اللاعب الإيراني مهدي شيري نصرآآوي ..

تعاقدت إدارة النصر مع اللاعب الإيراني مهدي شيري

وهذا ما تميزت به اللجنة قبل يومين وانفردت بالخبر لأعضاء وزوار هذا المنتدى

ويبلغ اللاعب من العمر 30 سنة ويلعب في خط الوسط

ويحتل ترتيب فريقه المركز التاسع بالدوري الإيراني .



اللجنة الإعلامية لشبكة ومنتديات النصر كلوب

وهذي روآآبط للاعب : < أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

الله يطرح فيه البركه..ويطعمنا من خيره ويكفينا شره|٤٤|

مع اني احس انه شايب شوي..بس الله يوفقه معنا ونشوف ابداعه

مشكور ابو تيماء يعطيك العافيه

قريت الخبر ..

آدارتنا زاحفه ... والله العظيم ..

نبي الدكتور الربيعه يفصل بين لجنة التعاقدات ورقم ثلاثه !!!!

ياناس خافو الله فينا الى متى وحنا نجيب شياب ..؟ الى متى وكل ماتعاقدنا مع لاعب يطلع ابو ثلاثين وفوق ..

آنا اتوقع ان كل هذي التحركات ماهي الا محاوله لتدشين ( دآر العجزة ) في النادي !!!!

ومالنا الا نتفائل وياكثر ماتفائلنا ..

وكلنا شفتا ايدير ابو الثلاثين وقدم مستوى حلو .. يعني ان شاء الله نتأمل خير بهاللاعب مع اني ماهقيته ..

بس هاللاعب حتى اليوتيوب وقوقل مايعرفونه :(

شوكرن ..

تسني قريت خبر عدل النفسيه شوي

بندر الرشود-الرياض
ويمتاز اللاعب بالتسديد بكلتا قدميه ويجيد التهديف وصناعة اللعب وقد حصل على جائزة أفضل لاعب في إيران 2007.

الله يوفقه مع النصر ..

8
8

مآقلنا شي المشكله مهيب في العمر بس .. ولا لو العمر شوفي ندفد وديل بييرو ..

ولكن المذكورين واللي ذكرتيهم ( أعمده ) مهمين في منتخباتهم ..!!

هاللاعب آشوا مير فريت موقع الويكبيديا وقريت انه عام 2000-2001 لعب بالمنتخب الايراني ..

اشوا ..

لكن الصدمه يا سااراي واللي تشوفينها على النصراويين .. اننا توقعنا الاداره تجيب لاعب ( فايف ستار ) وعمود من اعمدة منتخب بلاده .. ولاعب يهز الشارع الرياضي بحكم ان النصر ضيع بطوله و زيدي عليها مستويات زفت ..

ولا من ناحية الجنسيه كلنا تفائلنا يوم سمعنا انه ايراني لآنهم معروفين بالبنيه الجسمانيه لا وقايلين خلاص جواد نيكونام مافيها كلام ..

فـ بكل اختصار كانت صدمه اننا نتعاقد مع لاعب كبير وغير كذا مجهول ..

المشكله تجربته مع المنتخب ماكانت ناجحه ..

و انا معك ان الكوره ماتهتم بالتاريخ و عطها تعطيك .. ولا كان ما فشل دينلسون .. ذاك اللاعب اللي حمل كآس العالم للمنتخبات !! ذاك اللاعب صاحب الشهره العالميه والاسم العريض ..

وآخرتها ( بلنتي على القادسيه .. فاول على الفيصلي ) ..

ساراي آوضاع النصر حاليا تبغا صانع لعب متمكن تبي لآعب زي ماتياس فرنانديز .. مهوب صانع لعب يلعب لي في دوري آقدر اقول متوسط هذا اذا مهوب ضعيف .. وليته اثبت نفسه ..

آنا ماحب احكم على اللاعب من اسمه..

فهو كسآابقه من اللاعبين اللي جو ماحكم عليه الا بعد خمس مباريات وفوق ..

وتوقعنا بعد المصايب اللي حلت بالنادي انهم بيراضونا بلاعب قنبله بلاعب فلته .. وآخرتها هذا

لكن كل اللي فيني صدمه .. ايه صدمه .. والله حرآم شوفي شبكة العالمي مابقا لاعب ماكتبنا عنه تقارير وتغطيه واللي يقهر ان الانديه الثانيه تفاوضه !!!

إندو يفاوضه الاهلي .. افضل لاعب باسياء يفاوضه الاتي .. ثالث لاعب بكاس العالم للانديه يفاوضه الاتي والاهلي :(

ويعني مفاوضات جاده ..

يعني ساراي تظنين اللجنه الرباعيه اللي مختاره ؟ لو اللجنه تختار كان شفنا ماجد كيف ينتق اللاعبين .. لكن الاكيد الاداره تفرض عليهم اسماء

ولا ماجد بيوافق على مدخلي !!

او الاداره تقولهم تعاقدوا تحت شعار ( رخيس بس كويس ) !! يآخوي اسدحوا الريال الله يرحملي امن جابتكم اعتقونا لوجه الله لابوكم لابوتسلب

قآل الرئيس الذهبي .. ياعمي الا المصدي .. << لان الامور اللي تصير بالنادي والله ماجاب خبرها وآسالوه وش لون طقم الفريق بيقول كستنائي

يآشيني اذا عصبت << < من دون نفس

يالله الله يوفدزه ان شاء الله .. ويكتب له انجازات مع النصر ..

انتي من جدتس يوم تسالين عن المدرب ..؟ ماعندنا اللي يدربنا حاليا حق درجة الشباب ..

وغير كذا اللجنه الرباعيه بالتاكيد هي المسآوله عن استقطاب اللاعبين ..

لكن حنا عندنا اداره ذهبيه .. تطرح الاسماء على اللجنه وتقول اختارو !! << طبعا من خلال تحليلي لهم ..

لانه موب معقول ان ماجد وغيره من المختصين بيختارون كديش !! وسبق وماجد انسحب من اللجنه كم مره ورجعوه .. وكحيلان انسحب كم مره ورجعوه .. وش تفسيرك لحركات ماجد وكحيلان ؟ يعني تطفيش من الاداره لانها تفرض عليهم اسامي ..

آنتي منتب فاهمه كلامي الا اذا عشتي مع اداره قعيطيه .. لا وماتبي احد غيرها يدفع .. هنا المشكله ,, لاهم اللي بيدفعون ولا هم اللي خلوا الخلق تدفع !!

لا وخآصة انها تعد النادي من ( الورث ) !!

وماراح نكمل النقاش وهالمناقشه ماتجي الا مع نصراوي حتى يكون اقرب وفي الصوره << لآن هالعجآئب تنفرد فيها ادارتنا الذهبيه ّّ!!

النصر لو يدربه واحد من الجمهور والله ان يرزه ..

النصر محتاج لصانع لعب ايمن يفك الضغط والرقابه عن التون ..

ويحتاج لمهاجم حآسم ..

بحكم اصابة سعد وانخفاض مستوى الشهراني .. ورزاق برحه .. وريان كويس .. بس الحاله مهوب مسوي شي

بس "

والظهير الايسر فيه المطيري يمشي الحال ..

آما الروماني فدايم النصر اذا فاوض لاعب يتسرب الخبر ويطير علينا .. دخل بخط المفاوضات نادي الاتفاق وهو الاقرب لحسمها .. والاداره الظاهر غيرت قناعتها بالمدرب وبتدور غيره :(

والمفروض زي ماقلتي انها تكون بمشاورة المدرب .. لكن الوقت يسرقنا الحين مايمدي نجيب مدرب ولازم يعسكر الفريق ومباريات حتى يعرف وش يحتاج هو ووبتاخذ وقت و يمكن تنتهي فترة التسجيل ثم نبلش .. << بالشين من جتكم الاداره

عشان كيذا فاوضوا لعيبه قبل تنتهي الفتره .. وزي ماقلتلك اي عاقل بيقول النصر محتاج لصانع لعب ايمن .. ومهاجم في ظل انخفاض المستويات ..

السلام عليكم ورحمة الله وبركاته

إذا كــانـت الإدارة النصــــراويه تشـــوف أنـه راح يخـــــدم العـالمـــــــي بلعبـــــــه

وأن لعبــــــــه زيــــن وفــــــي مصلحـــــــة’ الـعــالمــــــــــــي فمـــا المــانـــــــع مـــــن إنضــامـــــه

لصفـــــــوف الفـــريق النصـــــراروي

يعطيـــك العـــافيـــــــه أخــــــي الفـــاضـــل ابوتيمــــــــاء علــــى هــــــذا الخبـــــر

بالتــــوفيـــــق لـــه مــــــع العـالمـــــــــــــــي

دمــــــت أخــــــي برعــــــاية الله وتوفيقــــــــــه

أخوك إبراهيم اليحيى ( العسكري )

الله يوفقه معكم

معني غير متفئل

يعطيك العافيه ياابو تيماء مشكور الله يوفقه انشاء الله
والله انا متفائل فيه متى يلعب بس