ديوان الشاعر سعد بن جريس رحمه الله

هذه القصيده قالها بن جريس عندما عرض عليه احد الاشخاص مزرعته او فلته مقابل ناقه من نياق بن جريس يقال لها ( العلياء ) فرفض كعادته هذا العرض وقال هذه القصيده /

ما اهبلك ياسايم العليا وباغيها = وانته بقصرِ جديد وزابنِ ظله
المزرعه كلها مانيب ادانيها = واللي يبيها عساها تصير رزقِ له
والله لو تنبت اللولو سواقيها = لا ابغى المزارع والي شف بالفله
شفي بوضحِ توسع صدر راعيها = مرباعها بلمره وتبل و مظله
وارض العراقي وطتها في سماريها = والعشب كبر الشجر وتهج من ظله
البل تبغى لها راعِ يقديها = يقوم في حقها ويكمله كله
تبغى لها واحد يتبع مماشيها = يعزها وهي بالمعروف عزِ له
يقني ويجلب ويعطي من دوانيها = لاجاه رجلِ عزيز ومونسن خله
ومن لافعل مثل قولي عيب يقنيها = يحط له فرق في شبكن يقابل له
ترى المراجل عسيرات مراقيها = احدِ تكوده واحدِ ربي يسهل له

بالمره و تبل و مظله : اسماء لاوديه شمال حزم الجلاميد على الحدود السعوديه العراقيه.



.

الخيل عشقي

رحم الله خآلك و آسكنه فسيح جنآته

آمتعتنآ بهن وآصل وعسآك ع القووووه

مشكور على مجهودك

اللهم امين الله يرحمه ويجمعنا به في جناة النعيم


لاشكر على واجب وشاكر لك متابعتك

ما اهبلك ياللي تسوم الذود = من عقب ما لاح براقي
علي من لحيتي منقود = ان بعت وارخصت بنياقي
نبي نتيه بنات القود = نضربهن كل الافاقي
نسع الغوارب وزين خدود = من شافهن فرح و اشتاقي
ولاني على بيعهن محدود = ولا اسمع بهن هرج ملاقي
ابيه لاحك عودِ عود = وجا للمحاويل صعفاقي
كلن مشى مبدِ المجهود = والى انهن قدم خفاقي
وابيه لا ردد المردود = لا مت لذكرهن باقي
وراعي الزراعه هو المقرود = مربوط مايطلق اطلاقي
ودى الصوامع جميع الفود = قالوا قضى والحق الباقي
باقي عليكم ثلاث اقصود = وقام يترجى بالافهاقي

البل بياعهن عساه للناري = كود ظروفه من الحاجه يحدنه
البل من خلقت الدنيا لهن كاري = كم واحد من بعيد الدار ودنه
كبيتوا البل مع زينات الادواري = ولابد من دورةِ ترجع عليهنه
ولا كبهن كود من عاجز ومنهاري = ومن قال للبيض معهن مايطيعنه
والله ما اطاوع بهن عمسين الاشواري = اللي يقولون جبهن ثم بعهنه
لاعاد شقحِ تكاشف مثل الانواري = مهبلك ياللي تحسب وش ثمنهنه
وان جاني اللي يبي يشري و يختاري = من دونها شايبِ ضاق وكشر سنه
البل تبغى لها طيب وصباري = في كل يمه جديد القفر يرعنه
وان قال شافوا ابروق ويذكر الطاري = حقِ نعسه وهن بالخف ياطنه
والبل تبغى لها مسند ومحداري = محدار للوسم والمسناد للكنه
البل من دونهن كاسات الامراري = كم واحدِ جت وفاته من سببهنه
والله لغني بهن لو صار ما صاري = ماني بمخطي واظن اني على السنه

ترى البل شرهتها على واحدِ وبال = قوي الروابع كل درب يتهقوا به
وانا من ربيع اول وانا ماشيِ حوال = الين انها راجت على لبة احرابه
تفرك بعشبِ غاديِ له زهر وظلال = جديد النبات ويعجب اللي تمشابه
ونيسِ جنابه ماوطي به عقب ماسال = يقع بنت علياء والهلاله تثنا به
تثنى بجوِ ما بعد طبه النزال = ياكوم ام سالم ترفع الصوت لعابه
اكلنا ربيع الغرب والشرق والشمال = ورجعنا على صيف الجنوب انتهنا به
بنانيها بظهورها كنها الازوال = حلال هله تغليه ماهي بجلابه

التبن ما والله تحطه بفمها = مدام راسي حي واهنه مغاتير
ما دام هي تمشي ويذري نسمها = والرزق عند الله حسين التدابير
والله ليا شاف الهزيله رحمها = وانشاء لها نوِ سحابه مزابير
وامطر على كل الديار وكهمها = وديانها تكسى بزين النواوير
تسمن به العراء ويكثر شحمها = زود السنام مهدلين الاباهير
واهل الغنم ترجع وتسمن غنمها = وتبيع في خضر الورق و الدنانير

البل فرقت القلوب المواليف = والبيض تقعد كن مالله خلقها
حقِ علينا نطنف العفر تطنيف = يومِ ردي الرابعه ما شبقها
نتبع هواها لين وقنا على السيف = تقطف زماليق الزهر من ورقها
نصبر على كثر التعب و التكاليف = لين انها سمنت وحول عرقها
وقالوا نشا مزنِ سحابه مراديف = خطرِ على نجد المسمى غرقها
واستقبلت لديار اهلها مقانيف = تصفق على السفوه وترتع برقها
مقياظها هاك العبال القراقيف = استانست بديارها عن حمقها
واستاسع الخاطر وجت زينة الكيف = كم حايل تطبخ ويطهى مرقها
ولا عاد خلينا عليها تحاسيف = وارزاقها بيدين ربِ خلقها

عزوتي الخيل عشقي / الله يرحم خالكـ ويسكنه فسيح جناته

شاعر له ثقله في مجال الشعر

وأهنيكـ على " فكرة الديوان "

بادرهـ حلوهـ لتنثر لنا قصائد

وأبداعات شاعرنا / سعد بن جريس " رحمه الله "

موضوعكـ يستاهل التقيم...

وواصل ابداعاتكـ

فما زلت متابع..

كان هنا

بكل تواضع

أخوكـ / متعب " أبو عبدالله "

ياما حلا عقب المطر شبة النار = يازين شبتها بخطوى الخميله
في ماقعن ماجاه مذهب ودوار = سيله من الوسمي يجرح مسيله
تلقى زبيديه مصاليع وكبار = وعشبِ على بعد المدى ينعني له
وجونا معسست القدايم بالاذكار = وقالوا ارحلوا لو المسافه طويله
وشلنا على اللي يقربن نازح الدار = واللي يبي المقعاد نترك سبيله
نبرا لذيدانِ يشوقن الانظار = وحنا دلايلها بليا دليله
واللتمت البدوان من كل الاقطار = وكلن يبي بعد المعشى يجيله
وقامت تباوع فيه زينات الاوبار = عفراء و صفراء والمجهم قليله
وطبت بجوِ به خزامى و نوار = وتقابلت بالروض تسعين ليله
احسن من اللي جالسِ فوق دوار = إذا قضى زامه رجع للحليله
هذا خياري يوم كلن له خيار = وكلن على مافيه ينضح صميله

البل من دونهـن كاسـات الامـراري

كم واحدِ جت وفاتـه مـن سببهنـه

والله لغني بهن لو صار مـا صـاري

ماني بمخطي واظن اني على السنـه

ماشالله ابدع الشـآعـر : سعد بن جريس .. رحمه الله

الله يرحم خالك ويسكنه فسيح جناته ..

والبل تستاهل هالعشق ..

لاهنت يبو عبدالله على كتآبة الديوآن ..

الله يعافيك .. ما قصرت ..

ريــآن

كان بعض اصدقاء بن جريس من الباديه يمازحونه دائما بقولهم انت يابن جريس وش عرفك فالبل انتم يالحضر اهل بقر


وفي ذات يوم كان متوجها لأولائك البدو في قريتهم القريبه من الدوادمي وعندما دخل الهجره وجد البقر مربض في الشارع وفي وسط الطريق



فتذكر كلامهم وعندما وصلهم وتقهوو قال احد الجالسين وش جديدك يابن جريس ؟؟



قال جديدي مايصلح لكم !! قالو كل اللي تقوله يصلح لنا بس علمنا به


قال اجل استلموا :

سبحان رب دبر الكون تدبير = اللي على بعض الخلايق نصرنا
حنا سبقناكم واخذنا المغاتير = وانتم عقبتونا وخذتو بقرنا
هذا كلامِ مثل دق المسامير = وليا هرجنا هرجةِ ما اعتذرنا
وعندي على قولي شهود وتقارير = احدِ بديرتكم واحدِ في ديرنا

الله يرحم خالكـ ويسكنه فسيح جناته

شاعر له ثقله في مجال الشعر

وأهنيكـ على " فكرة الديوان "

بادرهـ حلوهـ لتنثر لنا قصائد

وأبداعات شاعرنا / سعد بن جريس " رحمه الله "

موضوعكـ يستاهل التقيم...

وواصل ابداعاتكـ

فما زلت متابع..

كان هنا

بكل تواضع

أخوكـ / متعب " أبو عبدالله "

اللهم امين الله يرحمه ويجمعنا به في جنات النعيم



شاكر لك مرورك وتعليقك لاعدمنا تواصلك

الله يرحم خالك ويسكنه فسيح جناته ..

والبل تستاهل هالعشق ..

لاهنت يبو عبدالله على كتآبة الديوآن ..

الله يعافيك .. ما قصرت ..

ريــآن

اللهم امين الله يرحمه ويجمعنا به في جنات النعيم اللهم امين





شاكر لك مرورك ومتابعتك وردك لاعدمنا تواصلكم

منيحة الديره طويلِ ذنبها = برقن دغادغها وتملى المواعين
والبل عند الله كبيرِ حسبها = ميزانها يرجح بكل الموازين

يا عذاب اللي تجيه المالطيه = كل يومِ والحبوب معاقباته
ينصحون الربع عن شوف المطيه = وكل قلبِ مايعود عن شفاته
حالفِ ما اتركك يالعفرا الثنيه = كود قاضي المحكمه يترك صلاته
والردي حتيش لو يزرى عليه = ماعلينا من حكاه ومن شماته
وراضيِ باللي قسم رب البريه = خالقِ خلقه معيشه في حياته