بعير نت اقلط الله لايهينك

بعير نت

يشرفني ياطويل العمر انك تشاركني بهذا الطاروق اذا وقتك يسمح لك

يامرحبا بالجمل زومان حمال الثقايل= فالحله اللي عساها عامره طول الليالي
لك مدت(ن)غايب(ن) مدري جنوب او صوب حايل= قلي وش اللي لقيته فالجنوب وفالشمالي

أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

التوقيع:

هلا وغلا ابو ابراهيم ولنا الشرف طال عمر ك والمشغول يفضى لك ياالغالي,,,,,,,,

	وبك البقا يارفيق(ن) عندي يسوى له قبايل=من ديرة(ن) نفرح ان جا ها المطر والضلع سالي ماغبت لكن شفت من الدهر بعض الهوايل=اساير الوقت ادور مكسبي لو راسِ مالي

بعير نت

الله يبيض وجهك وهذا شرف لي طال عمرك

استلم لاهنت

ابشرك ضلعنا يابعير صبح اليوم سايل=والخير مقبل وكله من فضل رب الجلالي
يبي يجينا الربيع وتخضر رياض(ن)محايل=واذا اجتمعنا تراه بيعتدل كل الميالي

بيض الله وجهك ياعلي,,,,,,,,,




استلم لاعدمتك/

	الله يبشرك بالجنة عسى وبل المخايل=يسقي شمال البلد ومن الجنوب الربع خالي وسط الرياض المزاج يروق ونجيب الجزايل=والى التقينا يطيب الكيف الا واهملالي

يالله حي الشعار:
بيض الله وجيهكم.

زانت علومك يبو ابراهيم و الله يجيب الخير.
بعير نت،
مرحبا بك ، وش قصة جنوب البلد؟

الصفوف عامرة، سررروها

و يا هلا بكم

علي العجاجي

و

بعير نت

الله الله يا سلام سلم عليكم

سروووها وأزهلو قضبة الصفوف .

الخال ابو ابراهيم والشاعر القدير بعير نت :

بداية رائعة , وفأل طيب , واصلوا لاعدمناكم

الصييفي
السعيدي
سعد

شرفتونا في مروركم اعتذر عن التاخير لان الظروف كانت غيرمناسبه في الايام الماضيه

بعير نت

اعتذر عن التاخير

اذا اجتمعنا ياراعي العاصمة فالحظ طايل=وانا لاجل عرفك وشرواك ابرخص كل غالي
هات الذي في ضميرك يختلج والشك زايل=والحر انا خابره ماياقع الا كل عالي

الصييفي...حياك الله يالغالي ,,,,وجنوب البلد قصته في بطن الشاعر,,,


سعد...بيض الله وجهك يالغالي,,

محمد السعيدي,,تسلم على متابعتك لاهنت.


حياك الله ياعلي وانا مقدر هذا,,


استلم لاهنت/

	مانيب بالعاصمه ياللي تعدل كل مايل=مثلك بعد صاحبك وده بشوف اهل المعالي ودي ابيح لك المكنون في وسط الرسايل=لكنّ ماكل مابالقلب للناس ينقالي

الشاعر بعيرنت
نت حياك الله واعتذر عن التاخير لبعض الظروف

لاتشره اليوم يازومان ياماض الفعايل=الوقت ضيع دليلي وانت تبخص بالحوالي
جود سلاحك ولايهتز نيشان الفتايل=والبني لامال ساسه باقي البنيان مالي

عاشو

لاتشره اليوم يازومان ياماض الفعايل=الوقت ضيع دليلي وانت تبخص بالحوالي
جود سلاحك ولايهتز نيشان الفتايل=والبني لامال ساسه باقي البنيان مالي

جبت الي بقلبي ياعلي.


أعرف بعاريننا تاكل ثمام وترتوي جم الثمايل = وشع علمها اليوم ما تاكل سوى روس الرجالي

سرروها

شكرا لكم