~ كرسي الإعترآف يستضيف مشرفتنآ السآبقة " أم سعد " آقلطوا لآهنتوا ..}

ام سعد
وجه يقول واخيرا
<<< ترى هذا الي يقول اخيرا

تو ما نور الكرسي يا ام سعد

منور بوجودكم جميعاً ...

ام سعد

اذا كان المنتدى سفينه فهي الدفة
وان كان المنتدى طائرة فهي قمرة القيادة
وان كان المنتدى سيارة فهي الدرقسون

الخلاصة :
المنتدى من غير ام سعد ما يمشي

صراحه مدري وش اقول بعد ذا الحكي ..
فما اقول الا جزاك الله الجنه اخوي وهذا من ذوقك ..

ام سعد هاك الاسئلة التي انتظرنا الاجابة عنها طويلا <<< احس ام سعد تقول الله يستر

لاااااا بالعكس اسئلتك روعه وفي محلها خصوصا ان كلها عن المنتدى..

1\ ام سعد وش الاخبار ؟ <<<< سؤال تسخين
بخـير ولله الحمد..

\ ام سعد عضوة سجلت في عام 2006 مع ان المنتدى فتح في عام 2003 اين كنتي في هذي الفترة ؟؟ <<< لا تقولين في كنت في بيتنا يعني وين كنتي عن المنتدى ليه ما سجلتي بدري
سؤال ودي اجاوب عليه من زمان.. اقصد اتكلم فيه لانه قاهرني..
المنتدى من انفتح سمعت عنه وعلى طول قررت اكون عضوه فيه بس مالقيت رابطه..و للاسف وللحين مدري هل هو صدق ولا ان المشكله من عندي ماكان يوجد على قوقل يعني قطعته بالبحث ماألقى غير منتديات للشعر اما الشعراء مالها طاري تعبت من البحث وتركته فتره حتى نسيته.. ثمن رجعت بعد سنه يمكن ونفس الشي مالقيته ونسيته ولافكرت فيه.. وفي يوم من الايام لقيته بالصدفه قلت واخيراً هذا منتدى الشعراء الي كنت احسبه فقاعة صابون.. بس للاسف كان التسجيل فيه مقفل واستمر فتره طويله وهذا الشي للحين عتبانه عليه لو التسجيل مفتوح كان انا موجوده من بدايات المنتدى جد مدري وش الحكمه من تقفيل التسجيل هل هو كثر الاعضاء ولازحمة المنتدى..طبعاً خلاص حذفته للابد من بالي ومن جهازي..
ويوم من الايام عطتني بنت سعد الرابط وقالت لي ترى التسجيل فيه مفتوح لانها عارفه اني ودي اسجل فيه
دخلت وتصفحت المنتدى وانا ماطرالي اسجل زعله>>
واستمريت فتره طويله اقرى وكان المنتدى ايامها مفتوح للزوار واعجبني شي فيه ماقد شفته في باقي المنتديات هو ترابط الاعضاء وتلاحمهم وبساطتهم يعني مافيه فلسلفه ومجاملات والخرابيط الي ملينا منها في باقي المنتديات بالعكس يكتبون بأسلوب عامي شعراوي بحت..



3\3 سنين تاخير في اعتقادي انك ما كنتي تفكرين في التسجيل في المنتدى , ما الذي جعلك تسجلين في المنتدى ؟ يعني قصة انتسابك للمنتدى
قصة انتسابي وانا اختك قلتها فوق.. استمريت فتره ماهي قصيره متصفحه للمنتدى بشكل يومي اقرى كل الي يكتب فيه بس ماحبيت اسكل خصوصا ان المنتدى ذيك الفتره خالي تماماً من البنات فأستحيت ..وضليت متصفحه واعجبني اسلوب الاعضاء وخصوصا عضو/هـ يمكن كان هو سبب تسجيلي في المنتدى طبعا مرح اقول اسمه..بس كان اسلوبه روعه ويكتب مواضيع والردود عليها 0 فقررت اني اسجل عشان ارد على مواضيعه لانها تستحق وكان ذلك في يوم 23/04/2006 وبس..



4\ فترة مظلمة للمنتدى تلك التي كتبتي فيها موضوع (فمان الله) , ما السبب يا ترى ؟
الله يجعل ايامكم ماتشوف الظلام ابد ..
الاسباب بالضبط نفس الاسباب الي ذكرتها في الموضوع..زياده عليها كانت الاوضاع عندي زفت نفسيه وعائليه ودراسيه وكلش.. بالاضافه الى اهم شي وهو اوضاع المنتدى ذاك الوقت كانت سبب رئيسي في تركي المنتدى وغيري كثـير تركوا المنتدى بلاعوده.. واضنك تذكر الضجه الي سواها البتار واخوانه يعني ماكان فيه بتار واحد فيه بتارات بعد وكلن يكتب موضوع ويشرشح ويفبرك على كيفه فقلت وش الله حادني اجلس في منتدى كذا خصوصا ان الاداره ماكان لها اي ردة فعل الا بموضوع البتار اما غيره ماخذ راحته بقوه في التعدي والتلفظ واثارة المشاكل والتشكيك في اخلاق الاعضاء..
فتركت المنتدى ومعه النت كله لان ظروفي مثل ماقلت ماكنت تخليني افكر حتى بالنت..



5\ عدتي بعد فترة طويلة وكانت من اجمل اللحظات التي مر بها المنتدى , ما سبب عوتدك بعد طول الغياب ؟
هههههه كنك تقول وش الي مرجعك
امممم بصراحه والله اني تركت المنتدى للابد من غير نيه للرجوع له مع اني وعدت بالرجوع في موضوع فمان اللهخ بس كانت مجرد مجامله..ولو قررت ارجع رجعت بيوزر رجالي او على الاقل يوزر جديد..ومع هذا ماكان عندي نيه ارجع..
لكن بعد مرور اكثر من سنه وكنت متأكده بأن الجميع نسى جروح الوقت بلغتني بنت سعد بـسؤال عـضو/هـ عني برساله وهالعضـو من الاعضاء الي لهم معزه اكثر من خاصه وتكرر السؤال والدعوه برجوعي للمنتدى..فرغم اني كرهت المنتدى الا اني احس ان نظرتي له تغيرت كثير كفايه في ناس مازالت تذكرني بعد سنوات وتذكرني بالخير بعد وقلت ماعاش من يقوله لا او يرد الدعوه ورجعت ولقيت المنتدى بأفضل حال لا من ناحية اقسام ولا جهود ولامواضيع ولا اعضاء قــمه ولامشرفين روعه.. والحمدالله..


6\ الفترة الحالية تغيبين 3 ايام وتدخلين يوم او يومين ,ما السبب يا ترى ؟
بالعكـس انا متواجده بشكل يومي يعني مايمر يوم الا لازم اشيك عالمنتدى حتى لو وقتي مايسمح لي.. ولو تشوف قائمة المتواجدين خلال 24 ساعه انا دائم موجوده فيها..
يمكن قصدك اغيب 5 ايام واسبوع وهذي كثير تصير بسبب كثرة الدوجه وعدم تواجدي في البيت يعني ياكون عند جداني او خوالي .. الخ..يعني الفتره الي اغيب فيها معناته ماعندي نت او اني مسافره..اما غيره مايمنعي من دخول الشعراء على الاقل لو اطل من غير رد المهم اشوف اخبار المنتدى..

وعندي اسالة واجد بس حبيت تسخنين على ذولي
لي رجعة

الله يحييك انت وأسئلتك بأي وقت ..

شهادة اعتز فيها والله
توني مخلصه
رجعتينا ايام اول

عاد نبي ترجعنا لايام اول بمثل هالموضوع الله لايهينك ياخيي..

يعطيك العافيه وشاكره لك تواجدك..

ام سعد



ما شاء الله رد مفصل واجوبه كاملة ومفصلة






طيب عدنا








س\موقف عجزت تتعامل معه ام سعد ؟


س\ موقف اخر تفتخر ام سعد اتها تعاملت معه التعامل الصحيح ؟


س\ اذا ضاقت الدنيا في ام سعد وش تسوي ؟


س\ شخص لازلت تبيحين له بكل اسرارك ؟




وان شاء الله لي عوده <<< والله البلشة


وش نسوي لازم نحللك بالاسئلة

اااااالي والله الي بغى يلزق بظهري مير فكني الله الفرق صوتين بس



ام سعد


الله يعينك على بلواك



وانا ماحب النشده ولا كرسي اعتراف سالت فيه لذلك ابمثل دور الجمهور واذا خطر على بالي سؤال ماسأله الجمهور سألتك عنه





مانقول الا الله يعينك ويقويك وهالكرسي غير كل الكراسي هذا كرسي اعتراف لاقالوا كرسي اعتراف فيه كهرب وقيود













لي رجعه للتتبع الاخبار

^
^
^

الحين حنا مسوين مناقشة عن المواضيع المنقولة ما درينا ان فيه ناس تنقل ردود

8
8
8


قل الله يحللك يالمواضيع المنقوله خخخخخخخخخخ

.

وعليكم السلام ورحمة الله وبركاته



الفاضل سري بارك الله فيك وفي هالضيفه الرائعه



حقيقة الاخت ام سعد اخت فاضله ومحبوبه لدى الجميع وكان ودي اعرف وراها تركت المنتدى لفتره طويله


وكنت من المتابعين لمواضيعها هي وكذا عضو وعضوه وقد قمت بارسال رسائل خاصه ورفع مواضيعهم يوم كنت مشرفه


وسعدت كثيرا يوم شفتها رجعت وبعدها رجعت كذا عضوه غايبه


المهم


اختي الغاليه


لن اطيل عليكي ومهما كتبت من احرف لن اوفيكي حقك فانتي انسانه رائعه



نبدأ بالسؤال


بصراحه ما بمخيخي اي سعال حاليا بس مو معنى كذا باعتقك لا يقليبي لا تفرحين راجعتلك راجعتلك ان ربي احياني وما نسيت
ترا انا والنسيان بزحمه ...


غاليتي

بسالك سؤالين الحين على الماشي وان ما حبيتي تردين عادي من حقك لانهم ما ادري ويش تبي <<<<اخلصي


- ركزي معي على السؤال الله يحيكي

\\

\\


في عصر العولمه وعصر الأنفتاح وعندما ركب الأنسان السياره وطار بالطياره وانتشرت الدشات وحفرو طريق الملك عبدالله يقولون يبون يسوون ميني قطار ولعوزونا الله يصلحهم


وش يعني لك منتدى بلدة الشعراء بكل من فيه ؟؟؟


ويش موقفك اذا اتتك المذمه من متغطرس ...؟؟؟



ها ويش رايك بالاسئله الخنفشاريه ...



لي عوده



باذن الله



ربي يحفظك

ابــو ربيع ..

حياك الله اخوي ..

ام سعد
ما شاء الله رد مفصل واجوبه كاملة ومفصلة

الله يعافيك..

طيب عدنا

الله يحييك.. والعذر والله توي اشوف ردك مع اني داخله امس وشايفه ردودكم الي تحته..
بس غريبه شكل رد اخوي الفله سوى لي لخبطه..


س\موقف عجزت تتعامل معه ام سعد ؟
كثير والله المواقف الي اعجز اتعامل معها.. مقدر احدد موقف معين..
لكـن اقولك على سبيل المثال موقف يتكرر كثير معي ويمكن تحسونه تافه بس من جد صعب ولااعرف اتعامل معه وهو كثير للاسف في مجتمعنا يالحريم
يعني يجيك شخص مايستحي وراعي حكي وقط كلام .. بأختصار وقح وحشري وماهنا عقل..مدري كيف اتعامل معهم الي كـذا يعني استحي اني ارد لاني بصير ناقصة عقل لو رديت عليه ومثله ما استحي..ولو مارديت احس اني غبيه وسمحت ان كرامتي تهان ويمكن يعتقد اني ما اقدر ارد او ضعيفه فيتمادى.. ولو رديت احياناً اصير مثل الي غلطان وخايف لاني بصراحه استحي اتلفض>> عارفه محد يصدق بس ترى شخصيتي في المنتدى تختلف كثير


س\ موقف اخر تفتخر ام سعد اتها تعاملت معه التعامل الصحيح ؟
للاسف ماني ذاك الحكمه والعقل الي يصيرتعاملي في المواقف صح لدرجة افتخر فيه..والله يرزقني الحكمه والعقل امين..
فما فيه موقف اقدر اذكره..لكن اشوف ان اغلب مواقف الحـياهـ الصعبه اتعامل معها تعامل صح نوعاً ما يعني افضل من اي وحده بسني لان الحياه علمتني والحمدالله..



س\ اذا ضاقت الدنيا في ام سعد وش تسوي ؟
سوات الله ابرك على قولتهم..
لـكن مثل اي بنت يعني وش نسوي ..!! اسكر غرفتي واصيح شوي.. ثمن افتح دفتري واكـتب فيه اي شي المهم اكتب احس اني طلعت الهم من قلبي للورق ..



س\ شخص لازلت تبيحين له بكل اسرارك ؟
مافيه شخص لليوم ابوح له بكل بأسراري مهما كـان وان بُحت فسيضل هناك اسرار ستدفن مع ام سعد..لكن القليل من بعضها اكيد سالفة عشاق اختي وصديقتي..

وان شاء الله لي عوده <<< والله البلشة

لا بالعكس الله يحييك

وش نسوي لازم نحللك بالاسئلة

يعني تردها لاني نشبت لكم كلكم بكراسي الاعتراف حللتكم من جد >>عزالله حب الخبر



ام محــمد ..

حياك الله وياهلابك ..

حقيقة الاخت ام سعد اخت فاضله ومحبوبه لدى الجميع وكان ودي اعرف وراها تركت المنتدى لفتره طويله

تسلمــين ياقلبي على ذا الحكي..
وبالنسبه لسؤالك جاوبت عليه في ردي الاول لاخوي ابوربيع..

وكنت من المتابعين لمواضيعها هي وكذا عضو وعضوه وقد قمت بارسال رسائل خاصه ورفع مواضيعهم يوم كنت مشرفه

تـــســلمين والله .. بس الغريب ان ماجاني منك ولا رساله خاصه

وسعدت كثيرا يوم شفتها رجعت وبعدها رجعت كذا عضوه غايبه

جعل ايامك كلها سعاده يارب ..ونتمنى الكـل يرجع ..

المهم
اختي الغاليه
لن اطيل عليكي ومهما كتبت من احرف لن اوفيكي حقك فانتي انسانه رائعه

الــروعه بتواجدك اخــتي واتمنى اكون ربع مما ذكرتي ..

نبدأ بالسؤال
بصراحه ما بمخيخي اي سعال حاليا بس مو معنى كذا باعتقك لا يقليبي لا تفرحين راجعتلك راجعتلك ان ربي احياني وما نسيت
ترا انا والنسيان بزحمه ...

الله يعينك.. والموضوع مفتوح لك بأي وقت حياك الله وان نسيتي الله يستر عليك ..

غاليتي
بسالك سؤالين الحين على الماشي وان ما حبيتي تردين عادي من حقك لانهم ما ادري ويش تبي <<<<اخلصي
- ركزي معي على السؤال الله يحيكي
\\

\\
في عصر العولمه وعصر الأنفتاح وعندما ركب الأنسان السياره وطار بالطياره وانتشرت الدشات وحفرو طريق الملك عبدالله يقولون يبون يسوون ميني قطار ولعوزونا الله يصلحهم

ام محمد ياحوبي لك .. الحين عجزت افهم هذا سؤال ولامقدمه.. كنت احسبك بتسأليني عن قيادة المرأه ..
بس كانه سؤال مافهمته.. لكــن اذا قصدك تبين رأيي .. اقول الله يقويهم يسوونه بالعكس تـطور وانا مع اي حضاره ومواكبه للعصر مادام انه يخدمنا ويناسبنا ومايتعارض مع الدين الاسلامي ..

وش يعني لك منتدى بلدة الشعراء بكل من فيه ؟؟؟
منتدى الشعراء هو المنتدى الوحيد الي منتسبه فيه حالياً وادخل النت عشانه..اكثر منتدى احبه وارتاح فيه وانبسط فيه ويستاسع صدري واتكلم فيه بحريه ومن غير مجامله.. بأختصار هو افضل منتدى على الشبكه العنكبوتيه بالنسبه لي .. ولو يتقفل تركت النت لان النت حالياً بالنسبه لي يساوي منتدى الشعراء..وبس ..

امــا كـل من فـيه ..وش اقول وش اخلي .. أهــلي واخواني وعــيال عــمي وعائلتي الثانيه..
احــب كل الاعضاء والعضوات الي فيه من جد.. بعضهم ما اعرفهم ولاتربطني فيهم علاقه لكــن احس تربطني فيهم علاقه دمويه واحسهم من اهلي ولهم معزه خاصه.. و بعضهم اعرفهم وافتخر بمعرفتهم وقرابتهم زود لاني عرفتهم عن قرب وبهذا المنتدى الروعه.. والبعض ما اعرفهم لكــن الله يشهد اني اعزهم.. والبعض اعزهم معزة اخواني وترى انا اما اجامل اذا قلت اخواني يعني اخواني من جد الاشقاء يعني اتمنى لهم كل خير وكل تقدم ودي انهم يصرون الاحسن وما ارضى لهم الغلط ويضيق صدري لو صار لهم شي وكذا..فمن جد لي اخوان هنا..
وفيه البعض ما اعرفهم مره فمالي اي مشاعر تجاهم لكـن لو ادخل المنتدى والقى خبر شين عنهم والله يضيق صدري وكأنه احد في حياتي الطبيعه مو في النت واتمنى لهم كل خير..
والبعض يمكن صار بيني وبينه سوء فهم او خلاف وصدر مني او منه غلط ويمكن طاح من العين لكـن يعلم الله ماحقدت على احد ولاكرهت احد هنا >>هذا مجرد توضيح لان الكل يظن اني حقوده


ويش موقفك اذا اتتك المذمه من متغطرس ...؟؟؟
ولله الحمد ما انولد الي يقدر يذلني لامتغطرس ولا غيره..

ها ويش رايك بالاسئله الخنفشاريه ...

رهــيبه والله خصوصا السؤال الثاني طلعت فيه كل مشاعري تجاه الاعضاء ماخليت ولاعضو الاصنفته من ضمن الي فوق ..

لي عوده
باذن الله

الله حييك بأي وقت..

ام سعد



سوال



ليه ما تشاركين في تشاات الشعراء ؟؟

^
^
^
يعني وش اشارك اقول..؟؟
رحت اليوم وسويت وماسويت..ماشبعت نوم..ابروح انام.. وش اسمك يافلان وكم عمرك ياعلانه..وش سويت اليوم و وراك طلعت امس.... الخ
محــس مشاركتي فيه لها اي داعي ولاتفيدين ولاتفيد القراء.. غير اني بكل صراحه والعذر ما اشوفه يفرق كثــير عن التشاتات المختصه..اللهم هذا بمنتدى..

ويمكن لو فيه تشات في قسم حواء ومختص بالبنات شاركت مع انه مرح يستمر..
ولو تذكرون الاستراحه فتحناها بحيث تكون لنا يالبنات والتشات للشباب لكـن للاسف ما استمرت وتقفلت...
* اتوقع بعد ذا الكرسي بيجدعوني بالمحذوفات على ذا الصراحه الي مابها ملح




ام محــمــد..
العذر توي انتبه لسؤالك الاخير..
مــذمــه .. تصدقين توي انتبه قريتها وجاوبت على اساس انها مذله >>والله العجله
اممم مذمه ومن متغطرس..يعني لوهي انتقاد يمكن اتقبله بس مذمه لااا..ما ارضاها وعموماً اي مذمه خصوصا من احد شايف نفسه ماتسيء لي كثر ماتسيء له .. بالعكس تحسسني بتميزي وتفوقي عليه..لان معناته انه يشعر بالغيره مني والي يشعر بالغيره الي بالتالي تؤدي للذم مثل ماقلتي معناته يحس بالنقص فهو ناقص وانا كامله امامه وهذا الشي يجعلني في المقدمه اما هو في الاخير.. يعني يزدني ثقه وفخر بنفسي.. فدائماً اذا شفت ذا النوعيه افتخر بكوني انـا ..

برب

إنتظري أسئلتي وإذا ماتعرفينها إسئلي عبد العزيز عنها
~~~~~

تسمعين بالبرب ياللي فوق ..

الموهيم اللي بسآل يعجل .. عشان خلاص بقفل الموضوع لها شهر الله يجزاها خير ويصبرها على اسئلتكم البثره << بينفرش

بسم الله الرحمن الرحيم

السلام عليكم ورحمة الله وبركاته

سري

تسمعين بالبرب ياللي فوق ..

من جد والله ياانا ما نسيته

كيفك يمي عسام طيبه

المهم اليوم ماجبت في جعبتي شي(ن) واجد بس

بس كم سؤال
طبع(ن)أم سعد(جروح الوقت ) عضوه سجلت قبلنا وأنسحبت بالفتره الي طلعت

سجلت انا وكانت إظاهر الموضه عند البنات التسجيل ذيك السنه في المنتدى ~~~~

وفي ذيك الفتره عرفنا أنه كان فيه عضوه أسمها جروح الوقت من المواضيع المثبته لك

ولا الموضوع حق الإستراحه

1- دآيم ردودك احسك تتوجدين على أيآآم مبطي في المنتدى هل قبل او الفتره الآن كان المنتدى نشط فيها

أكثر من الحين ولا مغير ذكريات حلوه

2- بحطلك أعضاء الي في المنتدى وعلقي عليهم

1- سمى(سموش)

2-اكفني شرك(بن جريبه --جني الشبارم )<<<ياقدمي(ترى ذي كلها اسمائه

3-سري للغايه




سؤال لك دآآيم تقولين إن أسلوبي مبهم معني تعديت فتره الأخطاء وبالبركه في الأعضاء الجملين

يعني تركيب الجمل ولا وشو (ترى موب أنت لحالك مره كنت أسولف فالت عمتي أقول أسكتي ما تعرفين تسولفين


عضو(ه) فيمن مضى تبين(ه) يرجع

بس شفتني حبيبه خلصت <<<<ماكانت مخمخه وهي ترد
ش
خرشنا سري الله يصلحه

تشكرات

هــلا اخــتي عــروبه .. حــياك الله ..

كيفك يمي عسام طيبه

بخــير جعلك بخــير ..

المهم اليوم ماجبت في جعبتي شي(ن) واجد بس

حياك الله ..

1- دآيم ردودك احسك تتوجدين على أيآآم مبطي في المنتدى هل قبل او الفتره الآن كان المنتدى نشط فيها
أكثر من الحين ولا مغير ذكريات حلوه

لابالعــكس الحــين يعــتبر انــشط بكــثير واكثر تفاعل من اول..
بس ذيك الايام كان المــنتدى حــلو ببعض المواضــيع الي كان لها صـدى في المنتدى وننتظرها بشكـل يومي كنها مســلسل مـثل موضوع قصة حياة أبوربيــع رهيب ذا الموضوع..ولــعــبة الحــكم >>كانت الطـفره فيها وكل الاعضاء متحمسين معها كبار وصغار وحتى كانت مسويه جـو للمــنتدى يعني المواضيع تتجدد بشكل يومي في جميع الاقسام الجاد.. الصور.. المطبخ .. الخ وكلها احكام وطبعا غير منقوله هذا الشي مخلي للمنتدى طعم ثاني ..
وطبعاً كان فيه اعضاء محـلين المنتدى وبالنسبه لي عاملين جو .. مثل سالفة عــشاق..وحفيدة زيـد ..وشمعة الجـلاس وكــثير.. نتمنى رجعتهم لنا ..

2- بحطلك أعضاء الي في المنتدى وعلقي عليهم
1- سمى(سموش)

من الاعضاء الي احــترمهم والكـل اكيد يحترمها..حـبيتها من يوم رجعت المنتدى مع اني ماكنت اعرفها كـثير..هاديه..محترمه..أســلوبها يعجبي اسلوب وحده ناضجه وعاقله.. ومن الاعضاء الي لهم معزه عندي ..

2-اكفني شرك(بن جريبه --جني الشبارم )<<<ياقدمي(ترى ذي كلها اسمائه

تدرين تــوي ادري انه جـني الشبارم وانا من زمان اقول وينه جني الشبارم الله يذكره بالخير اثره نفس الشخص
والله أبن الحلال ما اعرفه واجد يمكن لان تواجده ومشاركته في المنتدى قليل.. بس انه حـبيب واجــودي وخــلوق ماعمري شفت له رد قيه اسائه لاحــد..اذا شــارك بأي موضوع شارك مشاركه تبرد القلب .. من الاعضاء الي شاركوا في ديوانية الموروث واضاف موروثات كثـير ..الله يعافيه..

3-سري للغايه

ياحلــيله سـري وش اقول عنه وش اخـلي.. حــبيب بالحــيل ومايشيل على احـد ولايزعـل ابد.. وسيـع صدر وصاحب نكـته واي موضوع يرد عليه يحليه بردوده الي توسع الصدر..مجتهد في المنتدى نوعاً ما >>يعني مهوب مثل اول..بس الدراسه الله يعينه ويوفقه وجميع طلابنا الاعضاء..

سؤال لك دآآيم تقولين إن أسلوبي مبهم معني تعديت فتره الأخطاء وبالبركه في الأعضاء الجملين

لااااااااا ياعمـري والله مهوب قصدي اخطاء ولا اذكر اني شفت لك اخطاء..
بس مدري نادر ما اقرا لك رد وافهمه كــله عاد مدري البلا مني ولامنك لاني اتنح احياناً

يعني تركيب الجمل ولا وشو

مهوب كذا بالضبط بس احسـك تدخلين كم سالفه بالموضوع واعجز افهمهم>>ابرك

ترى موب أنت لحالك مره كنت أسولف فالت عمتي أقول أسكتي ما تعرفين تسولفين

بالعكس يامي سواليفك توسع الصدر وردودك تهــبل وتبرد القلب

عضو(ه) فيمن مضى تبين(ه) يرجع

حــفــيدة زيــد و بنــت بنــي زيــد ..

السلام عليكم ورحمة الله وبركاته

الى الوالدة أم سعد <<طمعانه بها السعد هههههههه

ودي اتعرف عليتس اكثر لاني موعجبه كثيييير بشخصيتس بس للاسف انا ماطرحت اي سؤال
لاني نادرا ماادخل الشعراء او النت عموما بسبب دراستي
بس ان شاء الله
لي عوده بالاسئله

لااااااااا ياعمـري والله مهوب قصدي اخطاء ولا اذكر اني شفت لك اخطاء..
بس مدري نادر ما اقرا لك رد وافهمه كــله عاد مدري البلا مني ولامنك لاني اتنح احياناً

بلاك ماتدرين والله ياأنا سببت أزمه اول ما دخلت

لا تراني من النوع أقول عشر سالفات بوقت واحد

وبنسبه لتتنيح تراني أغلب الوقت انا مفصوله (فاصله
عشان جه (كذا

ماستنكرت ردك