|
عالم أناقة حواء قسم يختص بالأناقة والموضة |
« آخر المشاركات » |
|
أدوات الموضوع |
01/07/2009, 06:30 AM | #1 |
***الحلقه (5) لفعاليات سواليف بنات,, من عنكبوته الحلوه ((كمال أجسام))***
بسم الله الرحمن الرحيم التعديل الأخير تم بواسطة عـــروبــه ; 01/07/2009 الساعة 06:38 AM. |
|
01/07/2009, 06:58 AM | #2 |
محجووز لين اصحصح |
|
01/07/2009, 08:18 AM | #3 | |||||||||||
عــروبــه .. تور ما نور المنتدى والله .. يختي وقسم بالله اني احبتس لله في الله >>مهوب وقت المشاعر المهم لتس فقده ياشيخه لاعاد تغيبين الا بعذر طبي اقتباس:
خخخخخخخخ لا بالعكس كل حتسيتس ملح وانبسط وانا اقراه اقتباس:
اي والله انك صدقتي المشكله الي هذا نظامهم طول السنه مهوب بس في بس الصيف اقتباس:
اقتباس:
صــراحه ماعندي خـبر في الحميات ابد وتبين الجد ما أأيدها نهائي يعني سالفة الدايت ما دخلت راسي ويستحيل اسويها لو لاسمح الله زاد وزني .. لان أي رجيم او حميه تتبعينها وتتركينها بعد فتره يرجع جسمتس يتمدد ويزمن اكثر لانتس فترة الرجيم تركتي اشياء مهمه فترجعين تاكلين اكثر والجسم اساساً يبي يعوض .. وهذا مو كلامي لا كلام اخصائيين التغذيه .. اقتباس:
هذا عاد خليه في رد لاحق لاني بطول >>والله من كثر البربره من جد عندي سواليف واجد اقتباس:
لا يكون قصدتس حبوب تنحيف او ابر وش زي زي كـذا ؟؟ اقتباس:
ايه عاااااااااد هنا الكلام الصدز >>ناويه تسوي حلقه عن الرياضه .. شوفي احنا مشكلتنا فاهمين الرياضه غـلط يعني بس الي تبي تنحف هي الي تسوي رياضه (خــطاء) الرياضه بالدرجه الاولى والي تهمني شــد للجـسم...يعني تكبرين وجسمك مشدود حتى لو سمنتي او نحفتي .. تنــحت الجـسم نـحت .. يعني تعطيك بطن لاصق بالظهر >>وصف وافخاذ وسيقان متناسقه ومشدوده .. وخصــر منحوت .. يعني بأختصار تعطيك جـسم صــح .. طبعاً غير فوائدها الصحـيه ومايخفى عليكم ان ممارسة الرياضه يومياً فعاله ضد الامراض (السكر - الضغط - القلب ..الخ) والدليل اجدادنا والاولين ماجتهم هالامراض ولاعرفوها لانهم يكرفون ويشتغلون وهـذي تعتبر رياضه .. اما الي مايتحرك مثلنا مايجي الـ 40 بالكثير الا قد جاه كلش .. يعني فوائد جـماليه + صحــيه .. وفيه فائد جديده اكشتفتها >>ابوياه من جد فائده نفسياً اكـشتفت ان الرياضه تــعدل المزاج بشكل كـبير .. يعني اليوم الي ما امشي فيه يضيق صدري واحس بطفش اما اذا طلعت ومشيت وخصوصاً في هواء يعني حـوش او استراحه .. يتعدل مزاجي واروق وانبسط .. ^ ^ ^ طــبعاً رغم انا عارفين كل ذا الفوائد الا انا ننأجل ونقول بعدين نسوي رياضه .. او محناب سمان عشان نسوي رياضه .. او اخاف انحف .. هذا كــله خــطاء .. الرياضه لايقه + صحـه + جمال >>>يخونها التعبير .. طيــب الا مـتى نأجل لين تخرب اجسامنا او نسمن او نمرض ..؟؟؟؟!!!! انا صراحه هـذا كان كلامي قبل فتره طويله يعني عندي قناعه ان وزني مثالي وجسمي توب فما احتاج رياضه >>وهذا قمة الجهل والغباء لكـن مره رحت مع خالتي للنادي وشفت بنات مثلي وانحف مشتركين وعاااااااالم زريت على عمري صراحه والغريب اني شفت عجوز يمكن 60 سنه مشتركه ومدهره انا عيوني صارت كذا : @_@ وانهبلت قالت خالتي لا هذي مشتركه عشان السكر والامراض المهم اني بديت وقررت ما اترك الرياضه يوم يعني من موضوعي ذاك حق السيكل وانا بدايه .. وبرياضيه بسيطه جداً وسهله : (ريــاضة المــــشـــي ) صراحه روعه وسهــله وماتحتاج مجهود .. وتنحت الجسم نحت خلال ثلاث شهور بالكثير كيف جدولي هو تقريباً شبه يومي يعني اطلع كل يوم الصباح بدري >>عشان الجو يصير بارد ومنعش وامشي ساعه الا ربع.. وااحياناً بعد المغرب واطلع الكتاكيت معي عاد من جد وناسه ويروح الوقت بسرعه وتنبسطين صحيح انهم يبلشوني واحاياناً يدعسوني بسياكلهم طبعاً اهلي انواع التطنز والي يتحمد والي يقول احمدي ربتس لايعاقبتس ربي >>>اي والله الحمدالله جهل + تحطيم بس بعدين تعودوا وتعودت لان صار عندي رغبه حقيقه ..وماهي خساره نص ساعه يومياً عشان صحتي وجمالي >>ابوياه من جد لو تلاحظون نجلس ساعات عالنت وغيره بدون فايده الا احياناً مضره ونستخسر نص ساعه عشان صحتنا .. خلاصة تجربتي .. الرياضه شي اساسي ومهم مهما كان وزنك .. واذا كان وزنك مثالي فهي تحافظ عليه يعني مايتغير اسهل رياضه وابسط رياضيه ومتوفره في كل مكان المـشي .. ساعه الا ربع يومياً صراحه تنحف لذالك خففتها لـنص ساعه .. فالي تبي تنحف ساعه الاربع مناسبه.. اقتباس:
مــعك + تحدي المحافظه على الرياضه يعني تحدي للي تسوي رياضه يومياً .. اقتباس:
اي والله صادقه .. يعني الموضوع اصلا يوسع الصدر سواليف يانس ادخلو وسولفوا وترى عادي انتس تردين كذا رد من اسمه سواليف يعني نبي ردود كثيره وادهار تكفون .. اقتباس:
اقتباس:
ابشري بعزتس .. بس لاتبطبيت ترى ننتظرتس وننتظر ردودتس لو بعد سنه .. عافاتس الله صراحه حلقه رهيـــــــــبه + مـــفيدهـ + مشجعه ..
لي عــوده .. التعديل الأخير تم بواسطة أم سعد ; 01/07/2009 الساعة 11:01 AM. |
||||||||||||
01/07/2009, 10:39 AM | #4 | |||||||
وعليكم السلام ورحمة الله وبركاته
يالله انت حيها وحي ما جابت من هالموضوع السمبتيكي ... يالله بابدأ انا معكم وان شاء الله نشجع بعض وخصوصا الي تحب تنقص من وزنها واتمنى الي تبي تسوي يعني انها رشيقه وراضيه عن وزنها ما نشوف رقعة وجههها عشان لا تقهرنا <<<امزح المهم يا طويلة العمر موضوع الريجيم والعياذ بالله من الشيطا ن الريجيم <<متعوب عليها الكلمه موضوع بالنسبه لي شبح يعني امسك الحميه اسبوع وبعدها على قولتهم ورا الثلاجه اتخبى لا بصراحه العزايم هي الي تذبحني وما اقدر اقاوم ولا ما اجامل خاصة بالاكل <<<طفاسه بعيد عنك يعني تجيك وحدتن تاعبتن حالها ثم اقولها لا والله معليش حميه ما اقدر اشوفها عيب وسخافه وفي نفس الوقت ما اقدر ما اروح العزايم نجي لهالفتره الي هي فترة الاجازه وما ادراك ما الاجازه يعني كل شي بيخرب ولا حنكون مسيطرين على الوضع ولا يحزنون لا بالنوم ولا بالاكل ولا باي شي ...خلي عنك بس ...هي المدارس الي تظبطنا ...ليتك منزله هالموضوع ايام المدارس على الاقل قبل الاختبارات بشهر يكون تحدي <<ويش اسمه هذاك البرنامج التحدي الاصعب والا ما ادري ويشو المهم ما علينا يعني هالحين افراح ومناسبات والفساتين ضاقت ولله الحمد .. الزبده ابي انقص خمس كيلو طولي =1,4 ووزني =3و, الطول مع الوزن لا يتعادلان ابـــــداً بتاتاً البُتـــــه يعني الانسب ان انقص خمس او ست كيلو ماكسيمام ..... اقتباس:
اقتباس:
قد مشيت على نظام الحميه قبل ثلاث سنين وكان عن طريق دكتور اخصائي صحيح نزلت الى ما يرضيني ومن الفرحه تركت نفسي ورجعت كما كنت في خلال سنه ومعي زياده كيلو ونص ابشركم وهذا عيب الي ما تنتبه وتسول لها نفسها .. اقتباس:
انتبهواااااااااااااااااااا لاتغلطون لاااااااااااااااااازم دكتور يعطيكم الانسب لكم مو اي احد يقولكم على شي تستخدمونه ...حتى لو يكون ذا الشي صابون للتخسيس ...نصيحه اقتباس:
نفس الكلاام اقتباس:
اقتباس:
اقتباس:
والله انا ودي ولكن بالصيف ما اعتقد رحم الله امرئ عرف قدر نفسه سفر وخرجات وعزايم وروحات وجيات وسهر للصبح انواع الفوضى اي حميه واي رجيم بيكون معي ولكن انا الان بكل صدق اسجل لكم وزني الان انا ثلاث و.... وبعد الاجازه وخصوصا مقبلين على رمضان والعيد اذكركم ان ما زدت هذا وجهي ..هع هع عموما حبيبتي موضوعك ممتاااااااااااااااااااز واجمل موضوع استفتحت به اليوم ومريت عليه وعلى فكره راح يقل تواجدي بفتره الصيف لاسباب عديده ولكن باذن الله ساتابع معكم ..وبالتاكيد لي رجعات كثير وسواليف معكن تقبلو وجودي وغثاثتي بصدر رحب وعلى فكره ترا الي بتدخل معي تحدي هناك جائزه للرابح الاكبر <<<<ايه صح افتكر ت الحين الاسم بس مافيني اطلع واعدل ...خخخخ من ستربح المليون .... دمتم سالمين التعديل الأخير تم بواسطة ام محمد ; 01/07/2009 الساعة 11:59 AM. |
||||||||
01/07/2009, 11:34 AM | #5 | |
اقتباس:
أكثـر ما جازلـي بموضوعك هذا اللي يغنـي > أمـزح موضوعك كله على بعضـه حلو ,, .. واللـه شوفـي الريجيم وما أدراك مـا الريجيم .. ما قد جربته وإن شـاء اللـه ما أجربـه .. بس أشوف اللي حولي متعذبين منه .. لا ياكلون زين ولا يقعدون زين والنفسيه لك عليها شوي .. يعني أحس ضرره أكثر من نفعه .. طبعا ضرره النفسي أكثر شيء ,, .. نصيحتـي للي تبي تنحـف .. عليهـا بالرياضـه المشي والسباحه .. بس فيه ملاحظـه مهمـه قبل ما تبدا بالرياضه وهي أن وزنهـا لازم يوصل لحـد معيـن .. مثل مدرسه أروح لهـا .. تقول إن الدكتور مانعها من الرياضه وعطاها نظام غذائي .. قال لما توصلين لوزن معين تقدرين تمارسين الرياضه .. وإلا بيكون خطـر على ركبك ومفاصلـك .. وفعـلا تقول المشي صعب جدا علي .. بس لما خفت شوي تقول حسيت براحه اكثر وقت المشي .. لكن من وجهة نظري السباحه موب مثل المشي يعني تقدرين تمارسينها حتى لو الوزن كبير لأنك وقت السباحه ما تكونين ظاغطه على الركب وكامل وزنك عليها .. غير إن الماء يشيل من الوزن كثير ,, .. بالنسبـه لـي ما سويت ريجيم ولا فكرت الحمدللـه .. لأني موقته تماما إن الرياضه فوائدها أكبر .. وما تقتصر على نقص الوزن فقط .. لا .. لها فوائد صحيه كثير .. منها تنشيط الدوره الدمويه .. وسبب لـ منع امراض القلب وتصلب الشرايين .. وآثارهـا النفسيـه لا تعد .. ولا تحصـى .. حتى جتني فتره أمشي مع أمي ولاحظت الفرق على نفسيتي كثيير .. غير إني فيني فقر دم وسبب لي صداع .. شديد وكنت أنام لفترات طويله في اليوم .. ومع المشي ما أقول راح الصداع .. لكـن خف علي كثيير ,, .. من تجارب اللي حولي .. أشوف خالي كان متين متين مره .. حتى عيونه كانت غايصه > يمديكم عـ الوصف ,’ وفي الصيفيه مسك نفسه .. لكن ما سوا ريجيم ريجيم .. لا .. بس كان ما يتعشـى .. وغن كان معزوم وإلا كذا كل لقمتين وفاكهه وسطله وشيء كذا خفيف .. طبعـا مع المشي .. واللـه العظيم ما أكذب عليكم ثيابه طالت عليه من كثر ما انسلت يعنـي الثوب موب يروح طولـه في العرض .. هو ما عاد فيه عرض وبحل الطول بعمره أساسا اول ما شفته ما عرفته > لا تشرهون .. واللـه جد .. كان لنا شهر ما شفناه وفجأه كذا تحول O_O الحين يمكن له سنه ونص أو سنتين إذا ما كان أكثر .. مستمر على المشي .. وما تركه من فوائده اللي حس فيهـا .. ونفس الشيء عمي إذا طلع من الدوام يمشي له ساعه او ساعه إلا ربع على حسب جدولـه طبعـا موب يوميـا .. لأنه في أيام يكون مشغول .. بس صدق .. هذي الكرشه اللي عند السعوديين ما تشوفينهـا > يا ويلهـا .. يعنـي على قولتهم ممشوق القامـه .. مع إنـه أكبر عمانـي بس سبحان اللـه فرق الجسم ,, .. بس هـذا اللـي عنـدي > ما عـاد ورا ,’ صراحـه حلئـه قميلـه أوي > أكيد دام راعيتهـا عروبـه ,’ ألف شكـر عليهـا ,, .. إن استجد شيء في مخي جيتكم ,’ متابعتكـم ,, .. التعديل الأخير تم بواسطة سمى ; 01/07/2009 الساعة 01:45 PM. |
||
02/07/2009, 04:49 AM | #6 |
بسم الله نبدا هذا رجيم أو حمية غذائيه قريتها انا بكتاب وكانت تعلمنا نصائح عن الجسم وعن نظريات الكاتب المهم إن الكتاب مره حلو بدوره بكرتوني <<نظام مكتبه وبجيب أسمه مره رائع كنت أقراه ومتحمسه وبيدي كولا وشبس (((وكان يحكي عن الخرابيط )) ومعد كملتها والله ذيك الفتره كرهة الأكل الي ماله سنع نبدأ وبصراحه مانقلته بس لقيته في الننت مقطع الرجيم أما الكتاب أنصحكم إلا حد الانهايه إقتنوه اول شي حددي نوع جسمك : وذلك بـ الجزء الاول: مظهرك: 1- افحصي الرسومات الخاصه بالنساء أ- نوع تناسلي ب- نوع كظري ج- نوع درقي د- نوع نخامي مكو صور بس تسد الأسئله هذا السؤال له 3 اوجه استخدمي الوجه الذي يناسب وزنك 2 -1- اذا كان لديك حوالي9 كغ زياده او اقل من الوزن المثالي: أ-الجزء العلوي من الجسم اصغر من الجزء الاسفل الجزء الاسفل متين الشكل ومازال يبدو ثابتا وقويا عن الجزء العلوي. ب- تبدو بنيتك قويه وثابته وهذه القوة من العظام القويه اكثر منكونها من العضلات ويبدو الجزء العلوي متينا عن السفلي. ج- انت جيده العظام ورشيقه ومتوازنه الوزن والقوة اعلى واسفل الخصر. د- يبدو شكلك كالطفله التي لم تنضج ملامحها والمراه تبدو كفتاة صغيره وليست امراه ناضجه. 2 -2 لديك من 9 الى 23 كغ وزن زائد: أ- انت غير متجانسه بالتاكيد اعلى واسفل الخصر والبطن مسطحه ولكنا المؤخره وخارج الفخذين تحمل الوزن الزائد. ب- يبدو جسمك ثابتا ومربعا ويرى الوزن الزائد في مقدمة جسمك فوق ا لخصر وخصوصا منطقه المعده واعلى الظهر والوجه واليدين والقدمين. ج- انت منحنيه وثقيلة الوزن اعلى واسفل الوسط ولكن الخصر محدد والوجه واليدان والاقدام نحيفه. د- يبدو جسمك كالطفله السمينه اجمالا( 2-3 اذا كان الوزن زائد عن 23: أ-انت غير متجانسه اعلى واسفل الخصر مع مؤخره ثابته الوزن الزائد في بطنك ولكن اقل من الوزن في مؤخرتك. ب-انت بارزة البطن مع وزن ثابت في الظهر الوزن في نهاية مؤخرتك ولكن اقل من الوزن من الامام. ج-انت منحنيه مع وزن زائد اعلى واسفل الخصر ومازلت تحافظين على خصرك وهناك زياده في الوزن تبدو حول وجهك ويديك وقدميك وبطن الساقين والذراعين ولكن هذا الوزن الزائد اقل من الوزن الزائد حول وسط الجسم من الصدر حتى الفخذين. د-انت غير محدده الملامح يبدو جسمك سمينا في كل الانحاء ولايوجد انحناء كبير عند الخصر والوزن الزائد في الثديين وهناك وزن ثابت على الركبتين. 3-انظرى لنفسك من الامام واي الاوصاف التاليه تنطبق عليك: أ- عدم تجانس بين اعلى واسفل الجسم الراس صغير ةالاكتاف والثدي والصدر.الخصر طويل واسفل الجسم ثقيل وممتلىء والارجل قويه. ب-مربعه وثابته وقوية المظهر اسفل واعلى الخصر قوية الملامح لايوجد انحناء كبير عند الخصر. ج-قوية العظام طويلة الذراعين والساقين بالنسبه للجذع والخصر واضح ومنحنيات متساويه اسفل واعلى الخصر. د-ملامح طفوليه وبدون اي منحنيا في اي مكان. 4-انظري لنفسك من الجانب اي الاوصاف تنطبق عليك: أ-الظهر منحنى قليلا ونهاية المؤخره بارزه. ب-الظهر مستقيم ونهاية المؤخره مسطحه تماما. ج-اسفل الظهر المستقيم والرقبه تميل الى الامام قليلا ونهاية المؤخره مستديره ولكن ليست بارزة بوضوح. د-الاكتاف مستديرة تماما والراس يميل للامام من خط الظهر ونهاية المؤخره صغيره ويبدو شكلك كالاطفال... 5-انظري نفسك في افضل وضع من الخلف واي الاوصاف ينطبق عليك: أ-ضيق عند الكتفين والظهر اتساع كبير تحت الخصر وانخفاض الارداف حتى اعلى الفخذين. ب_شكل مربع من الاكتاف حتى الارداف والاكتاف ليست عريضه وقوية الملامح وليس هناك منحنيات كبيره عند الخصر. ج-اتساع الكتفين والارداف وانحناءات الخصر الى الداخل واتساع كبير تحت الخصر. د-منحنيات طفوليه ليست كثيره في الخصر او الارداف. 6- شكل الوجه: أ-صغير بالنسبه للجسم وربما تكون العيون مايله. ب-مربع الوجه او مستديره. ج-طويل الوجه او نحيفه. د-كبير الوجه بالنسبه لحجم الجسم. 7-اليدين: أ-راحة اليد اطول من الاصابع والاصابع كليلة النهايات. ب-مربعة اليدين وكليلةالاصابع. ج-اصابع طويله ودقيقة الاطراف. د-صغيرة اليدين ورقيقه ايضا والاصابع دقيقة الاطراف. 8-الصدر والثديان: أ-صدر صغير وثديان صغيران. ب-صدر كبير وثديان كبيران. ج-صدر صغير والثديان من المتوسط الى الكبير. د-صدر متوسط وثديبان صغيران. 9-انظري لنفسك من الخلف .. اين موقع الوزن الزائد في جسمك؟ أ-الوزن الزائد قليل على الجسم ويوجد اسفل الارداف وخارج الفخذين. ب-الوزن الزائد كبير على الجسم ويوجد في الاكتاف وعلى الظهر. ج-في منتصف جسمك ويوجد على الارداف ويثقل عند الفخذين. د-كل الجسم وليس هناك مكان محدد. 10-انظري لنفسك من الجانب اين موقع الوزن الزائد: أ-في الظهر ونهاية المؤخره البارزه. ب-في المقدمه وبارز في البطن. ج-في كل من الظهر والمقدمه ومحدد في الخصر. د-في بطن مستديره كالطفله ومؤخره مستديره ايضا والخصر غير محددايضا. 11-افحصي جسمك من اجل السيلولايت وموقعه الرئيسي: أ-في مؤخرتك وموضع خرجي السرج(لاحد يسالنى وشو السرج مااعرفه) ب-في البطن فوق المعده والخلف او اعلى الذراعين. ج-في الفخذين. د-في الركبتين. الجزء الثاني : الرغبات الملحه والصحه والشخصيه: 12-اي الطعام تعتبريع رغبتك الاساسيه: أ-الطعام الغني بالتوابل والدهون. ب-الطعام الغني بالملح والدهون. ج-الحلويات والنشويات. 13-اي الطعام تتوقين الى تناوله اذا وجدت نفسك في مطعم للوجبات السريعه في نهاية يوم متعب؟ أ-التاكو(الاكل المكسيسي بالتوابل) ب-الشيز بورجر. ج-السويت رولز او الكعك. د-الحليب. 14-كم عدد فناجينالقهوة بالكافيين واكواب الشاي والكولا اللتي تتناولينها كل يوم؟ أ-كوب او اثنين. ب-3 او 4 كوب. ح-اكثر من 5 اكواب. د-لاشيء. 15-اي من الوصفات التاليه يعتبر افضل وصف للطاقه لديك؟ أ-جيدة في الصباح وافضل في المساء. ب-اشعر بالحيويه طوال اليوم ولكن تقل في المساء. ج-تزداد وتنخفض طوال اليوم. د-انا شخصيه صباحيه. 16-اذاكنت تقومين بالتدريبات فلماذا تفعلين ذلك: أ-لأن الحركه تشعرك بالنشاط والحيويه. ب-لانه من المفروض القيام بتلك التدريجات. ج-حتى استطيع الاكل كثيرا بعد التدريبات. د-لعمل تدريبات اكثر. 17-اي المشكلات الصحيه الصغيره اكثر لديك؟ أ-المراره. ب-الامساك. ج-التعب. د-امراض البرد. 18-هل لديك احد المشاكل الصحيه الكبيره التاليه؟ أ-اورام الصدر. ب-ارتفاع ضغط الدم. ج-القرحه. د-الحساسيه المزمنه. 19-هل تعتادين على وجود تقلصات اثناء فترة حيضك؟ أ-اول يوم فقط. ب-نادرا. ج-غالبا. د-لا اعرف فلم الاحظ ذلك. 20-اذا كنتى تستطيعين العمل في اي موقع فما هو افضل مايناسبك؟ أ-في منزلي. ب-في حجرة مكتب لمؤسسة ناجحه مع حريه الحركه. ج-متنقله في العالم الخارجي. د-في مكتب انيق ومجهز جيدا. 21-اذا استطعت الحصول على اي وظيفه في العالم فاي وظيفه تختارين؟ أ-تدريس المواد التي احبها. ب-تسويق اي شيء جديد. ج-ابداع اي اي شيء احبه. د-تصميم شيء اي شيء احبه. 22-ماهو افضل مايوصف به مزاجك؟ أ-حساسه ودافئه ومريحه. ب-صديقه ومخلصه واضحه عمليه. ج-حيويه ومزاجيه. د-منفصله ومثاليه وعقلانيه. 23-متى تكونين مرتفعه المعنويات؟ أ-مشرقه ومحبه. ب-صديقه او مدوده. ج-مسليه ومتالقه. د-ضاحكه بصوت عال. 24-متى تكونين منخفضه المعنويات؟ أ-باكيه. ب-غاضبه. ج-حزينه ومتوترة. د-منسجمه ومتملكه. 25-ماهو افضل مايوصف به طبعك؟ أ-متقلبه المزاج وتستجيب بسهوله للاطراء والاعتذار. ب-بطيئه الغضب وعندما تغضب تظل ثائره لبعض الوقت. ج-غير صبورة او قليله الاحنمال وتشعر بالياس والحزن عندما تعارض. د-تشعر بالقلق بعد الاحداث وتعيش اوقاتا صعبه. النتائج اذا كانت اجوبتك اغلبها (أ) فانت من نوع الجسم التناسلي. اذا كانت اجوبتك اغلبها (ب) فانت من نوع الجسم الكظري. اذا كانت اجوبتك اغلبها (ج) فانت من نوع الجسم الدرقي. اذا كانت اجوبتك اغلبها (د) فانت من نوع الجسم النخامي. مواصفات الأجسام التناسلي :فوق نحيفه تحت سمينه الكظري :فوق سمينه تحت نحيفه الدرقي : من فوق وتحت سمينه بس خصرها صغير يعني زي الساعه الرمليه. النخامي:كلك على بعضك سمينه يتبع |
|
02/07/2009, 04:56 AM | #7 |
تابع رجيم على نفس نوع الغده
|
|
02/07/2009, 05:04 AM | #8 |
حمية النوع التناسلي: |
|
02/07/2009, 05:07 AM | #9 |
|
|
02/07/2009, 05:13 AM | #10 | |
|
||
02/07/2009, 05:44 AM | #11 | |
أم سعد |
||
03/07/2009, 03:19 PM | #12 |
ما شـاء اللـه وش هـ الريجيـمــات كلهـا .! .. فيـه نصائـح وملاحظـات ترفق مع أي ريجيم .. وأغلبها معروفه .. لكـن ما يمنع إنا نحطهـا = ) : 1 ] ممارسـة المشي حوالي 60 دقيقه يوميا او 30 دقيقه على الأقـل ,, 2 ] يجب شرب 6 - 8 أكواب ماء يوميا .. ويمكن توزيعا قبل كل وجبه 2 كوب ماء ,, 3 ] يجب أن لا تقل فترة بين الثلاث وجبات عـن 3 ساعات ,, 4 ] مراعاة عدم النوم بعد الوجبه مباشره .. فـ يفضل بعد ساعتين ,, 5 ] الإمتناع عن المشروبات الغازيه ,, 6 ] مراعاة تناول الطعام ومضغه ببطء لكي يساعد على الاستفاده من الطعام والإحساس بـ الشبع ,, 7 ] يفضل ممارسة النشاطات البدنيه بعد ساعتين من تناول الوجبه ,, .. |
|
04/07/2009, 10:02 AM | #13 |
ما شاء الله تبارك الله يا عروبه وش هالزين موضوعك شامل الله لا يضرك بس عندي تحفظ على هالموضوع يعني لو أنا أسوي دايت مثلاً ما راح أقول لكم عنه .. لأن اللي يناسبني ما يناسبكم وحتى لو وضحت هالشي في بداية كلامي فيه وحده ماراح تسمع مني وبتتبع نصايحي وإرشادات النظام وبعدين تجيني وتقول صار لي كذا وكذا بس أنا ببين لكم أشياء مره مهمه وأكيد كلكم عارفينها بس للتذكير : التوازن الغذائي + ماتاكلون إلا لما تجوعون مره + شوي شوي وانتم تاكلون + اشربوا كاسين مويه قبل الوجبه + بعد الوجبه بساعه تقريباً امشوا لو نص ساعه بس يكفي هذا اقرب شي لبالي الحين إذا تذكرت شي جيت موضوع توب عافاك الله عروبه التعديل الأخير تم بواسطة عطر ; 06/07/2009 الساعة 06:11 PM. |
|
10/07/2009, 06:19 PM | #14 | |
|
||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سواليف بنات الحلقه [2] .. من زينــة .., | $$ زينــــة $$ | عالم أناقة حواء | 10 | 27/05/2009 02:59 PM |
سواليف بنات الحلقه [1] | أم سعد | عالم أناقة حواء | 16 | 27/05/2009 07:16 AM |
الحلوه 20 | الحلوه-20 | منتدى الترحيب والتهاني | 20 | 10/08/2008 05:42 AM |
سواليف عذال | مهند العسكر | المنتدى الشعبي | 1 | 10/04/2005 04:00 AM |