【★】صــور حـمـام هندي .. زاجل .. وانوع كثيرهـ مـن تـجـمـيـعـي【★】

السلام عليكم ورحمة الله وبركاته..

حبيت اجمع لكم صور منقوله طبعا لبعض الحميمات..لان عزوتي الخيل عشقي..هيضني وقلت بوسع صدرهـ..

اتركم مع الصور وعساها تنال رضاكم..



يالبيه بس هالحمام الهندي عليه أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

التوقيع:

السلام عليكم ورحمة الله وبركاته..

حبيت اجمع لكم صور منقوله طبعا لبعض الحميمات..لان عزوتي الخيل عشقي..هيضني وقلت بوسع صدرهـ..

اتركم مع الصور وعساها تنال رضاكم..

وعليكم السلام ورحمة الله وبركاته


الله لايهينك يابو عبد الله جعلك ذخر ولا خلا ولا عدم

.
.

يالبيه بس هالحمام الهندي عليه انتاج ماشاء الله وينفع مطير يعني تحومه كل عصريه وتجلس بفرشتك على السطح تتفرج وتنفجل وتوسع صدرك..

ياسلام

سبحان الله كلن وهوايته ..
.
.

يالخيل عشقي وين سعد اخوكـ خخ اخاف يشوف الصور تبي تشفي غليله تبي تذكرهـ بهد الطيور والزاجل لانه يقدرهـ شوفة عيني..يستاهل كل خير..

تشفي غليله معناها تبرد كبده .. لكن هنا المفروض قلت تبي تفرك كبده


تشفي غليله اذا هد عليها وانبسط .. اما يشوفها ولا يهد ويتذكر الايام الي فاتت تبي تفرك كبده وتضيق صدير اخيي على ايامن راحت مير اشوا انه ماشاف هالصور


والله يسلمك ويرزقك الخير اي بالله انه يستاهل كل خير ابو عبد الله يطهر الارض الي يمشي عليها ليتنى نجي مثل ظفره الله يطول لنا بعمره

يالبيه بس على هاللي تحت حمامه بلجيكيه

كشخه بس البني احس انه اكشخ والدعوى اذواق مع ان الضاهر الاسود اغلى من البني !!

استغفر الله هذي حمامه كوريه كل ماشفت هالنوع صديت عنه..

الله لايلومك حتى مدري القطو بيقوى ياكلها والا بتحوم كبده

الحين اخر نوع اللي هو اللي قضيت اكثر هوايتي في تربيته واحب طيرهـ
القلابي..يتذكرني الخيل عشقي يوم جينا في بيتنا القديم خخخ
ايام وش زينها لو ترجع..

اي والله يازين هكالايام ويازين بيتكم خصوصا السطح ( ومغامرات السطوح ) والعشش الي فيه قمة المتعه مع النقانق والشاهي


.
.
.

يامتعب الروووح بيض الله وجهك وماقصرت على هالموضوع المتعوب عليه



لاتحرمنا من هالمواضيع الممتازه



ويستاهل الـ*****


تقبل مروري وردي بكل ود

الخيل عشقي..
شرفت ونورت محلك..اجل نقائق وشاهي الله يرجك خخخ
وسعد أبو عبدالله الله يذكرهـ بالخير وتقر عينه بعياله انشاء الله..

اجل لايشوف هالصور ابعدها عنه..

اهم شي هالصور وسعت صدرك وكل ما خذت بنزل صور عن هالطيور

>برايفت> امس كنت بحوش ابوي يقالك رايح اشيك على الحلال خخخ الا شفت تويسك ماشاء الله زيننن

انشاء الله نضبط هالحوش والله ودي نتجمع فيه بعد المغرب يوميا..

بس انت عارف الحال..ربعك مايبون الا البيوت..

ابو عبيد ترى العشش فاضيه كان لك خاطر تجيب لك شي قريب..

انا تبي تمسك معي وبحاول ارجع هواياتي في هالحوش..

وعليكم السلام ورحمة الله وبركاته


مـاشــــــاء الله عليـــــك يــامتعـــــــب راعــــــي حمـــــام أجـــــل تــربيــــة الحمـــام متعــــــه خـــل عنـــك


بــــــس هـالحمـــــام اللــــي تقــــــول تحومـــه كــل عصــريــه وتجلـــس بفـــرشتـــك علــــى


السطـــح تتفـــرج عليـــه غــرضـــــه اللــي أنـــت خــابــــرهـــا( الشــــوزل ) الشــــوزن

هذه الصورة تم اعادة تحجيمها اضغط على الشريط الاصفر للحصول على الحجم الاصلي حجم الصورة الاصلي هو 650x450 ومساحتها 57 كيلو بايت

هذه الصورة تم اعادة تحجيمها اضغط على الشريط الاصفر للحصول على الحجم الاصلي حجم الصورة الاصلي هو 1280x934 ومساحتها 172 كيلو بايت

يعطيـــــك العـــــافيــــــه أخــــــي الفـــــاضــــل متعــــــب علـــــى هـالصـــــور الرائعــــــــــــه


ألا مــاودك نسيــــــر علــــــى حمـــــام أخــونــا الخيــــل عشقـــــي ونــرجــــدهــــن بالشــــــوزل ونعـــزمـــه عليهـــن غـــداء

ولا أحـــدا داري قـــل تــــم


دمـــــــت بخيــــــر وســـــــلام وحفـــــــظ مـــــــن الرحمـــــــن


أخوك إبراهيم اليحيى ( العسكري )

سبحان الله الحمام اليباني عيونه غلط استغفر ... هم عيونهم خط وهو دائره كبيره احس انهم يفقعونها ويحطونها بدال الخط

اللهم لاشماته ,, استغفر الله

مشكوووووور اخوي على الموضوع اخاف اطول بالرد واحش بخلق الله خلني ساكت ابرك
(خير الكلام ماقل ودل)

أبو صعب اذكرك ربك خخخ لاتودينا بداهيه..وسع صدرك..

أبو هتون شوزن مرهـ وحدهـ اذا لك خاطر تبي بسابيس تاكلها ابشر بسعدك بدون ماتذبح حمامنا خخخ
بسابيس الفرنسي اللاحم والسلفر زينه مرهـ بالعافيه عليك..

الا انت خلنا نشوفك بالرياض حياك على محلك انت ومن يعز عليك..

ويكفي انك من طرف الخيل عشقي طويل الذراع..

اذا لك خاطر وودك تاكل بسابيس علمني قبلها وفالك طيب..

الاعضاء الذين شاهدو هذا الموضوع: 11

@ابو مشره@, أبوهتون, مفآهيم الخجل, الخيل عشقي, ابوسيوف, يامتعب الروووح, سعد, عاشق القصيم, عبدالله بن سيف, هلال الخبر, {ابوصعب}

سبحان الله يامتعب ماشفت بموضووعك الا الخيل عشقي وأبو هتون وأبو صعب
والباقي >>شرفتو ولا كلفتو>>
وكلن حر في مواضيعه..

أبو هتون شوزن مرهـ وحدهـ اذا لك خاطر تبي بسابيس تاكلها ابشر بسعدك بدون ماتذبح حمامنا خخخ
بسابيس الفرنسي اللاحم والسلفر زينه مرهـ بالعافيه عليك..

ابك لاتفشلنا عند اهل الشعراء قل فروخ لاتقول بسابيس
.
.

ويكفي انك من طرف الخيل عشقي طويل الذراع..

ماعليك زود ياعصابة راسي
.
.

الاعضاء الذين شاهدو هذا الموضوع: 11

@ابو مشره@, أبوهتون, مفآهيم الخجل, الخيل عشقي, ابوسيوف, يامتعب الروووح, سعد, عاشق القصيم, عبدالله بن سيف, هلال الخبر, {ابوصعب}

سبحان الله يامتعب ماشفت بموضووعك الا الخيل عشقي وأبو هتون وأبو صعب
والباقي >>شرفتو ولا كلفتو>>

يامتعب بالنسبه للردود لاتحرص عليها كنت مثلك اول ماجيت للمنتدى وتالي تأقلمت

بعدين الموضوع مهوب اهم شي اشوفه انا خلاص احمد ربك الي ماطنشتك وصار اسمي من ضمن الذين شاهدوا الموضوع ولا ردوا << ترى اسويها لاتامن لي

حتى حمام الكواريه جاهم الكيماوي

والله ماشاء الله آليم .. اما البلجيكي على هالقصه والله يا احسه اذا مر من عند الهنود تخريطوا كلن قام يتميلح خخخخخ

~ عوآافي ..}

سري للغايه..عسى ضحكتك دوم شرفت مووضوعي..

يالخيل عشقي الله يقطع بليسك اجل بسابيس هذاك من الشعراء وعرفت وش قصدي..

بعدين كلها تحت معنى واحد بسابيس فروخ فرخيات ..

والله انك صادق هالمنتدى ميت بالردود..
واكبر دليل مكتبة القصائد..
مافيه الا4 اللي اشوفهم بس..

صدقت بصير اوسع صدري ولاحرق دمي..

وانت عارف متى تغيرت نظرتي للمنتدى من يوم الصور اللي خبري خبرك..

خلني مشغول بالمنتديات الثانيه وهنا كل فترهـ اسير..

بس اللي يرفع ضغطكـ اذا صار هالمنتدى منتدى ديرتك وعزوتك

ماقول كلهم ميتين بالردود لاكن غلبيتهم..

وانا والله عارف اني مقصر كثير..مانزل مواضيع ولا رد..
لاني جربته في البدايه دريت انه مايجوز لي

على العموم كل منتدى يمر بمراحل بهت الردود وتطنيش المواضيع

وأبو هتون هالاشياء ماتفوت عليه وانشاء الله الوضع يتحسن

يكفيني يالخيل المنتدى مثلك وشرواكـ.. وش ابي اكثر..

اياني واياك تقاطع..

عشان ماشرهـ عليك..شرهت(ن) تعدى حدود معزتي وغلاتي لك ياسندي..

ووقتها اجلس فوحط خخخ..

مشكور يامتعب على الصور
والله شفت الموضوع امس وقلت ارد بكره
وراك مستعجل
يعطيك العافيه على الحمام لكن الحمام الفرنسي السلفر وينه ماشفته

الله يعافيك من كل شر..

وانا خوك ماتعجلت بالعكس على مهلي..

مانزلتهن..اذا ودك انزلها ابشر بسعدك..

يالخيل عشقي الله يقطع بليسك اجل بسابيس هذاك من الشعراء وعرفت وش قصدي..

ماعرفتها الا يوم جيتكم
.
.

وانت عارف متى تغيرت نظرتي للمنتدى من يوم الصور اللي خبري خبرك

والله اني مدري وش تقصد اي صور ومع ذلك اتوقع انه مايخفاك ان ذاكرتي ضعيفه
.
.

بس اللي يرفع ضغطكـ اذا صار هالمنتدى منتدى ديرتك وعزوتك

عشان كذا لازم تحمل وتدهر فيه وتعطيه كل مالديك من طاقه هو احق من المنتديات الي انت مدهر فيها ومعطيهم اكثر من حقهم واكبر دليل الرجال الي قلب عليك مع انك ماسويت شي يدعي هالقلبه


لكن لو كان جهدك هذاك هنا هل تتوقع ان ربعك وعزوتك يبي يتغيرون عليك مالم يصدر منك خطأ !!

حتى لو صدر منك خطأ لاسمح الله .. سيقبل اعتذارك لمعرفتهم بك وبمعدنك اما الغريب هل سيلتمس لك عذرآ ؟؟
.
.

يكفيني يالخيل المنتدى مثلك وشرواكـ.. وش ابي اكثر..

شرواك الطيب وربعنا كلهم فيهم الخير والبركه









قف وقفه مع نفسك وفكر في كلامي

ههههههههههههههههههههههههههههههههههههههههههههههههههههههههه ..


احسبه ( حمّام هندي .. ) قلت بلقاه كله زيوت وصوابين ..


اثره حمَام ..

يعطيك العافيه متعب ولا هنت ..

الخيل عشقي صح منطوقك..والله يكتب مافيه الخير..

غرك زمان خخخ الله يرجك راح بالك بعيد..

بس هذي الساعه المباركه اللي شفتك فيها..

عساك دايم تغلط بس اشوفك بمواضيعي..

لاهنت على تواصلك