العم الغالي الصييفي....لك منادي والعلم خير.....

استاذي الفاضل /الصييفي ... مساك الله بالخيروعيدك مبارك آمل ان تكون بأتم صحة وعافية ويشرفني ان ألعب معك اذا ماعندك مانع ...

النجوم لها مطالع تظهر ومره تغيب=والبحور اللي تلاطم مافنت حيتانها
ياسلام الله عليكم عد ماسال ا أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

---

التعديل الأخير تم بواسطة الصييفي ; 06/07/2008 الساعة 01:24 PM.

مرحبا بشاعرنا الكبير هاني،

و يشرفني أن أحاول مجاراتك،
و سوف تكون لي الفائدة في النهاية.

إستلم لا هنت:

مرحبا يا نجمنا اللي غاب، لكنه قريب= يوم شاف الملعبة ماتت، رجع من شانها
أنت شاعركلبونا نعرفك، ما انت بغريب= مرحبا في عودتك، و اقدم على ميدانها

هلا وغلا بعمي الغالي وهذا من طيبك وتواضعك الله يسلمك وكلنا نستفيد من بعض لا خلا ولاعدم شاكرا لك تواضعك وقبول الدعوة كما لايفوتني ان اشكرك لأنك انت السبب في عودتي عندما التقينا في أحدالمنتديات وذكرت لي حال المنتدى .


استلم لاعدمتك/

طاب كيف اللي يغني عقب ماجاه الصحيب=والرساله واضحه تنبان في عنوانها
ماعليكم زود ياللي رايكم راي(ن) صليب=والفتن للمقبرة ياالله عسا فتانها

أررررحب يالغالي و عز الله انك وفيت بوعدك.

إستلم لا عدمتك:

يا ابن عمي مرحبا بك، لكن غيابك عجيب= الملاعب عقب"هاني" طافية نيرانها
هات سبة غيبتك، والسر نرميه بقليب= اكتبه بالخاص، أو درسعه عن قشرانها

الشاعر الكبير هاني
الشاعر الكبير الصييفي

الله عليكم محاوره من بدابتها رائعه

الغالي علي العجاجي تسلم على مرورك العذب لاخلا ولاعدم............


العم الغالي استلم فديتك/

ماكتب ربك على المخلوق ملزوم(ن) يصيب=والملاعب في وجودك والعه ضيّانها
من ظروف الوقت غبنا خلت الفارس صويب=جيت من مدّه وشفت الدار في دخانها

الشاعر هاني

والشاعر الصييفي

مرحبتين كبار وجعلكم على القوهـ واصلو وحنا متابعين لكم بشغف .

أبو ابراهيم،

و

أبو محمد،

حييتم وشرفتونا بتواجدكم، لا عدمناكم.

أخوي هاني، إستلم لا هنت:

راضي(ن) باللي كتب ربي و انا شخص(ن) منيب= و كل مجهود(ن) بذلنا ما بغينا اثمانها
كل واحد له ظروفه في حياته يالحبيب= و الجمود اللي حصل في الدار من أعوانها

تسلم ياسعد متابعتك تشر فني لاعدمتك......


استلم ياعمي الغالي لاعدمتك/

يالصييفي نايم الوادي خطير من الجذيب=والسحابه لو تهل بدار جا هتانها
والله اني مستشك ويابناخي مستريب=من ثمار النخله اللي يابسه عسبانها

المشاركة الأصلية كتبت بواسطة هاني

تسلم ياسعد متابعتك تشر فني لاعدمتك......


استلم ياعمي الغالي لاعدمتك/

يالصييفي نايم الوادي خطير من الجذيب=والسحابه لو تهل بدار جا هتانها
والله اني مستشك ويابناخي مستريب=من ثمار النخله اللي يابسه عسبانها

الله الله يا هاني،
إستلم لا عدمتك:

ما ينام الرجل في وادي و هو رجل(ن) لبيب= ومن يعرض للخطر نفسه يذوق أحزانها
حط جحة صيف في بطنك و خل أم العسيب= أعرفك من لابة(ن) ذكر الولي ديدانها

ياسلام .... ياسلام .... , واصلوا يامال العافية , وعساكم على القوة

مشرفنا الغالي / مرورك اتشرف فيه لاخلا ولاعدم...



استلم يالعم الغالي/

ذيب حوما فالجبال النايفه جر القنيب=ماعليه من السباع اللي بدت نيبانها
والثوابت ماتغير لو بدا راسي يشيب=والمباني ماتقوم الا على سيسانها

المشاركة الأصلية كتبت بواسطة هاني

مشرفنا الغالي / مرورك اتشرف فيه لاخلا ولاعدم...



استلم يالعم الغالي/

ذيب حوما فالجبال النايفه جر القنيب=ماعليه من السباع اللي بدت نيبانها
والثوابت ماتغير لو بدا راسي يشيب=والمباني ماتقوم الا على سيسانها

حياك يبو سفر،
عشت و عاش من سمع صوتك.

أرحب يا هاني، كفو كفو:

الابو شيخ الذيابة و الولد يا ويّ ذيب= ما دخلنا شك في حوما و لا سرحانها
لكن احذر يا رفيق الخير من داب الهضيب= يخلي بصوت الفحيح الدار من سكانها

ماعليك زود ياعمي الغالي لاخلا ولاعدم...



الله الله ياسلام ياسلام......





استلم لاعدمتك/

انت بارع في ردودك دايم(ن) رميك عطيب=والسفينه سايرة وِيقودها ربانها
امتحذر باذنِ رب البيت والرميه تصيب=ماعلي امن الحيايا اللي غذت ورعانها

المشاركة الأصلية كتبت بواسطة هاني

ماعليك زود ياعمي الغالي لاخلا ولاعدم...



الله الله ياسلام ياسلام......





استلم لاعدمتك/

انت بارع في ردودك دايم(ن) رميك عطيب=والسفينه سايرة وِيقودها ربانها
امتحذر باذنِ رب البيت والرميه تصيب=ماعلي امن الحيايا اللي غذت ورعانها

مرحبا بك يا هاني، و العين ما تعلو على الحاجب،

إستلم سلمت:

ما عليكم زود الى جا الشعر، من منقع خصيب= من صقور(ن) بالشعر تشيلها جنحانها
و الحذر واجب من الشاذوب او لسع الصهيب= و النوايب ما ضمنّاها تمد جرانها