كـيـكه بحـشوة الجــبن >>بالخطوات

الـــســـلاااامـ علــيــكمـ ..




اليوم الفجر وكالعادهـ وقت البربسه وتصليح الحلى عشان يكون العصر جاهز ..
دخلت المطبخ بصلح حـلى وألاي توي شايفه طبخة أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

اختي ام سعد مشكوراختي علي الكيكه زلازم احط جبن اقدر احط مثل مربي او فروالة ...

وش ذا الزين ..

والله ثلاجتنا .. ( مُلَغَّمَةْ ) فيها من الحلا .. اللي يوسع الصدر .. عندنا عزيمة تسبيره اليوم بالليل .. ان شالله لي نصيب من ذا الحلويات ..

المهم ..

ام سعد :

والله شكلها تصلح العصر مع شاهي .. وشيشه < برآآ

امززح .. بس والله شكلها راااايقه .. واللي في الصحن تحت سكر بني ؟ .. ولا اثار احتراق ؟ < والله بالتصوير مهوب مبين ..


بس ازين شي الملعقه والشوكه .. بس ..طبعا بعد الكيكه < اخاف تزعل بعد ..

..

والغيره شبَّت من ابو ربيع ..

معليتس معدنيب معلمه يطبخ < برآآتين ,, ..

الى الامام .. وعقبال ما نشوفتس تطبخين بقدر ذبايح .. ..


تحياااتي ..

مشكووووووره ام سعد على الكيكه الي ملت بطني

وعليكم السلام ورحمة الله وبركاته


مـاشــــــاء الله تبــــــــارك عليـــــك والله أنــك سنعــــــه وظفــــــرة


بـــــديتــــــي تطلعـــــين الحــاجــــات الحلــــــــــوة اللــــــي دافنتهـــــا


كــل فتـــرة نشـــــوف طبخـــــه ولا حلــــى هـــــذا هـــو السنـــــع بعينـــــــــه


كــل شـــي مـــرتــــب وعلـــى حســـــب الأصــــــول وعلـــــى


حســـب الخطـــــه المــرســــومـــه والمــــدروســــــــه


الكيكـــــــه مــــــرة شكلهــــــا حلــــــــــوة بــــس لــــو أنهـــــا بـــــدون جبــــن لأنـــي مـا أحبـــــه


بــاقـــــي أختنـــــا بنــــت سعــــــــد نشــــوف لهـــــــــا طبخـــــه ولا حلــــى


يعطيـــــك العـــــافيـــــــه أخــــــتي الفــــاضلــــه أم سعـــــــــد علــــــى هـالكيكـــــة مـاقصـــرتــــــي


دمـــــــــــتي بحفـــــــــــــــــظ الـرحمــــــــــــن


أخوك إبراهيم اليحيى ( العسكري )

وعليكم السلام ورحمة الله وبركاته



ما شاء الله عليك يا ام سعد


مرتن سنعه ...اجل ما تجيكي الافكار الا الفجر وحنا الحين العصر


يا حظكم اجل بتتقهون وتاكلونها ...!



ربي يسعد قلبك وايامك وتسلم هالايادي ياااارب


وعليـــــــــــــــــــــكم بالعافيه

وعليكم السلام ورحمة الله وبركاته


ما شاء الله يام سعد اجل لو اني داري كان من زمان حاط الموضوع هذاك <<< ترجموا بالله



ما شاء الله شغل سنع وزين بالحيل

اليوم الفجر وكالعادهـ وقت البربسه وتصليح الحلى

ما شاء الله اجل نفس الحالة ما تحلو البربسة الا الفجريات

قلــت وش حـيثه يحط طبخاته بالخطوات وانا مغير صوره وقت التقديم..

اهم شي وش حيثه عساها في الموروث ولا مهيب من موروثنا ؟؟

مع العلم ان صورته بالحقيقه احلى بس مشكلة التصوير عندي زفت دائم ويظلم اطباقي >>الله والاطباق

ترى من جد الكاميرا تلعب دور كبيييييييير في شكل الصورة

يبيلي اعطيك كم كورس بالتصوير

ترى لازم تسوينها بدون فلاش ولازم تحطين وضع التقريب ( مايكرو ) تجي الصورة اوضح وازين










اما حركة الشوكة والملعقة من جد خياااااااالية

بس وشو الي راشته كاكاو بودر ولا سكر بني ؟؟





ما شاء الله يا ام سعد من جد والله ما قصرتي حلى روعة

اجل ابدلي كل يوم احط موضوع دامك بتحطين لنا من هالمواضيع الزينة


يعطيك الف عافية على هالحلا الزين


ما قصرتي

المشاركة الأصلية كتبت بواسطة نصراوي وافتخر

اختي ام سعد مشكوراختي علي الكيكه زلازم احط جبن اقدر احط مثل مربي او فروالة ...

والله ماقد جربت احطهم بنفس ذا الكــيكه .. فمدري كيف بيصير طعمها ..

عموماً.. جربوا الي يجوز لكم وان شاءالله تضبط ..

يعطيك العافيه اخـوي على الرد ..

غــره زمانه ..

وش ذا الزين ..
والله ثلاجتنا .. ( مُلَغَّمَةْ ) فيها من الحلا .. اللي يوسع الصدر .. عندنا عزيمة تسبيره اليوم بالليل .. ان شالله لي نصيب من ذا الحلويات ..

الله يقويكم .. وعليكم بالعافيه ..

المهم ..
ام سعد :
والله شكلها تصلح العصر مع شاهي .. وشيشه < برآآ

ههههههه
عاد من جد تصلح مع الشاهي لان حلاها مش قوي .. يعني خفيف بالحيل احنا كليناها مع الشاهي ..

امززح .. بس والله شكلها راااايقه .. واللي في الصحن تحت سكر بني ؟ .. ولا اثار احتراق ؟ < والله بالتصوير مهوب مبين ..

اي صــحــن تقصد ..؟؟
عموماً مافيها اي اثر احتراق على قولتك ..يمكن السكر البني او الحشوه..

بس ازين شي الملعقه والشوكه .. بس ..طبعا بعد الكيكه < اخاف تزعل بعد ..

لاااا وش دعوى ازعــل .. اصلا خابره ان الكيكه زينه >>ثقه

والغيره شبَّت من ابو ربيع ..
معليتس معدنيب معلمه يطبخ < برآآتين ,, ..

اي والله انا صرنا نغار مره >>اشوا انه مهوب مره ولاتسان انواع الغيره من جد

الى الامام .. وعقبال ما نشوفتس تطبخين بقدر ذبايح .. ..

يالله المــستعان ..

يعطيك العافيه ياخــيي على هالمشاركه الي توصع الصدر ..

ماقصرت ..

المشاركة الأصلية كتبت بواسطة هدفي فله

مشكووووووره ام سعد على الكيكه الي ملت بطني

العفوووو .. شاكره لك حضورك

الــعــسـكري ..

حياااااك الله اخــوي ..

مـاشــــــاء الله تبــــــــارك عليـــــك والله أنــك سنعــــــه وظفــــــرة
الله يعافيك وهذا بعض مالديكم ..

بـــــديتــــــي تطلعـــــين الحــاجــــات الحلــــــــــوة اللــــــي دافنتهـــــا
كــل فتـــرة نشـــــوف طبخـــــه ولا حلــــى هـــــذا هـــو السنـــــع بعينـــــــــه

مشكور والله يسلمك على ذا الاطراء ..

كــل شـــي مـــرتــــب وعلـــى حســـــب الأصــــــول وعلـــــى
حســـب الخطـــــه المــرســــومـــه والمــــدروســــــــه

يمال العافيه والله ..

الكيكـــــــه مــــــرة شكلهــــــا حلــــــــــوة بــــس لــــو أنهـــــا بـــــدون جبــــن لأنـــي مـا أحبـــــه

يــؤ ...!! الله يعينك عاد اغلب ان ما كان كل انواع الحلى بجبن .. خاصه التشيز كيك اساسي فيه ..

بــاقـــــي أختنـــــا بنــــت سعــــــــد نشــــوف لهـــــــــا طبخـــــه ولا حلــــى

على كثر ما تطبخ الا انها مهيب راعية تصوير وخرابيط .. لكن نتمى نشوف لها مشاركه في القسم ..

يعطيـــــك العـــــافيـــــــه أخــــــتي الفــــاضلــــه أم سعـــــــــد علــــــى هـالكيكـــــة مـاقصـــرتــــــي

الله يعافيك ..
ماقصرت على هالمشاركــه والرد ..

ماشاء الله عليك ياام سعد انا اشهد انتس سنعه
انا مع نصراوي لو مربى فراوله يمكن احلى خصوصا اني مااحب الجبن الله يديم النعمه
يعطيك العافيه ياام سعد ماقصرتي

امـ محــــمد ..


يااااهلاااا والله .. اسفرت وانورت ..



نورتي المطــبخ ..

ما شاء الله عليك يا ام سعد مرتن سنعه ...

ماعليتس زود .. وان شاءالله نشوف لتس مشاركه معنا لاني متأكده انتس سنعه من جد..

اجل ما تجيكي الافكار الا الفجر وحنا الحين العصر

ايه عاد وش اسوي الفجر هو وقت الفضاوه ووقت الحلى لاني ما احب ادخل المطبخ وقت طبخ الغداء او العشاء والحوسه ..

يا حظكم اجل بتتقهون وتاكلونها ...!

عاد تدرين اني مصلحتها من الاربعاء ولليوم وهي بثلجه ما انكلت .. عندي ناس استغفرالله يعذربون ويتشرطون مايبون الا تشيز كيك >>فاضة لهم هذا يبي له يوم صلحي كيك وفتتيه ومدري وشو >>تراها ام محمد مهيب امتس تشكين

ربي يسعد قلبك وايامك وتسلم هالايادي ياااارب
وعليـــــــــــــــــــــكم بالعافيه

الله يعافيك ياعمري .. وتسلمين على المشاركه والرد ماقصرتي ..

ابو ربيــع ..

يالله حــي شيف المنتدى ..

ما شاء الله يام سعد اجل لو اني داري كان من زمان حاط الموضوع هذاك <<< ترجموا بالله

ايه شفت هذا نتيجة الغيره

ما شاء الله شغل سنع وزين بالحيل

ماعليك زود

ما شاء الله اجل نفس الحالة ما تحلو البربسة الا الفجريات

لا عاد انا بس الحلويات لانه اساسا وقتها عشان العصر ولا الضحى يتقهوون عليها
اوما انت الوجبات الدسمه اجل كبسات مع الفجر الله يهيدك>>ليتتس تصلحينها لو الفجر

اهم شي وش حيثه عساها في الموروث ولا مهيب من موروثنا ؟؟

هااااو الا من موروثنا ونص .. وحطينها في الديوانيه بعد

ترى من جد الكاميرا تلعب دور كبيييييييير في شكل الصورة
يبيلي اعطيك كم كورس بالتصوير
ترى لازم تسوينها بدون فلاش ولازم تحطين وضع التقريب ( مايكرو ) تجي الصورة اوضح وازين

اي والله يبي لي كورس مكثف بعد .. من جد الا صلحت الشي وجاز لي وصورته كرهته
مهوب بالجوال بعد حتى الكاميرا شريت كانون ولاعرفت استخدمها ..

اما حركة الشوكة والملعقة من جد خياااااااالية
بس وشو الي راشته كاكاو بودر ولا سكر بني ؟؟

لاااا ماذبطت لاني من الربشه الزايده حستها ..
والي راشته كاكاو ..

ما شاء الله يا ام سعد من جد والله ما قصرتي حلى روعة
اجل ابدلي كل يوم احط موضوع دامك بتحطين لنا من هالمواضيع الزينة

الله يعافيك .. وان شاءالله ابحاول اغصب عمري وما احط شي الا بالخطوات مثلكم >>لحوول يالغيره

يعطيك الف عافية على هالحلا الزين
ما قصرتي

الله يعافيك وجعلك تسلم على هالرد ..

المشاركة الأصلية كتبت بواسطة السهران

ماشاء الله عليك ياام سعد انا اشهد انتس سنعه
انا مع نصراوي لو مربى فراوله يمكن احلى خصوصا اني مااحب الجبن الله يديم النعمه
يعطيك العافيه ياام سعد ماقصرتي

هلاااا حياك الله اخوي السهران ..

والله انكم غريبين على ذا الجبن ..


خصوصا ان اغلب الحلويات فيها جبن .. بس شكلكم تاكلون ولاتدرون عنه



عموما جرب الفراوله يمكن تطلع حلوه بس بدون ماتكون الكيكه باشلكولاته يعني خلها ساده ..



يعطيك العافيه وماقصرت على المشاركه ..