الشاعر الكبير سعد العبود ...تفضل

السلام عليكم ورحمة الله..
الشاعر الكبير سعد العبود اتمنى ان تجد الوقت للعب معي على هالطاروق اذا ما عندك مانع..

استلم لاهنت يالغالي..

العقول الناقصه من عصر حامٍ وسام=هم أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

---

التعديل الأخير تم بواسطة عساف النجايب ; 12/04/2005 الساعة 12:24 AM.

هلا و الله بعساف النجايب،
عجل يا سعد
وصلك خليفة "هاني"، لا تتأخر،

و حنا متابعين،
عافاكم الله.

و يا هلا

خشم الرعن :
حياك الله يالعميد والله ونعم بالخليفة والمخلوف الزعيم الله يرده والخليفة حياه الله ....


عساف النجايب:
لي كامل الشرف والافتخار باللعب مع أمثالك من الشعراء
واللعب معك مكسب يفتخر به كل من ينظم البيت

استلم يالجزل :

العقول الناقصة لوتهنت بالمنام=أمرها بين على الناس والوضع محسوم
ليت كلٍ مثل عساف حول النجم حام=ما يطالع للمساكين وصغار الرخوم

الله .. الله .. الله

عساف النجايب وسعد العبود

واصلوا ... متابعين ومستانسين

وانا بصف سعد العبود ولا تهون ياعساف النجايب

الليل . . . . الليل . . . الليل

الأستاذ خشم الرعن
حياك الله ومرورك يسعدنا يالعميد..
يوووووووه خليفة هاني مره وحده ..
الله يرفع مقدارك مابعد وصلنا مواصيل هاني الله يره بالسلامه ولي الشرف..

الشاعر ابوحسام .
ياجعل الوناسه ماتفارقك حياك الله ومتابعتك تشرفنا..

((الشاعر الكبير سعد العبود))

والنعم فيك والشرف لي ياطويل العمر بقبولك الدعوه ..

استلم لاهنت ..

من تميم ومايعرف الحلال من الحرام؟=استبد برايه وعنده ارجالٍ قروم
علموه انه غشيم الفطر عقب الصيام=والعواطف مالها خانه افهم يافهوم

الله الله الله


العقـول الناقصـة لوتهنـت بالمنـام
.........أمرها بين على الناس والوضع محسوم
ليت كلٍ مثل عساف حول النجم حـام
........ما يطالع للمساكين وصغـار الرخـوم
صح لسانك يابو يوسف



من تميم ومايعرف الحلال من الحرام؟.......استبد برايه وعنـده ارجـالٍ قـروم

علموه انه غشيم الفطر عقب الصيـام........والعواطف مالها خانه افهـم يافهـوم

صح لسانك ياعساف
الضاهر انك مقرشع
شكل المحاوره حاميه شعللها ياعساف وانا بصفك بس ارفق على الرجال

عساف النجايب وابويوسف
الله الله الله عليكم محاورة من بدايتها في قمة الروعه

عساف الصف ارقد عنه ولا يهون ابو يوسف
الليل الليل الليل الليل

شعار كبار

ابوحسام :
حياك الله يالنشمي ومشكور على قضبة الصف ...
سنايدي :
يا هلا بالغالي ووجودك شرف وعز للمتحاورين لا هنت يالغالي .........
علي العجاجي :
ابو ابراهيم مرورك يكفي ولو إنك بصف عساف ولا لك لايم

عساف استلم يالجزل :

انت جبت السالفة واختلف وضع النظام=لا تدقق فالمواضيع وتزيد الهموم
هو يقول ان الثوابت على كل الأنام=ماشيه لكن تغيره هبات السموم

انت جبت السالفة واختلف وضع النظام تدقق فالمواضيـع وتزيـد الهمـوم



الله الله الله وااااااااااااااااااااصلوو

الشاعر سنايدي هلا وغلا تشريفك بمسك الصف نعتز فيه.

الشاعر علي العجاجي تسلم يالغالي على مسكه الصف ..ولاهنت ..

سواااح اشكرك على المتابعه..

الشاعر الكبير سعد العبود ..استلم يالجزل..

المقيريد ايتجيود وما عنده عظام = يحملنه والعزوم اشهد ان مامن عزوم
ياجزيل الهرج لا ماختلف وضعي تمام = خلنا نرجع على بوم فالديره يحوم

سواح حياك الله ومشكور على المرور ...

استلم يا عساف لا عدمتك :

وش نسوي بالرديين هافين العلام=ما يعرفون المواجيب وحساب السلوم
وانت مثلك فاهمٍ بالعلوم وبالكلام=وانت قلت البوم والبوم طول الوفت بوم

صح السانك يالجزل استلم استلم:

بومنا يومه خسر ثم عود بانهزام=المواجيب انتهت من بعد دق الخشوم
لاتلومه ياسعد مثل هذا مايلام=لو ينوشه مخلبك ماهقيت انه يقوم

صح لسانك يا راع الشكالة استلم لا هنت :

ويش اسوي مرتفع عن سواليف الغلام=بس بعض الخلق ما يشكر الله ويصوم
وازنٍ هرجي واقول السوالف بأنتظام=ما أشتري هرجي من الخلق لا صرت مهزوم

صح السانك جعل والديك بالجنه استلم استلم..

انت من ناسٍ رفيعين يالذيب وحشام=لاتنزل نفسك العاليه فوق الغيوم
طالبك ياتاج راسي تحلا بالحلام=لاتوريه الظهر كيف يرقى للرجوم

الله الله
صح لسانك يالنشمي واستلم :

بيض الله وجه رجلٍ عن الاسفاف شام=بس وش تفعل ليا جاك عيٍ ما يشوم
بير بعض الخلق ياصحبي والله هيام=ولا وصل بحر المعاني صعيب إنه يعوم

الشاعر الكبير عساف النجايب اشكرك على هذه الدعوة واتمنى ان التقي بك في محاوراة قادمة ...