مدري وش هي من طبخة ؟!

صح عليه

لا يكون انت ابو صعب جحمان <<< سوالي عقدة ابو صعب ذا صرت ما ارقد الليل منه دايم احلم انه يكتب مواضيع بايخة واقفلها <<< والله يا انت ما تعرف تحلم

احس بنجلد انا وهلال الخبر

شوي بتنجلدون

وللمعلومية ترا الصحن مهب هديه جعلك منيب قايل يا ابو ربيع

والله انت عاد اخبر ما شاء الله عليك

شارينه من المحل الفلاني

امحق

احسبك ذاكر وين حنا شارينه منه

بس من رأيي لو كان الرز مبهر وفيه طعم كان طلعت حلوة مرة

من يوم علمتك الطبخ وانت ماش صاير تنتقد انت ووجهك <<< كف

صدقت يا اخي الصغير ابحاول ابهره لك المرة الجاية

وبما انك وصلت الى هذه المرحلة من الشيافه انصحك تسلك طريق وتتخصص فيه وانصحك بالمطبخ الهندي

من جد انا صاير افكر في الاكل الهنديي كثير

لكن احس اني طحت بالاكل السيلاني في الفترة الماضية

تقبل مروري يا ابو ربيع << بدون شدة <<امحااق اخو

لاحووول

فشلتنا بين العربان

الله يصلحك يا اخي ماذا فعلت ؟؟




ابو سيوف مشكور على المرور الحلو


ولا عاد تقطعنا تعال دايم

وعليكم السلام ورحمة الله وبركاته


اخوي ابو ربيع لو تفتح مطعمك مابين الرياض والقصيم على الخط السريع اول من يشارك أنا .. قول تم
ها وش رأيك بهالفكره عموما اذا فكرت علمني وتراي جاااااهز .

صراحتاً طبخه ماعليها غبار .. ومافيك حيله .. معليش رجعتكم بهالكلمه لشاعر المليون .
مشكور وماقصرت يابوربيع
دمت بخير وعافيه

هلا والله اخوي عاشق القصيم

اخوي ابو ربيع لو تفتح مطعمك مابين الرياض والقصيم على الخط السريع اول من يشارك أنا .. قول تم

اما على خط سريييع

كثر منها عاد



لالا انا ابي لي مطعم كشخة وحركات مهوب على خط سريع



مشكور اخوي عاشق القصيم على المرور

وما ادري ليه يوم قلت ما فيك حيله حسيت اني قايل قصيدة مهوب طابخ طبخة



مشكور اخوي

ماشاءالله تسلم يدينك

طبعا ارجوكم لا تشرهون على الصحن

ولا تدرون اشرهوا عليه شوي بس اخاف يزعل

هههههههههههههههههههههههههههههههههههههههههههه



اما الطبخه شكلها شيي!!


والله هالقسم فيه مواااهب حللووه ماشاءالله


مشكووور ياابو ربيع وتسلم يدياتك

هلا والله زينة

هههههههههههههههههههههههههههههههههههههههههههه

دوم هالضحكة

والله هالقسم فيه مواااهب حللووه ماشاءالله

توك ما شفتي شي

عندنا مواهب واجد

عندك ابو هتون صاحب الوسام وسمى 9 وساراي وام سعد وعطر وواجد غيرهم كل ذولا مواهب


وانتي الجاية ان شاء الله




مشكورة زينة على المرور وما قصرتي

وعليكم السلام ورحمة الله وبركاته ...


صراحه مدري متى جا ذا الموضوع توي اشوفه والله ..

هذا يا طولين العمر
كنت جاي من الحج

الله يقبلها امــين ويجعلها كفاره لكل ذنب .. وعقبالنا ان شاءالله ..

وانا لي يمكن اسبوعين ما طبخت يعني بدت تجيني حكة بالمفاصل

مشاءالله تبارك الله .. الله لايضرك .. حنا ودنا مانطيخ ابد مير الشكوى لله >>الي سمعها يقول معذبه المطبخ ..

طبعا ارجوكم لا تشرهون على الصحن
ولا تدرون اشرهوا عليه شوي بس اخاف يزعل

خخخخخخخخخخخ اوما اشرهوا عليه بس لايزعل خخخخخخخخخخخخ

عاد من جد طبــق لــذيـذ بس لو انه بغير اللحلم كان بيـطلع الذ >>والله لوتس ذايقته
والاحــلى انه مثل ماعودتنا بالخطوات المصوره مشاءالله عليك ..
انا مذكر التصوير الا قدمت الشي واحينا الا انكل ذكرت




^
^
حــلوه فكرة كبسة الرز عاد قبل فتره صلحت طبق مقارب لطريقتك بس مهوب باللحم ..
ودي انزله بس ماش لاهوب مصور بالخطوات والصور لك عليها يعني على الارض وعلى سفره وانواع الحوسه مايأهل من ينزله ..





^
^

ابداااااااااع الله لايضرك ..



عافاك الله وجعلك تــسلم والله على هالمشاركـه المميزهـ ولاهي غريبه علــيك .. مبدع دائم بذا القسم ..

ابو ربيع .. ياخوي تبنوني ولا شوفولي صرفه .. < الجوع كاااااااافر ..


ماشالله عليك مبدع .. تصلح تطلع على قناة " بداية " ويدقون عليك العالم ويستشيرونك .. وهمن تسحب على ام المنتدى < مسكت خط ..

يعطيك العافيه وعقبال ما تصير طاهي < برآآ ..

بروح افطر همبرقر ولا تسبده ان تسان بووهـ .. شهويتنا ..

برايفت : انا خاااق مع الفلفل الاخضر " الختسري" < عليه طعم .. صهييووووني ..

ابو ربيع ياخي ما ودي اطلع من موضوعك اله ينشبني .. ..

لاهنت ابو ربيع .. وآسف على الاطاله ..


فمــآن آلــــلـه ..

هلا ام سعد

الله يقبلها امــين ويجعلها كفاره لكل ذنب .. وعقبالنا ان شاءالله ..

امين الله يجزاك الف خير

وعقبالك ان شاء الله

مشاءالله تبارك الله .. الله لايضرك .. حنا ودنا مانطيخ ابد مير الشكوى لله >>الي سمعها يقول معذبه المطبخ ..

هههههههههه

الله يعينكم ان شاء الله

هو الواحد اذا انغصب على شي اكيد يكرهه

عاد من جد طبــق لــذيـذ بس لو انه بغير اللحلم كان بيـطلع الذ >>والله لوتس ذايقته

اوووه نسيت انك من الي يكرهون اللحم

انا مذكر التصوير الا قدمت الشي واحينا الا انكل ذكرت

نفس الحالة اول بس الحين خلاص

حــلوه فكرة كبسة الرز عاد قبل فتره صلحت طبق مقارب لطريقتك بس مهوب باللحم ..
ودي انزله بس ماش لاهوب مصور بالخطوات والصور لك عليها يعني على الارض وعلى سفره وانواع الحوسه مايأهل من ينزله ..

من جد ام سعد عاد نبي نشوف لك طبق كذا رز وكبسات من زمان ما شفنالك هالحركات

ابداااااااااع الله لايضرك ..

جعلك تسلمين والله





ام سعد مشكورة وما قصرتي على المرور ويعطيك الف عافية

هلا والله غرك زمانك

ابو ربيع .. ياخوي تبنوني ولا شوفولي صرفه .. < الجوع كاااااااافر .

يخوي تعال الشرقية وابشر بالخير

ابحاول انسق مع مكتب التبني بعد العصر

ماشالله عليك مبدع .. تصلح تطلع على قناة " بداية " ويدقون عليك العالم ويستشيرونك .. وهمن تسحب على ام المنتدى < مسكت خط ..

من جد فكرة

ولا ما نيب ساحب على المنتدى

ابقول الي يبي اي وصفة يروح لـ www.alsh3ra.com/vb



l

ماشالله عليك مبدع .. تصلح تطلع على قناة " بداية " ويدقون عليك العالم ويستشيرونك .. وهمن تسحب على ام المنتدى < مسكت خط ..

احسبك تقول عقبال ما تصير طاهر

هذا عامل مزرعة عماني في الشعراء

برايفت : انا خاااق مع الفلفل الاخضر " الختسري" < عليه طعم .. صهييووووني ..

خخخخخخخخخخخخخخخخخخخخخخخخ


اهم شي انه ختسري

ابو ربيع ياخي ما ودي اطلع من موضوعك اله ينشبني .. ..

لا تطلع ياخوي وش معجلك

لاهنت ابو ربيع .. وآسف على الاطاله ..

لا اطالة ولا شي


وما قصرت على المرور العسل يا غرك زمانك


يعطيك العافية

وعليكم السـلام ورحمـة اللـه وبركاتـه ’’

..

أولاً :

تقبل اللـه .. وحج مبرور وسعي مشكور > بـدري ,’

ثانيـاً :

ما شـاء اللـه ما شـاء اللـه تبـارك اللـه .. صراحـه طبخـه شيء ,,

بس لو اللـه فاكهـا من المشروم ×.× ’’

عـاد هـ النوع من الأكـلات سريع وما ياخـذ وقت .. وبنفس الوقت لذيذ ,,

..

يعطيـك العافيـه أخوي عبدالعزيز علـى هـ الشغـل السنـع ما شاء اللـه تبارك اللـه ’’

..

* الصـورة الأولـى خطييييييييييره .. بس لو أطراف الصحن كلها طالعه ,,

والصـوره الأخيـره كذلـك خطييره ,’

..

وشسمه

تصير صديقي ؟

ياخي ماشاء الله برابيسك ازين من مهايطي بالطبخ اذكر اني يوم ابربس سويت كبسه سليق احسبه رز !

وش دراني لقيت مكتوب رز مصري واحطه بالقدر ومع هالدجاج لا وكبسه على حطب يعني انا مدري من وين طآلع انا والطبخ ع الحطب خخخ قديم ..

أثري - قديم - بقوووه الله يرجني , ليه ماخذوني الجنادريه والله فاتهم << هنقلع

لا وكبسه سليق يعني مايمديك هههه وانا مادريت انه سليق

وقاعد افكر عند قدري وش ذا الرز ياولد عيا يشرب المويه له ساعه وزود ماشربها للحين عمى

بس اخر شي طلع سليق وانا اللي كنت احسبه رز خخخخ بس طعمه شي < احس العيال اللي كلوه زحلقوني بس انه شي والله < القرد بعين امه غزال

وبعد اخر شي احس انك مافهمت

كتبه على عجاله الفقير إلى الله أنا

ياربيييييييييييييييييييه مدر ي وش اقول

ورب البيت دوختني ذا الصوره

ماشاء الله تبارك الرحمن ووالله ذا الصوره تستاهل تنحط في كتاب طبخ

يعطيك العافيه وتسلم يدينك طبق جوناااااان

هلا والله اختي سمى

أولاً :

تقبل اللـه .. وحج مبرور وسعي مشكور > بـدري ,’

الله يجزاك خير يا سمى ما قصرتي

ما شـاء اللـه ما شـاء اللـه تبـارك اللـه .. صراحـه طبخـه شيء ,,

الله يسلمك هذا من ذوقك

بس لو اللـه فاكهـا من المشروم ×.× ’’

عـاد هـ النوع من الأكـلات سريع وما ياخـذ وقت .. وبنفس الوقت لذيذ ,

اما المشروم والله ياهي بدون المشروم ما تسوى <<< يحب المشروم بكثرة <<< تكفى


ومن جد ما تاخذ وقت لو انها من غير اللحم لان اللحم يطول بالسوا <<< سوا ولا موبايلي <<< كتبتها علشان ما يجي احد يقتبس ويكتبها لاني ما احبها لانها سامجة

* الصـورة الأولـى خطييييييييييره .. بس لو أطراف الصحن كلها طالعه ,,

من جد والله

يوم قريت كلامك رحت اشيك الصورة من جد لقيت الاطراف ما طلعت كلها <<< سوا اختراع


يمكن لاني لو بعدت الصورة شوي بتطلع اشياء مالها داعي مثل لون الجدار الازرق ولا اشياء اخرى تسبب الفشايل






سمى

يعطيك الف عافية على المرور وما قصرتي

هلا والله اخوي سري

تصير صديقي ؟

ما فيه مشكلة ابرسل لك فورم تعبيه وترسله لي بالايميل ويجيك الرد بعد شهر <<< برااا

ياخي ماشاء الله برابيسك ازين من مهايطي بالطبخ اذكر اني يوم ابربس سويت كبسه سليق احسبه رز !

هههههههههههههههه

اما عاد

عاد والله الى الان احيانا اذا جيت اطبخ تطلع مصايب

واكبر مصيبة اعاني منها اذا احترق الاكل الى الحين والله

وش دراني لقيت مكتوب رز مصري واحطه بالقدر ومع هالدجاج لا وكبسه على حطب يعني انا مدري من وين طآلع انا والطبخ ع الحطب خخخ قديم ..

ههههههههههههههههههههههههههههه

اجل كبسة سليييق

جديييدة ذي

وقاعد افكر عند قدري وش ذا الرز ياولد عيا يشرب المويه له ساعه وزود ماشربها للحين عمى

ههههههههههههههههههههههههههههههههه


اما ساعة ونص


عاد يبي لك تسوطه




سري

مشكور على المرور الي يوسع الصدر


ما قصرت

هلا والله اختي بنت سعد

ياربيييييييييييييييييييه مدر ي وش اقول

ورب البيت دوختني ذا الصوره

وش رايك ؟؟ <<<< ما يدري وش يقول توهق

ماشاء الله تبارك الرحمن ووالله ذا الصوره تستاهل تنحط في كتاب طبخ

يا مال العافية تسلمين والله

يعطيك العافيه وتسلم يدينك طبق جوناااااان

الله يعافيك والله وما قصرتي على المرور الي شرفني والله



مشكورة يا بنت سعد