【★】مـكـتـبـة يـامـتـعـب الـروووح " لـلـقـصـائـد الـسـامـريـه "【★】

بعد التحيه الطيبه حبيت أنثر لكم بعض القصائد السامريه وهالفن غالي على قلبي

طبعا كل الابيات صحيحه مع أسمأخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

التوقيع:

يا نـسـيـم الهـبايب خـبري ويـن خـلي = خـبـري ويـن خـلي يا نسـيم الهـبـايب
خـبري ويـن راح اللي هـروجه تسلي = خبري وين راح اللي هروجه عجايب
يوم شفت الركايب قمت ارحب واهلي = قمت ارحب واهلي يوم شفت الركايب
شد مظنون عيني شد ما هو هوى لي = أه لا عــاد يــوم فـيـه فـرقـى الحـبايب
ســيـد كـل الـحـبايـب مـره جـا مـحلي = مـره جــا مـحــلي ســيـد كـل الحبـايب
مقدم الراس شايب من فراق السجلي = من فراق السجلي مقدم الـراس شايب
جعل وبل السحايـب فـوق دارة تهـلي = فـوق دارة تهـلي جعـل وبـل السحايب


هالشيله لفيصل البواردي

لـي بـآك بعد مـآ تنزلهن

شكرا لك

يادار وين الحــــــبيب............اللي سلامه هـــــلا

عيا القمر لايغيـــــــب............وصويحبي ماســــرى


عيت جروحي تطــيب............من هجر أبو ذبــــــلا
والراس مثل السبيب............والمسك به يجـــدلاا
يعمل بورد وطـــــــيب............والمسك والعنبــــــرا
ياخوي هاتوا طــــبيب............من الحسا وعجــــلا
وإن كان ماجاطـــبيب............فالموت مني دنــــــا

للشاعر / ماجد حمود العبيد الرشيد

ألا ياعيوني ما يفيد النظر والشوف = تكافي وكفي لاتراعين ياعيوني
تكافي كفاك مكايد الجادل الغطروف = ابو وجنة فيها اشهر الموت مقروني
انا اشوف شوفك واتمنى وانا مشغوف = من اللي سلب عقلي على غير قانوني
لحظني بعين كن فيها نمش وسيوف = وقع مابكفي واختلط وانصفق لوني
اخذني جهار اكبر ضحى والعباد وقوف = انـــادي بصوتي والعرب تقل ماوحوني
تبي ذبحتي ياريم وادي سكاكا الجوف = حسيبي عليك مصـرف الخلق والكوني
تعرض غريب نازح عند ابو رفـروف = ورى دار قاره يقنب الذيب من دونـي
الا واعذابي منك ياضامر السرجوف = شبكني هواك وبيح الحب مكنوني
الا يازريف الطول انا ازهمك بالمـعروف = بعد عونة الله منك انا برجي العوني
دخيلك تلبي دعوة من ثلاث حروف = طرف ساعة افرح بها وانت ممنـوني
اريح ضمير بالهوى مولع مشغوف = من الله خلقني بالغنادير مفتوني

للمرحوم الشاعر حمد المغيولي

مريـت بيـت للمحبيـن مقفـول....وجابتني القـدرة علـى حدبابـه
ونشدت جيرانه عسى البيت منزول.....قالوا حبيبـك راح لا واسفـا بـه
وله مدة بالسوق ماشيف لـه زول....وبابه عليه من السوافـي ترابـه
وهلت دموع العين والقلب مشغول...وعند الفراق اللي حصل في غيابه
واقفيت واللي بين الاضلاع مجهول...حب درسته غيـب ماهـو كتابـة
أهلا هلا بك ناعس الطرف مكحول....مادمت انا حي لحبـل الرجـا بـه




الشاعر / سليمان بن حاذور

يا الله ويا الله يا الله ويـا الله .....ياالله ويـا الله غفـار الزلـة
يا عيسى باح صبري ومزاحي....من حب المجمول ظبـي لاح
يا عيسى كنه من حور الجنة....زبـاد وخنـه مسـك فـواح
نطحني يردي والمقطع جردي.... ياكن الورد يسقي به عـوده
نطحني مارق والعمر مفـارق .....ياكن البـارق لميـع خـدوده
نطحني مياح عجاج الاريـاح......ياكن التفـاح زمـة نهـوده
نطحني ماضي جبينـه ناظـي ....هيا للقاضي عطني شرع الله
ياعيسى اشوفه خضب كفوفه ....ياكن ردوفه نقيان الضاحـي
ان جيت اخمه صيح يبي امه ....لارحمت امـه عيـت عليـه
ان جيت اشيله ملاني بنيلـه.... ياويش الحيله في ابو خزرية




الشاعر / عثمان بن سليمان

يا ذا الحمام اللي سجع بلحون..... وشبك علـى عينـي تبكيهـا
ذكرتني عصر مضى وفنـون.... قبلـك دروب الغـي ناسيهـا
أهلـى يلومونـي ولا يـدرون ....والنار تحرق رجـل واطيهـا
لا تطري الفرقى على المحزون.... ما أدانـى الفرقـى وطاريهـا
اربع بناجر فى يـد المجمـول.... توه ضحـي العيـد شاريهـا
انا اشهد انه كامـل ومزيـون.... مثل البدر سنا الليل شارع فيها
يا من يياصرني أنـا مفتـون.... روحي ترى فيها الـذي فيهـا
يا من يعاوني علـى الغليـون.... والدلـة الصفـراء مراكيهـا
سته بناجر وأربعـه يزهـون.... وأن أقبلت فالنـور غاشيهـا
أبو هيا طـرب يشيـل فنـون.... مـا ثمـن الدنيـا وطاريهـا

للشاعر / أبن لعــبون

عديت أنـا المستقـل.... من نايفـات العدامـا
عيال مفرج هـل لـي ...دخيلهـم مـا يضامـا
وان جا سلفهـم يـزل ...ما يركبـون المسامـا
رصاصهـم مستجـل... يكسر صليب العظامـا
يا نجمة الصبح ياا للي... سروا عليك النشامـى
جيت المطوع يصلـي ...صليت معـه القيامـا
عديـت بـا لمستقـل ....من نايفـات العدامـا
واخيل بـرق يسلـي.. لا لاح وسط الظلامـا
واخيـل بـدو تـحـل ...ومرتعيـن الجهـامـا
يا رجم جعلـك مولـي... يا ويل سهـل الكلامـا
يا خوي وا عبرة لـي... منها عيونـي سقامـا
ابكي ولا احد فطن لي... راعي الهوى مايلامـا
جعل العجايـز تولـي... والعود ولـد الحرامـا
قد كدروا مشرب لـي... يا ويلهم مـن الاثامـا
جيت المطوع يصلـي... وادركت معـه الاقامـا
وسمعت انا صوت خلي... وسلمت قبـل الامامـا
يا ضامر الوسط يا للي... مـا ذاق زاد ولا مـا
هرجه حديـث يسلـي... ريقه يداوي السقامـا
شربـه حليـب يـزل... من نا بيـات السنامـا
مشيه مع السوق يسلي... يشبه فريـخ الحمامـا
يا ليت شمر هـل لـي... دخيلهـم مـا يضامـا
ياليت الزايد هـل لـي... قصيرهم مـا يضامـا





للشاعرة / رسوا المفرجية العوفية

وانا البارحة هلت محاجـر عيونـي

من العصر لين النـور بيـن عليـه

سبب جادل منـه القرايـب حدونـي

هل الجـود والماجـود والمزرويـة

قلت احدروا حبل مع السطح وارقوني

تراي عند الباب ما عـاد لـي نيـة

والله لـولا الحيـا لاقطـع ردونـي

واصيح صيحة واحـد فيـه جنيـة

الا يا هلـي وان كانكـم ترحمونـي

تعرفـون طبـي مــزة للشفـيـة

ان مـت فـي خـد بعيـد انقلونـي

الى دار من عندهـم لـي مرحميـة

وباغي الى مـرت علـي الظعـون

يرد الجميل سيـدي ويسلـم عليـه

وانا ان مت في لاجي حشاه ادفنوني

وحطوا علـى قبـري حيـود قويـة

سامرية للشاعر عبدالله بن ناهض

ياعين هلي صافي الدمع هليه=واليا انتهى صافيه هاتي سريبه

ياعين شوفـي زرع خلـك وراعيـه شوفـي معاويـده وشوفـي قليبـه

مـن اول دايـم لـرأيـه نمالـيـه واليـوم جيتهـم عليـنـا صعيـبـة

وإن مرني بالـدرب ماقـدر احاكيـه مصيبتي ياكبرها ياعرب من مصيبـة

اللـي يبينـا عيٌـت النفـس تبغيـه واللي نبي عيا البخت لايجيبه

الشاعرة نورة بنت حوشان بن علي بن دخيل الله الرشيدي

لياك تتعبني وانا منـك تعبـان***يكفي تعبك العام ياروح روحـي

مرت سنة يامتلف الروح زعلان***وانا احسب انك بالمودة نصـوح

ماهوب حقي منك صد وهجران***يا مجدد في كل يـوم جروحـي

ابكي عليك من الضحى ليا مسيان***و الاعي الورقا حزيـن وانـوح

هذي سواة الغي خاسر وربحـان***ياخل يا للـي بالمـودة شحـوح

للشاعر راشد بن جعيثن

هالشيله لها منزله خاصه بقلبي وتعنيلي اشياء كثيرهـ ,,,

لاجزيت بخير ياذاك الشعيب
كل ما مريت من عندك بكيت

اذكر اللي قد مضى وانحب نحيب
ليتني باقصاك ما بعت وشريت

الموده جرحها جرحن عصيب
وانت يامضنون عيني ما دريت

ليت زولك عن عيوني ما يغيب
اشهد انب بالمحبه قد بليت

ما بغيت لدخل معك لكن نصيب
يوم جيتك بوسط شعبانك دويت

احمد الناصر الشايع

يا سلام ويا سلام الله ................ يا حمام جر الألحاني
صابني من بد خلق الله ................ صابني مير الله أحياني
قلت له ترى السلام لله ................ ما هو بحق منك تجفاني
الجمال اللي عطاك الله ................ ما عطاه لواحد ثاني
من يعين ومن يخاف الله ................ صابني سحاب الأرداني
قال لي ما شفت عبدالله ................ قلت ما شفته ولا جاني

لشاعرها / سعد بن جعيثن

السلام عليكم ورحمة الله وبركاته


ذائقتك رائعه في أختيارك لهذه القصائد المتعددة والجميله وجميع ماقدمته من هذه القصائد



مازالت لها صداها حتى الآن ولها متذوقيها من محبي ومتابعي مثل هذا الجمال



يعطيك العافيه أخي الفاضل متعب الروووح على المجهود المتعوب عليه



دمت بحفظ الرحمن



أخوك إبراهيم اليحيى ( العسكري )