش الكريم=قد بطش قبلك بكل السايبة
وجبك تاقف على وضعك حشيم=بس ليت الخبل ينشد شايبه

الخال ابو وليد،،،
ياهلا ومرحبا ونورت الملعبة طال عمرك،،وانا والله ترى ما احارش احد
زي منت شايف لكن اللي يحارش يتحمل،، صح؟ واكبر فخر مسكتك للصف......

ابو يوسف استلم لاهنت:

لاتعجّب ياسعد!! قالوا قديم=التميمي بس ربه هايبه
مايوقفني سوى ربٍ عظيم=وانت تاقف لانزل بك نايبه

.

صح لسان الجميع

مايحرّث مذبحه غير الغشيـم
...............دوك ناسك من حراثه تايبـة



صفك صفي يابوعبدالعزيز واعيد واكرر

عز الله ان ابوك جاب ذيب

أبو يوسف أسعد الله أوقات بالخير

سُعداء بهذهـ المحاورة ولتواجدك الأكثر من رائع ... أرقد عن الصف ولا يهون النابغة وصفه .


أبو عبد العزيز جعلك علي القوهـ ويا سلام الله عليك قُبل حاضر وجاهز .

الله الله سروهــا متابعين ومستمتعين

الله الله
صح لسانكم يالشعار
الامبراطور: ارقد عن الصف يا سنايدي ولا يهون النابغه

الأسد زجران،،،
بيض الله وجهك واكبر فخر للصف مسكتك للصف واكبر فخر للملعبة وقفتك فيها


الغالي رئيس المنتدى،،،
بيض الله وجهك على تواجدك المثري وصفنا واحد انا وابو ابراهيم الله لايخلينا منه

سنايدي،،،
لاهنت يالغالي ونورت الميدان طال عمرك بس ترانا ننتظرك على طاروق يالغالي..

الامبراطور سعد العبود،،
عسا المانع خير ان شالله



.

زجران :
صح بدنك ومشكور على المرور .......
رئيس المنتدى :
شكرا لك على هذا المرور العذب دائماً تتزعم على عرش الأدب والأسلوب الراقي ...........
سنايدي :
والا وش النية بعد مهوجسٍ تقضب صف ابوعبدالعزيز ....
حياك الله ومشكور على قضبة الصف يالنشمي ............
فارس تميم استلم والى جا عندي نت بالعمل أبشر من يرد عليك من يوم تكتب بيتك :

لوثبت فوق السراط المستقيم=ما يقارن حاضره مع غايبه
بالخطر طبيت ما جا فالسليم=بس أخاف يزيد حزن الصايبه

هلا والله بالامبراطور ،، واستلم لاهنت:

مابغيت اقسى ونا قلبي رحيم=وان ضربت الورع نادى يايبه
الخطر منا ترى ناره جحيم=ثلجتك باكر تراها ذايبه

صار مايفهم واحسب انه فهيم=كل يومٍ زايده مصايبه
طول والا عرض والا مستقيم=لاعطيته علم روح سايبه

ابو يوسف استلم لاهنت،،،

عين طبعه مايناظر به حكيم=تمشي اعمى والسواري طايبه
نبخص الظاهر وماتحت البريم=وكل ركبٍ خابرين ركايبه

انت ياجودك بقصة سين جيم =بس بالمعنى نجومك غايبه
ما تفيدك خيزرانه جبت سيم=المعاني مع سواتك شايبه

ابو يوسف ،، استلم لاهنت وشكرا لك على هذه الدعوة وشكرا خاص لكل من تابعنا ،،،

شوفك اللي قاصرٍ والله عليم=والّلّبينه ياعميلي رايبه
غرّك الماخوذ وتفسيره سقيم=والسواري جبتها متنايبه