سنايدي اررررررررررحب طال عمرك

سنايدي يشرفني انك تجاريني على ها طاروق يالجزل

استلم لا هنت

توطًاك سيل السحاب النحاوي=ولاعاد في يدك ياخوك حيله
يدربيك من قمة الضلع عالي=سرى الليل والعز ربي يجيبه

أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

ارحب ثم ارح تم ارحب يارفيع الراس والشرف لي طال عمرك

استلم وانا سنايدي

اضنًك تنادي على الشر ناوي=لاوالله قبيلك ترا جاك سيله
وسيلك ترا ما يهزً الجبالي=سرى الليل والعز ربي يديمه

الله الله

رفيع الراس وسنايدي

محاورة لاشك بتكون ممتعة وشيقة وابقضب صف سنايدي ولا يهون اخوي رفيع الراس

الله الله



لا والله الي حمى الوطيس




يالله يالرجال وانا بفص مع اي احد

استلم ياسنايدي لاهنت

توطيت قبلك كبير الدعاوي=وخليت قلبه سواة المليله
وابلحقك مثله جحيماً وصالي=سرا الليل والعز ربي يديمه

الشاعر البطران :
وجودك بحد ذاته شرف لي طال عمرك وقوفك بصف سنايدي كانك واقف بصفي وحياك الله
سواح:
حياك الله طال عمرك وشرفتنا

البطران :
حياك الله وشرفتنا في حضورك ومسكت الصف ولا علي خوف مادامك بصفي
سواح
حياك الله وشرفتنا

رفيع الراس اسسسسسستلم ياعصابة راسي

قبيلك الاول تلقًا المكاوي=ولاعاد يعرف نهاره وليله
ولانيب مثله رهيف الحبالي=سرى الليل والعز ربي يديمه

الإخوة:
"رفيع الراس"
و
"سنايدي"،
عافاكم الله و حنا معاكم متابعين،
سروها لا هنتوا.

و يا هلا

صحت السنتكم ياشعار ديرتنا وترى حتى حنا نفهم الشعر ونستمتع بمحاورتكم ولعبكم ويالله استمروا واستعجلوا في ردودكم

واتمنى ماتكون ضايقتكم مشاركتي يارفيع الراس وياسنادي وياليت نشوفكم في غير المحاوره بعد وحياكم الله في المواضيع

اللي بننزلها عن قريب ان شاء الله ،واخيرا ياليت واحد منكم يتكرم ويشرح لنا ليش تقولون : الليل الليل الليل بالأخير



لكم تحيه



حصه

خشم الرعن :
شرًفنا حضورك ونوًرت الرد بس هالمره اشوفك متابع ولا مسكت الصفوف
حصه :
حياتس الله اشكرك عل مررك الكريم بلعكس ماضايقتينا ولا شي وننتضر مواضيعك
نبيتس تنادين واحد منا على طاروق هنا
ومعناة الليل الليل الليل كلمه دارجه تقال في الرديات لتشجيع الشعار

خشم الرعن - حصه : أهلا وسهلا ويامرحبا شرفتوا المحاورة الله يعافيكم.


سنايدي استلم لاهنت :

على هونك ارفق ياوارد عراوي= تعرضت لك في طريقك تريله
حرام اهدر الدم والدم غالي = سرى الليل والعز ربي يديمه

الله الله
استلم طال عمرك:

تباها تحدي ترا منت قاوي=ترا الجمس شايل حمول(ن) ثقيله
احدك واردك ولا لك مجالي=سرا الليل والعز ربي يديمه

صح لسانك واستلم :

تحدا التريلة ابو عزم ثاوي = ولكن ابا اقول له ياحليله
صغيّر صغيّر وجاله هَيالي= سرى الليل والعز ربي يديمه

استلم لاهنت:

اشوفك تدوًر لجرحك مداوي=ضربتك بضربه ولا هي قليله
تنادي تصيًح!!وشلًي جرالي=سرى الليل والعز ربي يديمه

صح لسان الشاعرين
جميل القصيد الراقي

لا استطيع ان اقف بصف شاعر دون الآخر

قواكم الله وازهلوا الصف