اقرب يالصييفي نعايدك

السلام عليكم ورحمة الله وبركاته

وعيدكم مبار جميعا ان شاء الله

اخوي الصييفي تفضل واستلم لاهنت بعد العييد :

سلام ٍ احلى من حليب البكره اللي في الربيع = اللي تخلي الاكل منه اعياف والساري سرى
للصاحب اللي صحبته نفخر بها بين الجميع = انا اشهد أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

عليكم السلام، يا عبود، و رحمة الله وبركاته،
و كل عام و انت والجميع بألف خير،
الساعة المباركة،
و استلم لا هنت:

يا مرحبا يا عبود بعد العيد من بال(ن) وسيع= اعداد ما حج الحجيج و طاف، و الساري سرى
سمعت في دعوتك لي ذا اليوم و اركبت السريع= أجيب طبلوني على الاكتاف، و الساري سرى

وانت بخير ان شاء الله

واستلم لاهنت:

ابك البقاء ياللي ترحب عد زهرات الربيع = لكن لاتسرع مع المحراف والساري سرى
عارفك رجالٍ دليلة في الدروب ولا تضيع = منوتك لا شرفت في المشراف والساري سرى

حياك يا عبود،
و كل بديرته خبير و دليلة.

استلم لا عدمتك:

قلبي نحاوي لمّ اهل "ثهلان" حامين "الوضيع"= يو البلد تمشي على الاحلاف، و الساري سرى
و اليوم في وقت الامن عاش المودّع و الوديع= و تساوت المثناة و الاطراف، و الساري سرى

ارررحب يالصييفي واستلم لاهنت:

قلبك نحاوي للديار للي بها غروٍ فريع = اثرك تحب البخذخ والاسراف ، والساري سرى
الامن يحتاجه كبير السن والا اللي رضيع = الحمد لله يوم صار انصاف ، والساري سرى

اررررحب يا عبود،

و استلم لا هنت:

أحب ذيك الدار و الضلعان مع ذيك التليع= و البذخ لا يسمع و لا ينشاف، و الساري سرى
الحمْد للَّهْ كلنا نعيش في حصن(ن) منيع= و عيش(ن) بدار الجود ما ينعاف، و الساري سرى

ارررحب يالصييفي واستلم لاهنت وسامحنا كان فيه قصور

الله يهني اللي يحب بما يحب وهو السميع = وكلٍ بحب الدار جاه خفاف ، والساري سرى
لكن قل وش رغبتك هي في الشرى والا بتيع = ترى البضاعه جاهزه بالهاف ، والساري سرى

حياك يا عبود،
و آسف على التأخير.

استلم لا هنت:

الله يقبل دعوتك يا صاحبي في كل قيع= و حب البلاد إيمان للميلاف، و الساري سرى
في يومنا هذا الشرا و البيع فرسانه وجيع= كل(ن) يدور بالكفاف لحاف، و الساري سرى

بيض الله وجيهكم


وكل عام وأنتم بخير


وسروها وحنا متابعين

وعليكم السلام ورحمة الله وبركاته

عيدكم مبارك بعد الزحمة وكل عام والجميع بألف خير

الله الله

سروها وأزهلوّ المتابع والصف أن لقينا من يمسكه

بيض الله وجيهكم وماقصرتوا .. << بدري

سرووها ترانا متابعين "

الإخوة:


المقاطي،

سعد،

و


سري للغاية،

شكرا على حضوركم.

يالربع وش صار على عبود؟،

مهيب عادته التطنيش،

عسى في الأمر خير

تحياتي للجميع

السلام عليكم ورحمة الله وبركاته

اسف على التاخير يالصييفي انا صار عندي سفر خارج اللمملكة لمدة اسبوعين ولا جيت الا البارح والشى الثاني اني كنت راد عليك قبل ما اسافر بس الظاهر اني اكتفيت بالمعاينه ولا ارسلتها واستغربت يوم ما لقيتها اليوم ,,,,

وانا مثل ما قلت ما احب التطنيش حتى لو اعجز ارد اعتذر من قبيلي وحصل خير ان شاء الله واستلم لاهنت ولو انها متأخره

الله يهني اللي يحب بما يحب وهو السميع = وكلٍ بحب الدار جاه خفاف ، والساري سرى
لكن قل وش رغبتك هي في الشرى والا بتبيع = ترى البضاعه جاهزه بالهاف ، والساري سرى

الحمد لله على السلامة يا عبود،

يظهر السفر ما زال مؤثر عليك و الا جهازك كان فيه مشكلة.
ردك هذا موجود قبل سفرك و ردينا عليه،
هات رد جديد.

مرحبا بك

السلام عليكم ورحمة الله وبركاته

هلا اخوي الصييفي اكيد جهازي ملخبط والله ما ظهر عندي والا انا متأكد اني مرسله قبل السفر لكن حصل خير خلنا نغير ونبدا من جديد لانها طولت

وتقبل تحياتي