مــكياج رجالي >>ادخل وتمكيج قبل العيد

الســــــلامــ عليكمــ ...


موضوعي اليوم بصراحه وبكل اسف عن المكياج الرجــالي ...>>ياحيف على هيك شوارب
اكيد اغلــبكم قد سمع فيه .. او شافه .. ويمكن البعض جربه ..

قبل ما ابدى موضوعي واعرض صور الميك أب الرجالي >>ماتجي والله أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

أختي جروح الوقت
وعليكم السلام ورحمة الله وبركاته
الصور ماظهرت عندي ، لكني لا أرى للبهرج (المكياج) داع ٍ للنساء فما بالك بالرجال وقد لعن رسول الله صلى الله عليه وسلم المتشبهين بالنساء.

وش خلـوا للحريـم ؟ّ!

اذا جينـا للشكـل أصـلا مقـزز أعوذ باللـه >_< !!

وإذا جينـا للحكـم الشرعـي .. قـال رسـول - اللـه صلـى اللـه عليـه وسلـم - :

(( لعـن اللـه المتشبهيـن من الرجـال بالنسـاء والمتشبهـات مـن النسـاء بالرجـال )) .. رواه البخـاري ,’

أعــوذ باللـه >.< .. طـرد مـن رحمـة اللـه .. عشـان يلـون شــفايفـه ويخليـها ممتليـه .,

يعنـي تخيلـي خالـك ولا عمـك ولا أخـوك حـاطـه ( اللـه لا يقـوله ) .. ما تشتهيـن تناظريـنـه أصـلا ,’

ما نقـول الا اللـهم كملنـا بعقـولنـا ,’

عـافـاك اللـه يـا جـروح على الجهـد .. ما تقصريـن واللـه ,’

من زينهم بعد مكياج الله لا يبلانا
مشكوره ياجروح الوقت

استغفر الله وشذا

كحل بعد

مسكره
منفخ الشفايف

ويييع

مشكوره خيتو ع الموضوع

والله انهبلت يوم شفت عنوان الموضوع


وانهبلت اكثر يوم انك انتي الي كاتبته مير اشوى ان رايك غير فكرة الموضوع



وبالنسبة للكحل

عندي اضافة قريتها في حدا المنتديات :

أختلف العلماء في الاكتحال على أربعة أقوال:
1- يستحب اكتحال الرجال بالإثمد على الاطلاق ،وهو قول الشافعية والحنابلة.
2- يباح اكتحال الرجال للزينة،وهو منقول عن الامام مالك.
3- يكره اكتحال الرجل للزينة ،ويباح لغيرها،وهو قول الحنفية.
4- يحرم اكتحال الرجل للزينة،ويباح لغيرها،وهوقول المالكية والمذهب عندهم.

أحكام الزينة لعبير المديفر ( 2/511-516).وقد بحثت المسألة بحثاً جيداً وذكرت أن اللجنة الدائمة أجازت الكحل للرجل وهذا موجود في فتاوى اللجنة(5/205).

أما الشيخ محمد بن عثيمين _رحمه الله تعالى_ فقد تنوعت فتواه في ذلك
في الشرح الممتع1/129قال:(أما الاكتحال الذي لتجميل العين فهل هو مشروع للرجل أو للأنثى فقط؟
الظاهر أنه مشروع للأنثى فقط ،أما الرجل فليس بحاجة إلى تجميل عينيه.
وقد يقال :إنه مشروع للرجل أيضاً،لأن النبي صلى الله عليه وسلم لما سئل :إن إحدنا يحب أن يكون نعله حسناً،وثوبه حسناً فقال صلى الله عليه وسلم:(إن الله جميل يحب الجمال) .
وقد يقال :إذا كان في عين الرجل عيب يحتاج إلى الاكتحال فهو مشروع له ،وإلا فلا).
وفي فتوى يقول:( الاكتحال نوعان :
أحدهما : اكتحال لتقوية البصر وجلاء الغشاوة من العين وتنظيفها وتطهيرها بدون أن يكون له جمال ، فهذا لا بأس به ، بل إنه مما ينبغي فعله ، لأن النبي صلى الله عليه وسلم كان يكتحل في عينيه ، ولاسيما إذا كان بالإثمد .
النوع الثاني : ما يقصد به الجمال والزينة ، فهذا للنساء مطلوب ، لأن المرأة مطلوب منها أن تتجمل لزوجها .
وأما الرجال فمحل نظر ، وأنا أتوقف فيه ، وقد يفرق فيه بين الشاب الذي يخشى من اكتحاله فتنه فيمنع ، وبين الكبير الذي لا يخشى ذلك من اكتحاله فلا يمنع ).

واخبر فيه شايب في الشعراء الكحل ما قد ساح من عينه


مشكورة جروح على الموضوع وما قصرتي

وعليكم السلام ورحمة الله وبركاته

مايحــــط المكيـــــاج مـــن الرجــــــال ألا قــــــوم مجـــــــدي إلـــي هـــــم الخكــاريــــــه اللـــي يتشبهــــون بالنســاء

وأكثــر اللــي يتزوجــــون الأن يروح للحـــلاق ومايخلـــي شــي ماحطــــه علـــى وجهــــــه مــن المكيـــاج

أنـا يوم زواجـــي منعـــم قـــدام الغســاله في بيت أختي بالدوادمي ودهنـــت وجهـــي بكريـم جليســوليد وقــام يتلاصــق مــن الحـــر

وغسلتـــه بمويــه صحــــه وحنــا واقفيــن متجمعيــن علــى شـــان التســــيار لقصـــر الزواج حق الصالـــــح

لكــن الحمـــدلله الله مجملنــــا بــــدون مكيـــــاج جميليــــن بأخـــــلاقنــــا

أبوربيـــــــــــع عــــرفــت الرجــــال كـل مامريت شفـــته

مشكـــــورة أخــــتي الفـــاضلــــه جـــــروح الـوقـــت علـــى المـــــوضـــوع

دمــــتي أخـــتي برعـــــاية الله وتوفيقـــــــــــه

أخوك إبراهيم اليحيى ( العسكري )

<< ماتو الرجال بالخفجي




واازين اللي التان ياناس

طيب هالشي يصلح أستخدمه أنا ولا بخرب وجههي ؟؟


يعن بس لهم ماتصلح لنا << والله من زين السؤال

يسلموو خيتوو...

نعم من زينهم هالحين ممشقين ووجيهم شهب ومكياج
ههههههههههههههههههههههههههههههههههههههههههههههههههههههه

الله لايبلنا بس والله معرس ولا مهوب معرس وش له بهل خرااابيط

انا مادري ليش انتم معارضين ان الرجال يتزين ,,بس يكون بحد المعقول
هو صح انه اريح لو مايحط وكل شي على طبيعته احلى
والله مكياجهم مايبيله شي واغراضهم شوي اما حنا البنات والله ضعيفات شنطة سفر كلها مكياج هذا غير اللي ضايع منه <<< والله انهن ضعيفات




ماقصرتي جوجو <<<مدلعتس

جروح بكآمل قواتس العقليه وانتي تكتبين ؟

هيييه سمى ساراي وش تحسون به .. وراكم وهقتونا عاد وش السفهآء .. ووش اللي ماخلوا شي للحريم ..

شفتونا حاطينه مثلآ ؟ الغريب ان كل ردود العيال اللي فوق تزبيد يعني ماحد قال بحط ..

بعدين الرجآل يبقى على ماهو عليه ..

ومآشوف لهآ دآعلي وهالآشيآء مايزينها الا ( اشبآه الرجال ) وآنتم عارفينهم اللي آغلبهم في جده واللي آعوذ بآلله صرآويلهم مالها مغاط مغير تنصل ..

لكن مسآله وش خلو للحريم هذي ماتنقال .. لآن آتحدى وحده منكم تقول ان كل الرجآل يسوون كذا ..

ولآ آن وقفت على كذا آٌقدر آقٌول البنت وش خلت للولد من قصة الشعور البوي مدري وشي <<

وبعدين الرجآل مايحب اي شي ينقص من رجولته فـ كيف بهاللي حآطتهن بالصور يشخبط بها على وجهه!

الموهيم بس ماعلينا حصل خير ..

هيييه سمى ساراي وش تحسون به .. وراكم وهقتونا عاد وش السفهآء .. ووش اللي ماخلوا شي للحريم ..

ما قلنـا أنتـم !!

محشـوميـن واللـه .. احنا نتكلم عـن اللـي يحطـونهـن ,’

واعذريني يا جروح رديت مرتين ,.

8
8
8

آجل العذر والسموحه لاني اتنرفز من هالاشيآء على طول..

آشوا والله قلت طايحين من عينهم مره

ومدري ترا مع الحمآس يا سمى آتفلت وبعضكم خابرني آعصب بسرعه على طول تقفل لآن هالحـركآت آكرها كرهـي لـ نور يوم يسجل هدفه ذآك بس هالحين متسامحين معه << عز الله يوم دج وسط منتخبكم

آسفين بعد حنا ردنا الثاني

ياشبااااااب تراكم ظلمتوا المره اقروا الموضوع لين الاخير .. مهوب من وسط الموضوع تحكمون عليها


وبتعرفون كل شي ...

انا صراحه لا اخفيكم احسب الموضوع نكته ولا شي بعدين طلع اجد ؟!! .. انهبلت والله
بس يوم قريت اخر شي عرفت انها تتمسخر عليهم


ارجع واقول لاتحكمون لين تقرون الموضوع كامل


مشكورة جروح على موضوعك والله لا يبلانا مثل ما ابتلاهم

بس اكثر شي ضحكت عليه مكبر الشفايف هههههههههههههههههههههههههههههههههه

اذا الحريم ينقدون عليهم وشلون الرجال ...

محمد بن عبدالله ..

لكني لا أرى للبهرج (المكياج) داع ٍ للنساء

وجــهة نظر غريبه .. لكــن احترمها ..

لكن مهوب كل المكياج بهرجه يعني مكياج عن مكياج يفرق ..
فيه بعض الحريم الله يهديهم تلطخ بوجها من هالالوان فتصير كنها مهرج ولاكراسة بزر بأول ابتدائي..
لكن اذا الوحده استخدمته بدقه وعدم مبالغه محس فيها شي بالعكس هذا من الاهتمام بالنفس والاناقه ..

وقد لعن رسول الله صلى الله عليه وسلم المتشبهين بالنساء.

صــلى الله عليه وسلم ..


كل الشكر لك وتواجدك اخي الفاضل ..