خالي الصييفي اقرب لاهنت

السلام عليكم جميعاً

خالي الدكتور ان كان ماعليك كلافه تجاريني على هالطاروق وانشالله الباقيه من الشعار تاتي

سلام رده على اهل المنتدى في كل الاقطار=رديةٍ صافيه من هاجسي والنار ح أخي الزائر نعتذر مِنك لا يمكنك مشاهدة الموضوع بالكامل لأنك غير مسّجل ... فقد تم قطع الجزء المتبقي من المحتوى ولِمُتابعة بقية الموضوع يُرجى تسجيل الدخول .
وإن أردت التسجيل
أضغط هنا

التوقيع:

بيض الله وجهك يا علي العجاجي يوم لبيت نداء خالك والصييفي والله يستاهل ويشرف اللى يلعب معه .

واصلو وحنا نعاكم متابعين ،،،،،،

أرحب يا علي العجاجي،
و مشكور على تلبية النداء،
يشرفني اللعب معك،
و الشكر موصول لعبود اللي حرك الماء الراكد في ميدان المحاورة.

استلم لا هنت:

يا مرحبا بالمسيّر عد ما هلنّ الامطار= تحية(ن) خالصه مهيب قول بدون نيّه
كفو، و لكن نبي عقد(ن) قوي مهوب مسيار= حتى نرجِّع نشاط المنتدى مثل أوليه

المشاركة الأصلية كتبت بواسطة عبود

بيض الله وجهك يا علي العجاجي يوم لبيت نداء خالك والصييفي والله يستاهل ويشرف اللى يلعب معه .

واصلو وحنا نعاكم متابعين ،،،،،،

و الله و بياض وجهك يا عبود،
و لا عليك زود،
كل هذا ببركاتك،

شكرا على حضورك و متابعتك

الغالي

ابو إبراهيم

مرحبتين كبار وصح لسانك وبيض الله وجهك على تالبية النداء ومازلنا بإنتظار الباقي من الحرار تعود للوكر .


عبود
لا هنت ياعشيق البنت وتحسب لك ذا المبادرة يالذيب .


الصييفي
عميدنا وعمي الغالي صح لسانك عدد بلا مدد

واصلو يالربع وحنا متابعينكم

عبود
وجهك ابيض انت اللي هيضتنا ورجعت الحياه في المنتدى
سعد
الله يحييك وانشالله البقيه تاتي
الصييفي
بيض الله وجهك ياخال علي تلبية الدعوى

استلم لاهنت

العقد ما يكتمل حتى نرٌجع منتدى الدار=ويذيع صيته يابن مسعود مع كل البريه
اضم صوتي لصوتك يالصييفي وادع الاحرار=واقول هبوا نبي فزعه من الاعضاء قويه

أرحب يبو ابراهيم،
استلم لا هنت:

يا ليتهم يسمعون الصوت و يلدون الانظار=و كلّ(ن) يجي يشرب الفنجال و يرد التحيه
صوتي و صوتك و صوت عبود ما تكفي للابحار= نبي نشنِّف أذانينا بأصوات البقيه

خالي اعتذر عن التاخر لبعض الظروف

المشكله ياعميلي مالهم بالدار مرار=ماشفت منهم ياخالي لاكثير ولا بليه
الطير لاجاء جناحه كسر يالاصحاب ماطار=هذا ترى حال هذا المنتدى ياهل الحميه

المشاركة الأصلية كتبت بواسطة علي العجاجي

خالي اعتذر عن التاخر لبعض الظروف

المشكله ياعميلي مالهم بالدار مرار=ماشفت منهم ياخالي لاكثير ولا بليه
الطير لاجاء جناحه كسر يالاصحاب ماطار=هذا ترى حال هذا المنتدى ياهل الحميه

أرررحب يبو ابراهيم و معذور،

استلم لا هنت:

سنايدي جا و حنا ما ذكرنا اسمه بالاشعار= و عسى البقية يجون و يشربون الشاذليه
الله يجبر كسور اللي انكسر و يعمر النار= و من شافها جا لها برضاه، و يعَـقْـل المطيه

الله الله
واصلوا وحنا متابعين

السلام عليكم ورحمة الله وبركاته

الله يحيي الشعار والمتابعين

واصلو وحنا معاكم متابيعين جعلكم على القوه

سنايدي
عبود
بيض الله وجيهكم على المتابعة

استلم ياخال لاعدمتك

من اولٍ منتدانا يارفيقي مثل الاعصار=واليوم اشوفه يابن مسعود نيرانه طفيه
الكسر ماينجبر ياصاحبي من دون جبار=والنار تبغى حطب من شان تبقى لك لظيه

المشاركة الأصلية كتبت بواسطة سنايدي

الله الله
واصلوا وحنا متابعين

ارررحب يا سنايدي
شكرا على حضورك

المشاركة الأصلية كتبت بواسطة عبود

السلام عليكم ورحمة الله وبركاته

الله يحيي الشعار والمتابعين

واصلو وحنا معاكم متابيعين جعلكم على القوه

عليكم السلام و رحمة الله و بركاته
حياك يا عبود
شرفتنا بتواجدك

المشاركة الأصلية كتبت بواسطة علي العجاجي

سنايدي
عبود
بيض الله وجيهكم على المتابعة

استلم ياخال لاعدمتك

من اولٍ منتدانا يارفيقي مثل الاعصار=واليوم اشوفه يابن مسعود نيرانه طفيه
الكسر ماينجبر ياصاحبي من دون جبار=والنار تبغى حطب من شان تبقى لك لظيه

مرحبا بك يا علي،
استلم لا عدمتك:

الله يرده لعهده يا علي من عقب الاعسار= و يكفيه شر المقرّد و العدا و المرجفيه
أنا وراني الى مني بنيت بطوبي جدار= جاني علي ثم ضيّع كامل جهودي عليّه؟!