|
خاص باعضاء المنتدى للتعرف على اعضاء المنتدى عن قرب وبعدسات مختلفه |
« آخر المشاركات » |
|
أدوات الموضوع |
24/12/2008, 04:54 AM | #1 |
|--*¨®¨*--|أبوربيع ضيفنا في كرسي الاعتراف|--*¨®¨*--|
.... الـــسلااااام علــــيــــكم .... |
|
24/12/2008, 05:28 AM | #2 |
ابوربيع .. العاده اللي على كرسي يآمر وينهى .. لكن كرسي الاعتراف اللي يقعد عليه يآكل تبن << يسمع بالمقدمه .. التعديل الأخير تم بواسطة سري للغاية ; 24/12/2008 الساعة 12:07 PM. |
|
24/12/2008, 12:54 PM | #3 |
سلام عليكم اختي جروح اشكرك استضافتك لابو ربيع |
|
24/12/2008, 01:41 PM | #4 |
مشكوووووووووووووره اختي جروح الوقت |
|
24/12/2008, 02:50 PM | #5 |
|
|
24/12/2008, 11:34 PM | #6 | |||
جروح الوقت اقتباس:
الله يجزاك خير يا جروح على الاطراء الله يرفع مقدارك قولي امين اقتباس:
صحيح اختي جروح ولا بعد لي جمهور من خارج المملكة <<<< كف قوي اقتباس:
ههههههههههههههههههههههههه والله يا اني حللت قوقل تحليل تهقونه ياخذ من حسناتي ؟؟! جروح تسعدني جدا هذي الاستضافة ويسعدني اكثر انها جت منك , اخت عزيزة واحترمها وحبيت اضيف شي اني صراحة من النوع الي اطلع كل شي في الجواب يعني اجاوب الاسئلة من قلب يعني الله يعينكم على طول الاجوبة وما قصرتي اختي جروح |
||||
24/12/2008, 11:53 PM | #7 | |||||||
اقتباس:
اقتباس:
ههههههههههههههههه اعجبني الاسلوب صراحة بسم الله الرحمن الرحيم اقتباس:
عمري : 22 سنة السيميستر : والله مدري اي سيميستر لكن الحين لي اربع سنين في الجامعة التخصص : هندسة ميكانيكية , ميكانيكال انجنيرانق , او زي ما يسمونها هندسة الحيل اقتباس:
وراه كنه مهوب عاجبك والله المنتدى الحين حليو يعني احسن من قبل هو المنتدى وشلون ماشي بعد رحلة خريم يكون في احسن احواله وتبدا الاحوال في الهبوط ال ما عاد يبقى على خريم الا شهر في هذي الفترة تزين الاحوال ويدخلون العالم يبون يشوفون الاعلان وهكذا لكن بشكل عام المنتدى ممتاز في نظري اقتباس:
اقتباس:
والله شف انا واحد اذا شفت لقطة من مباراة يوجعني بطني وتجيني حومة كبد مهيب طبيعية واحس اني ودي ابكي <<< حالته صعبة والله يا انا اكرة المباريات كره ابليس بس طبعا احب العب كورة لكن اكره الي يهتم بفريقه مرة يهتم باخبار اللاعبين وش اخبار اللاعب الفلاني اليوم كم مرة دخل الحمام تروش باي شامبوا ومدري ايش الشي اذا زاد عن حده انقلب ضده لكن من كثر ما عاشرت فتى نجد ومن كثر ما اشفق عليه صرت اذا قالوا ان النصر فاز استانس طبعا استانس علشان فتى نجد لان اذا خسر النصر يقعد اسبوع ما يكلمني مدري وش دخلني انا زبدة الجواب افرح اذا فاز النصر اقتباس:
هههههههههههههه ياخي مشكلة العصر هذولا الي يكتب موضوع من نفسه افضل عندي من الف موضوع منقول وياخي اذا ما تقدر تكتب خلاص لا تنقل وتبلشنا وبالنسبة لموضوع الزيادي صحيح اي ضحكت عليه والموضوع حلو مرة لكن يبقى منقول وليس من ابداعك الشخصي سري للغاية مشكور على الاسئلة وما قصرت واتمنى عودتك التعديل الأخير تم بواسطة عبدالعزيز الربيع ; 24/12/2008 الساعة 11:55 PM. |
||||||||
25/12/2008, 12:02 AM | #8 | |||
وعليكم السلام اخوي نصراوي وافتخر اقتباس:
والله شف اخوي الاشراف تكليف يعني مهوب الواحد يستانس اذا صار اسمه ازرق بالعكس يصير دخوله المنتدى اكثر ويراقب منتداه بشكل اكبر يعني الاشراف زيادة شغل اقتباس:
الله لا يجيب اليوم الي اترك فيه المنتدى لكن لو تركته ما راح اهدي مشاركاتي لحد ابخليها لي <<< نذل اقتباس:
الاسم : عبد العزيز عبدالله عبد العزيز السيف العمر : 22 سنة العايلة : الغامدي السيف شفها مكتوبة فوق مشكور اخوي على المرور وانتظر عودتك |
||||
25/12/2008, 12:07 AM | #9 | ||||
هلا اختي الزين كله اقتباس:
22 سنة فقط اقتباس:
يوم امي تقومني من النوم يوم الجمعة وتقولي جدك يطلبك الحل والسبت علي اختبار نهائي رياضيات اقتباس:
تذكرت واحد عزيز مرة ( الله يرحمه ) اقتباس:
الشهراني <<< كف السيف يا اختي هذي ثالث مرة اكتبها الزين كله مشكورة على المرور وانتظر عودتك |
|||||
25/12/2008, 12:15 AM | #10 |
هلا اخوي المهندس ابو ربيع <<<كيف خقيت |
|
25/12/2008, 01:03 AM | #11 | |||||||||||
هلا اختي جروح اقتباس:
والله انا كنت في المنتدى من زمان لكن صارت لي مشكلة مع الادارة السابقة ومع كم مشرف و سمجت الدعوة وطلعت وجيت بعد رحلة خريم (الي قبل سنتين يمكن ) دخلت اشوف الصور واعجبني وضع المنتدى ذيك الفترة وقررت اكمل والحمد لله الوضع الى الان تمام لكن اذا زعلتوني علطول ابطلع <<< انقلع ابرك اقتباس:
العنصر النسائي في المنتديات بشكل عام هو سبب نجاح المنتدى قولوا ليش من وجهة نظر شخصية انا احس ان المراة عموما اكثر اخلاص في العمل من الرجل يعني المرة اذا وكلت لها مهمة تخلص فيها وتتمها على اكمل وجه اما الرجل ( طبعا مهب كلهم ) يتهاون بالعمل ولا ينجزه بالشكل المطلوب ولا بالوقت المطلوب فبالنسبة للمنتديات المرة تشتغل صح تحط مواضيع وتفنن بالمواضيع ولو كانت مشرفة تمسك قسمها صح وتزينه وترتبه ولكن مما ياسفني ان المراة في منتدى الشعراء ما تطول تلقاها من افضل الاعضاء ومن اكثرهم تميزا وفجاه تقول فمان الله لييييه طيب طبعا لكل شخص ظروفه لكن هذي ملاحظها بكثرة في منتدى الشعراء وبالنسبة للجزء الثاني للسؤال لا امانع من تواجد احد قريباتي في المنتدى بالعكس بل واشجع على ذلك لان منتدى الشعراء منتدى محافظ ومن شانه انه يحافظ على اخلاق الاعضاء بعدم نشر المواضيع الهدامة , ويثقف الاعضاء بعرض مواضيع الاخبار والمعلومات بعكس اغلب المنتديات والان قلما تجد فتاة لا تدخل المنتديات فاذا كان فمنتدى الشعراء ولا غيره اقتباس:
سوال كثير ما يتردد في بالي بالفترة الاخيرة وطلعت بجواب اني استفت وجود اعضاء احبهم ويحبوني واقدرهم واحترمهم وبيادلوني نفس الشعور اكثر شي اعجبني في منتدى الشعراء الادارة المخلصة والمتفانية اقتباس:
ههههههه احلى سؤال قعدت اقراة خمس طعش مرة والله بالنسبة للجزء الاول من السؤال ما اتوقع انه موجه لي ,هذا السؤال موجه للاعضاء اما بالنسبة للجزء الثاني ما اقدر اجزم الصراحة لكن موجود , ما ادري هم قبل او الان لكن موجود اقتباس:
يوم صرت مشرف سعة الصدر في الفترة القديمة وجتني مضايقات وانتقادات كوني اصغر مشرف في ذيك الفترة مع اني كنت في ثالث ثانوي وكتبوا عني مواضيع كلها سب في سب ( طبعا هم ناس من المنتدى ولكن مسجلين باسماء مستعاره جديدة ) ما ادري ليه الصراحة يعني الي يشوفني ماسك ادارة منتدى الساحات على غفلة علشان كل هالمضايقات والمشكلة صار فيه ناس من الجماعة يكرهوني وهم حتى ما شافوني فقلت الله لا يعيد هالشراف هو لكم . وطلعت من المنتدى اقتباس:
ابو هتون وام محمد اقتباس:
الاعضاء الي طلعوا وتحسفت عليهم انتي , لكن الحمد لله رجعتي , صحيح انك غبتي سنة وشوي لكن الحمد لله انك رجعتي ام محمد , والحمد لله رجعت اما العضو الي ترك المنتدى وفرحت صراحة العضو هو شاهين اخوي شاهين من الاعضاء المميزين لكن الله يهديه عنده اعتقادات غريبة والمصيبة انه يملك قدرة على الاقناع فاذا اجتمعوا الصفتين هذي راح ياثر بكثير من الاعضاء اقتباس:
صراحة ما فهمت وش تقصدين يعني وش الاختلاف الي بينا في المنتدى ؟؟ بس اعتقد ان فيه اختلاف كبير بين شخصيتي وشخصيه ابو سيوف اقتباس:
والله الصراحة نشات في عائلة محافظة ولله الحمد يعني الاغاني ذي مانعرفها ابد ابد يعني يوم اختلطت بالمجتمع الخارجي كنت استغرب ان فيه ناس يسمعون اغاني <<< بريء ولكن بالاندماج بالمجتمع يبدا الواحد يضعف لكن بعد دخولي للجامعة تعرفت على صحبة طيبة الحمد لله وكان لهم اثر كبير في التزامي حتى اني شعرت بسعادة كبيرة ذيك الايام ولكن الانسان انسان اذ تركتهم فتره احس اني ارجع لورااا فالصحبة الطيبة هذي الايام هي طريق الالتزام اقتباس:
هههههههههه لا الحمد لله ما مريت بهالحالة ابد اصلا انا كنت استغرب وشلون يجون ودروسهم بسجادة ولا حزام كتبي واجد ما يكفيها حزا م ولا سجادة مدري هم وشلون يختصرون كتبهم ولا ما يجيبونها ولا تلقينه جامع ام المواد كلها بدفتر واحد اقتباس:
الصراحة انا تجيني فترات ودي انفجر يعني يكون صدري ضايق مرة مرة ودي ابكي علشان ارتاح بس ما اقدر , خانقتني العبرة بس ما تطلع ودي افضفض لاحد بس ما اقدر ولا ودي افضفض لامي لاني ادري انها بيضيق صدرها علي وانا ما احب اضيق صدر احد فاضطر الى اني اكتم الي فيني مشكورة جروح على الاسئلة واذا تذكرتي شي الموضوع موضوعك خوذي راحتك |
||||||||||||
25/12/2008, 01:36 AM | #12 | ||||||
هلا والله اخوي شايل اقتباس:
اوففففف شوي خقيت اقتباس:
1- اصير وزير التعليم ( علشان اشوف حل للفوضى الي عندنا , واعيد تاسيس منهجية التعليم الفاشلة التي تعتمد على الحشو بدل التفكير والابداع ) 2- اتمنى اذا قالوا في الاخبار ان الميزانية هالسنة تسجل اكبر فائض في تاريخ المملكة , اننا نحس بهالفائض مهوب بس نسمع فيه ولا نعرف وش هو 3 - ان تنجلي كربة اهل غزة الله ينصرهم , حيث سجلوا ان افقر عوائل على وجه الارض هي عوائل غزة اقتباس:
تبي الصراحة انا محتار ابدا بالاوردو اول ولا الملايالم ولكن بما اني ديموقراطي ابترك له حرية الاختيار اقتباس:
اي شهر يا شيخ اسبوعين وتبدى العبرة تخنقني اقتباس:
لان الحب قبل الزواج بغير نية الزواج اعتبره انحراف ولعب ببنات واعراض الناس اما لو كان الحب قبل الزواج بنية الزواج فهو ايضا شي غير مقبول لانه من المعروف ان الممنوع مرغوب ومتى حصلت على هذا الممنوع فانك تمل منه بسرعة يعني اكثر الي يحبون بعض قبل الزواج اذا تزوجوا تكثر بينهم المشاكل اما الحب بعد الزواج هو اقوى وارسى حب اقتباس:
ان شاء الله ما راح اكون موظف حكومي ولو غصبوني اخترت وزير ولا ملك شايل جروحه بروحه مشكور اخوي على الرد وما قصرت |
|||||||
25/12/2008, 08:30 PM | #13 |
بااااااااك <<<اصلاً انتي قلتي برب قلطه وجه |
|
25/12/2008, 08:40 PM | #14 | |
هلا والله اختي الزين كله حياك الله في اي وقت اقتباس:
والله انا قاعد اشتغل عليه في مخي الحين اختبارات وقلق ان شاء الله بعد الاختبارات وحياك الله |
||
25/12/2008, 11:46 PM | #15 |
كل شوي تأجل مره بعد العيد والحين بعد الختبارات وبعد الختبارات بعد 10 سنين قولوا ماقالت الزين كله |
|
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
كرسي الاعتراف من جديد | البالودي | خاص باعضاء المنتدى | 41 | 17/12/2009 01:51 PM |
كرسي الاعتراف;; | البالودي | خاص باعضاء المنتدى | 52 | 08/11/2009 02:11 PM |
^&)§¤°^°§°^°¤§(&^الـــــعسكري ضيف كرسي الاعتراف^&)§¤°^°§°^°¤§(&^ | أم سعد | خاص باعضاء المنتدى | 33 | 17/11/2008 02:52 PM |
|--*¨®¨*--| كرسي الاعتراف مع الــكــيف |--*¨®¨*--| | سري للغاية | خاص باعضاء المنتدى | 48 | 22/04/2008 06:12 PM |
كرسي الاعتراف >>> روعه | D A N G E R | منتدى الصور والتصوير | 182 | 12/01/2008 06:50 PM |